തേവലക്കര ഗ്രാമപഞ്ചായത്ത്
കൊല്ലം ജില്ലയുടെ വടക്കുപടിഞ്ഞാറുള്ള കരുനാഗപ്പള്ളി താലൂക്കിൽ ചവറ ബ്ളോക്കിൽ ഓണാട്ടുകര കാർഷികമേഖലയുടെ തെക്കുഭാഗത്തായാണ് തേവലക്കര പഞ്ചായത്ത് സ്ഥിതി ചെയ്യുന്നത്. 15.71 ചതുരശ്രകിലോമീറ്റർ വിസ്തീർണ്ണമുള്ള തേവലക്കര പഞ്ചായത്ത് ചവറ ബ്ളോക്കിലെ സാമാന്യം വിസ്തൃതി കൂടിയ പഞ്ചായത്തുകളിലൊന്നാണ്. 45,000-ത്തിനു മുകളിൽ ജനസംഖ്യയുള്ള ഈ പഞ്ചായത്ത് ജനസാന്ദ്രതയിലും മുന്നിലാണ്. തേവലക്കര പഞ്ചായത്തിൽ ഒരു ചതുരശ്രകിലോമീറ്ററിനുള്ളിൽ ഏകദേശം 3000-ത്തോളം ആളുകൾ തിങ്ങിപ്പാർക്കുന്നു. അഷ്ടമുടിക്കായലിന്റെ ഓരത്ത് സ്ഥിതി ചെയ്യുന്ന തേവലക്കര പഞ്ചായത്ത് തെങ്ങിൻതോപ്പുകളും വയലേലകളും നിറഞ്ഞു പ്രകൃതിരമണീയമായ ഭൂപ്രദേശമാണ്. കല്ലടയാറിന്റെയും അഷ്ടമുടി കായലിന്റെയും സംഗമം ഇവിടെയാൺ.
അതിരുകൾ[തിരുത്തുക]
പടിഞ്ഞാറുഭാഗത്ത് പന്മന, ചവറ, തെക്കുംഭാഗം എന്നീ പഞ്ചായത്തുകളും അഷ്ടമുടിക്കായലും തെക്കുഭാഗത്ത് പൂർണ്ണമായും അഷ്ടമുടിക്കായലും, കിഴക്കുഭാഗത്ത് പടിഞ്ഞാറേക്കല്ലട, മൈനാഗപ്പള്ളി എന്നീ പഞ്ചായത്തുകളും വടക്കുഭാഗത്ത് തൊടിയൂർ പഞ്ചായത്ത് എന്നിവയാണ് തേവലക്കര പഞ്ചായത്തുമായി അതിർത്തി പങ്കു വയ്ക്കുന്ന പ്രദേശങ്ങൾ.
വാർഡുകൾ[തിരുത്തുക]
- പടിഞ്ഞാറ്റിന്ക0ര വടക്ക്
- പടിഞ്ഞാറ്റിന്കര കിഴക്ക്
- നടുവിലക്കര
- മുളളിക്കാല
- അരിനല്ലൂർ പടിഞ്ഞാറ്
- അരിനല്ലൂർ വടക്ക്
- അരിനല്ലൂർ
- അരിനല്ലൂർ തെക്ക്
- പടപ്പനാൽ
- മുളളിക്കാല തെക്ക്
- കോയിവിള കിഴക്ക്
- കോയിവിള തെക്ക്
- കോയിവിള പടിഞ്ഞാറ്
- പുത്തൻസങ്കേതം തെക്ക്
- പയ്യംകുളം
- പുത്തൻസങ്കേതം വടക്ക്
- കോയിവിള വടക്ക്
- പാലയ്ക്കൽ
- പാലയ്ക്കൽ തെക്ക്
- മൊട്ടക്കൽ
- നടുവിലക്കര തെക്ക്
- പാലയ്ക്കൽ വടക്ക്
- പടിഞ്ഞാറ്റിൻകര തെക്ക്
സ്ഥിതിവിവരക്കണക്കുകൾ[തിരുത്തുക]
| ജില്ല | കൊല്ലം |
| ബ്ലോക്ക് | ചവറ |
| വിസ്തീര്ണ്ണം | 15.71 ചതുരശ്ര കിലോമീറ്റർ |
| ജനസംഖ്യ | 37717 |
| പുരുഷന്മാർ | 18581 |
| സ്ത്രീകൾ | 19136 |
| ജനസാന്ദ്രത | 2401 |
| സ്ത്രീ : പുരുഷ അനുപാതം | 1030 |
| സാക്ഷരത | 87.65% |
അവലംബം[തിരുത്തുക]
- http://www.trend.kerala.gov.in
- http://lsgkerala.in/thevalakkarapanchayat
- Census data 2001
|
കൊല്ലം ജില്ലയുടെ ഭൂമിശാസ്ത്രവുമായി ബന്ധപ്പെട്ട ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക. |