തൊഴിൽ കേന്ദ്രത്തിലേക്ക് (നാടകം)

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search

അടുക്കളയിൽ നിന്ന് അരങ്ങത്തേക്ക് എന്നതിന്റെ തുടർച്ചയയി വി.ടി.യുടെ നാടകമാണു തൊഴിൽ കേന്ദ്രത്തിലേക്ക് . 1948 ൽ പുരോഗമന മനസ്സുള്ള ഒരു കൂട്ടം വനിതകൾ അന്തർജന സമാജത്തിന്റെ നേതൃത്വത്തിൽ ഈ നാടകം അവതരിപ്പിച്ചത്.[1] രചനയും നിർമ്മാണവും അഭിനയവും തൊട്ട്‌ നാടകത്തിന്റെ അണിയറ പ്രവർത്തനങ്ങളെല്ലാം സ്ത്രീകൾ മാത്രം നടത്തിയ കേരളചരിത്രത്തിലെ സ്ത്രീനവോത്ഥാന കാൽവയ്പ്പായിരുന്നു ഇത്.[2] നമ്പൂതിരി സ്ത്രീ സമൂഹത്തിലെ അന്ധവിശ്വാസങ്ങൾക്കും അനാചാരങ്ങൾക്കുമെതിരെയുള്ള ശക്തമായ ഒരാവിഷ്ക്കാക്കാരമാണ് ഈ നാടകം.

ഇതിവൃത്തം[തിരുത്തുക]

കർണാടകയിലെ ഏതോ ഉൾനാടൻഗ്രാമത്തിലേക്ക്‌ കാശിനുവേണ്ടി വിവാഹമെന്ന പേരിൽ വിൽക്കുവാൻ തീരുമാനിച്ചപ്പോൾ കാവുങ്കര ഭാർഗ്ഗവി എന്ന സ്ത്രീ വീടുവിട്ടിറങ്ങുകയും തൊഴിൽ കേന്ദ്രം അവർക്ക്‌ അഭയം നൽകുകയും ചെയ്യുന്നതാണ്‌ ഇതിവൃത്തം.

പശ്ചാത്തലം[തിരുത്തുക]

1946ൽ ലക്കിടി ചെറമംഗലത്ത് മനയിൽ സ്ത്രീകളുടെ കമ്യൂണായ തൊഴിൽ കേന്ദ്രം രൂപീകൃതമായി. 1948ൽ തൊഴിൽകേന്ദ്രത്തിലേക്ക് എന്ന സ്ത്രീ നാടകം അവതരിപ്പിക്കുകയും ചെയ്തു. ആര്യാ പള്ളവും വേറെ രണ്ടു മൂന്ന് അന്തർജ്ജനങ്ങളുമായിരുന്നു മുഖ്യ രചയിതാക്കൾ.

അവലംബം[തിരുത്തുക]

  1. http://www.deshabhimani.com/women/women-in-progressive-literary-movement/603318
  2. https://www.janmabhumidaily.com/news135973