ദി സീസൈഡ് അറ്റ് പലവാസ്
| The Seaside at Palavas | |
|---|---|
.jpg) | |
| Artist | Gustave Courbet |
| Year | 1854 |
| Medium | oil on canvas |
| Dimensions | 37 cm × 46 cm (15 ഇഞ്ച് × 18 ഇഞ്ച്) |
| Location | Musée Fabre, Montpellier |
1854-ൽ ഗുസ്താവ് കൂർബെ വരച്ച പാലവാസ്-ലെസ്-ഫ്ലോട്ടുകളിലെ കടൽത്തീരത്തിന്റെ ചിത്രമാണ് ദി സീസൈഡ് അറ്റ് പലവാസ്. കൂർബെ മോണ്ട്പെല്ലിയറിൽ ആദ്യമായി താമസിക്കുന്നതിനിടെ ആൽഫ്രഡ് ബ്രൂയാസ് ഈ ചിത്രം വരയ്ക്കാനായി നിയോഗിച്ചു. കൂർബെ ജനിച്ചത് ഫ്രാഞ്ചെ-കോംടെയിലാണ്. അതിനാൽ ലാംഗ്വേഡോക്കിന്റെയും മെഡിറ്ററേനിയന്റെയും പ്രകൃതിദൃശ്യങ്ങൾ ഒരു തുറന്നുകാട്ടലായിരുന്നു. കാസ്പർ ഡേവിഡ് ഫ്രീഡ്രിക്ക് വരച്ച ദി മോങ്ക് ബൈ ദി സീയും ഈ ചിത്രത്തിന് ഭാഗികമായ പ്രചോദനമായി. ഈ ചിത്രം ഇപ്പോൾ മോണ്ട്പെല്ലിയറിലെ മ്യൂസി ഫാബ്രെയിലാണ് സംരക്ഷിച്ചിരിക്കുന്നത്.[1]
ചിത്രകാരനെക്കുറിച്ച്[തിരുത്തുക]
പത്തൊൻപതാം നൂറ്റാണ്ടിലെ ഫ്രഞ്ച് പെയിന്റിംഗിൽ റിയലിസം പ്രസ്ഥാനത്തിന് നേതൃത്വം നൽകിയ ഒരു ഫ്രഞ്ച് ചിത്രകാരനായിരുന്നു ഗുസ്താവ് കൂർബെ. തനിക്കു കാണാൻ കഴിയുന്ന കാര്യങ്ങൾ മാത്രം വരയ്ക്കാൻ പ്രതിജ്ഞാബദ്ധനായ അദ്ദേഹം അക്കാദമിക് കൺവെൻഷനും മുൻ തലമുറയിലെ വിഷ്വൽ ആർട്ടിസ്റ്റുകളുടെ റൊമാന്റിസിസവും നിരസിച്ചു. അദ്ദേഹത്തിന്റെ സ്വാതന്ത്ര്യം പിൽക്കാല കലാകാരന്മാരായ ഇംപ്രഷനിസ്റ്റുകൾക്കും ക്യൂബിസ്റ്റുകൾക്കും പ്രധാനപ്പെട്ട ഒരു മാതൃകയാണ്. പത്തൊൻപതാം നൂറ്റാണ്ടിലെ ഫ്രഞ്ച് പെയിന്റിംഗിൽ ഒരു നവീനനെന്ന നിലയിലും തന്റെ സൃഷ്ടികളിലൂടെ ധീരമായ സാമൂഹിക പ്രസ്താവനകൾ നടത്താൻ തയ്യാറായ ഒരു കലാകാരനെന്ന നിലയിലും കോർബെറ്റിന് ഒരു പ്രധാന സ്ഥാനം ഉണ്ട്.
അവലംബം[തിരുത്തുക]
- ↑ "The Seaside at Palavas by Gustave Courbet". www.gustavecourbet.net. മൂലതാളിൽ നിന്നും 2020-06-25-ന് ആർക്കൈവ് ചെയ്തത്. ശേഖരിച്ചത് 2020-06-22.