തെങ്ങമം ബാലകൃഷ്ണൻ

ഇംഗ്ലീഷ് വിലാസം

https://ml.wikipedia.org/wiki/Thengamam_Balakrishnan

തെങ്ങമം ബാലകൃഷ്ണൻ
നാലാം കേരള നിയമസഭാംഗം (അടൂർ)
ജനനം	(1927-04-01)ഏപ്രിൽ 1, 1927 പത്തനംതിട്ട,കേരളം
മരണം	3 ജൂലൈ 2013(2013-07-03) (പ്രായം 86) കൊല്ലം,കേരളം
പൗരത്വം	ഇന്ത്യൻ
രാഷ്ട്രീയ പാർട്ടി	സി.പി.ഐ.
രക്ഷിതാക്കൾ	മാധവൻ (അച്ഛൻ), നാണിയമ്മ (അമ്മ‌)
ജീവിത പങ്കാളി	നിർമ്മല
മക്കൾ	Soni B Thengamam , Kareena B Thengamam , Kavitha B Thengamam .

കേരളത്തിലെ പ്രമുഖനായ സാമൂഹ്യ - രാഷ്ട്രീയ പ്രവർത്തകനും പത്രപ്രവർത്തകനുമായിരുന്നു തെങ്ങമം ബാലകൃഷ്ണൻ(01 ഏപ്രിൽ 1927 -03 ജൂലൈ 2013).നാലാം കേരള നിയമ സഭാംഗമായിരുന്നു. സി.പി.ഐ കൊല്ലം ജില്ലാ കമ്മിറ്റിയംഗം, ജില്ലാ എക്‌സിക്യൂട്ടീവ് കമ്മിറ്റിയംഗം, സംസ്ഥാന കൗൺസിൽ അംഗം, സംസ്ഥാന നിർവ്വാഹക സമിതിയംഗം, സംസ്ഥാന കൺട്രോൾ കമ്മീഷനംഗം എന്നീ നിലകളിൽ പ്രവർത്തിച്ചിട്ടുണ്ട്.

ജീവിതരേഖ

അടൂരിനടുത്ത് തെങ്ങമത്ത് ചാക്കൂർ തെക്കതിൽ മാധവന്റെയും നാണിയമ്മയുടെയും മകനായി ജനിച്ചു. വിദ്യാർത്ഥി രാഷ്ട്രീയത്തിലൂടെ പൊതുരംഗത്തേക്കു വന്നു. ഇടയ്ക്കാട് സമരത്തിൽ പങ്കെടുത്ത് പോലീസിന്റെ ക്രൂര മർദ്ദനം ഏറ്റു വാങ്ങി.

ജനയുഗത്തിൽ സബ് എഡിറ്ററും ദീർഘകാലം പത്രാധിപരുമായിരുന്നു. മുഖ്യമന്ത്രിയായ പട്ടം താണുപിള്ളയ്ക്കും ഉപമുഖ്യമന്ത്രിയായ ആർ.ശങ്കറിനും എതിരെ അഴിമതി ആരോപണം ഉന്നയിച്ച് തെങ്ങമം എഴുതിയ റിപ്പോർട്ടുകൾ ശ്രദ്ധേയങ്ങളായിരുന്നു.

1970 ൽ അടൂർ നിന്ന് സി.പി.ഐ സ്ഥാനാർത്ഥിയായി നാലാം കേരള നിയമസഭയിലേക്ക് തെരഞ്ഞെടുക്കപ്പെട്ടു. കേരള പബ്ലിക് സർവീസ് കമ്മീഷൻ അംഗമായിരുന്നു. കേരള ഗ്രന്ഥശാലാ സംഘം വൈസ് പ്രസിഡന്റായും പ്രവർത്തിച്ചു. സമസ്ത കേരള സാഹിത്യ പരിഷത്ത് ഭാരാഹിയായിരുന്നു. ജനയുഗം പത്രത്തിന്റെയും മാസികയുടെയും പബ്ളിഷറായും പത്രാധിപരായും പ്രവർത്തിച്ചു. ഗ്രന്ഥാലോകത്തിന്റെ ഹോണററി എഡിറ്ററായിരുന്നു. 2013 ജൂലൈ 3ന് തന്റെ 86ആം വയസ്സിൽ തെങ്ങമം അന്തരിച്ചു.

കൃതികൾ

• നിറക്കൂട്ടില്ലാതെ' (ആത്മകഥ)

പുരസ്കാരങ്ങൾ

• ടി.എ.മജീദ് സ്മാരക പുരസ്കാരം

പുറംകണ്ണികൾ

ആ ഇടി കൊമ്പനാനയ്ക്ക് കിട്ടിയിരുന്നെങ്കിൽ...