തിയോഡർ ഹേർസൽ

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search

ഹംഗറിയിലെ ബുഡാപെസ്റ്റിൽ ജേക്കബ് ഹെർസലിന്റെ മകനായാണ് 1860 ൽ തിയഡോർ ഹെർസൽ ജനിച്ചത്. പിതാവായ ജേക്കബ് ഹെർസൽ ഒരു ബിസിനസ്സുകാരനും സമ്പന്നനുമായിരുന്നു.1878-ൽ, അദ്ദേഹത്തിന്റെ സഹോദരി പൗളിന്റെ മരണശേഷം, കുടുംബം ഓസ്ട്രിയ-ഹംഗറിയിലെ വിയന്നയിലേക്ക് മാറി, ഒൻപതാമത്തെ ജില്ലയായ അൽസെർഗ്രണ്ടിൽ താമസിച്ചു.വിയന്ന സർവകലാശാലയിൽ ഹെർസൽ നിയമം പഠിച്ചു. സൂയസ് കനാൽ നിർമ്മിച്ച ഫെർഡിനാൻഡ് എന്ന എഞ്ചിനീയറായിരുന്നു അദ്ദേഹത്തിന് ഇഷ്ടപ്പെട്ട ഹീറോയെങ്കിലും എഴുത്തിന്റെ ലോകത്താണ് തിയഡോർ ഹെർസൽ എത്തിച്ചേർന്നത്. ഹെർസൽ പാരീസിൽ പത്രപ്രവർത്തകനായിരിക്കെയാണ് പ്രസിദ്ധമായ ഡ്രൈയ്ഫസ് കേസ് ഉണ്ടാകുന്നത്. ജൂതനായ ആൽഫ്രഡ് ഡ്രൈയ്ഫസ് തന്റെ കഴിവു കൊണ്ട് ഫ്രഞ്ച് സൈന്യത്തിൽ ഉന്നത പദവിയിലെത്തിച്ചേർന്നിരുന്നു. ഫ്രഞ്ച് സൈന്യത്തിന്റെ പീരങ്കിഘടകങ്ങൾ ജർമ്മൻ സൈന്യത്തിനായി കടത്തി എന്നതായിരുന്നു കേസ്. വ്യാജരേഖകളുടെ പിൻബലത്തിൽ കെട്ടിച്ചമച്ചതായിരുന്നു. ഡ്രൈയ്ഫസിനെ ഫ്രഞ്ച് ഗഗാനയിലെ ചെകുത്താൻ ദ്വീപിലുള്ള തടവറയിലേക്ക് അയച്ചു.(1896 ൽ തെറ്റ് മനസ്സിലായ കോടതി അദ്ദേഹത്തെ കുറ്റവിമുക്തനാക്കി) പരിഷ്കൃത സമൂഹമെന്ന് ലോകം കരുതുന്ന ഫ്രാൻസിൽ പോലും ഉന്നത പദവിയിലുള്ള ഒരു ജൂതൻ ഏൽക്കേണ്ടി വന്ന അപമാനം ഹെർസലിന്റെ ഉള്ളിലെ വംശീയത ഉണർത്തി. ജൂത സമൂഹത്തിന് സ്വതന്ത്രമായി ചിന്തിക്കുവാന്നും പ്രവർത്തിക്കുവാനും ജീവിക്കുവാനും ഒരു പിടി മണ്ണ് ആവശ്യമാണന്ന ചിന്തയിൽ നിന്നുമാണ് സയണിസ്റ്റ് പ്രസ്ഥാനം രൂപം കൊണ്ടത്. 1896-ഇതിനായി "ജൂതരാഷ്ട്രം" എന്ന 100 പേജുള്ള ലഘുരേഖ ജർമ്മൻ ഭാഷയിൽ പ്രസിദ്ധീകരിക്കപ്പെട്ടു.ഇത് പല ഭാഷകളിലും തർജ്ജിമ ചെയ്യപ്പെട്ടു. യൂറോപ്പിൽ പലയിടങ്ങളിലായി ചിതറിക്കിടന്നിരുന്ന ജൂത,സിയോണിസ്റ്റ് ഗ്രൂപ്പുകളിൽ വംശീയത ഇളക്കിവിട്ടു. ജൂതൻ ഗണ്യമായ അളവിൽ താമസിക്കുന്നിടത്തെല്ലാം, അസ്ഥിതിത്വ പ്രതിസന്ധിയുണ്ട് എന്ന് കരുതുന്നു സ്ഥലങ്ങളിലും, നമ്മുടെ ജനസംഖ്യ കൂടുമ്പോൾ പീഡനങ്ങളും കൂടുന്നു. ഉപദ്രവിക്കപ്പെടാത്ത സ്ഥലങ്ങളിലേക്ക് സ്വാഭാവികമായും നാം ആകർഷിക്കുന്നു, അവിടെ നമ്മുടെ രൂപം പീഡനത്തിന് കാരണമാകുന്നു. അങ്ങനെയാണെങ്കിൽ, എല്ലായിടത്തും, ഉയർന്ന പരിഷ്‌കൃത രാജ്യങ്ങളിൽ പോലും - ഉദാഹരണത്തിന് ഫ്രാൻസ്, അതിനാൽ തന്നെ പരമ്പരാഗതമായ ഒരു രാഷ്ട്രിയ പരിഹാരം നമ്മുടെ പ്രശ്നങ്ങൾക്കില്ല.

പുസ്തകം ഉപസംഹരിക്കുന്നു: അതിനാൽ അത്ഭുതകരമായ ഒരു തലമുറ ജൂതന്മാർ അസ്തിത്വത്തിലേക്ക് നീങ്ങുമെന്ന് ഞാൻ വിശ്വസിക്കുന്നു. മക്കാബീൻസ് വീണ്ടും ഉയരും. ഒരു രാഷ്ട്രം ആഗ്രഹിക്കുന്ന യഹൂദന്മാർക്ക് അത് ലഭിക്കും.

അവസാനം നമ്മുടെ സ്വന്തം മണ്ണിൽ സ്വതന്ത്രരായ മനുഷ്യരായി നാം ജീവിക്കുകയും, നമ്മുടെ സ്വന്തം വീടുകളിൽ സമാധാനപരമായി മരിക്കുകയും ചെയ്യും.

നമ്മുടെ സ്വാതന്ത്ര്യത്താൽ ലോകം സ്വതന്ത്രമാകും, നമ്മുടെ സമ്പത്താൽ ലോകം സമ്പന്നമാകും,നമ്മുടെ മഹത്ത്വത്താൽ ലോകം വലുതാക്കപ്പെടും.

നമ്മുടെ സ്വന്തം ക്ഷേമത്തിനായി നമ്മൾ ഇവിടെ ശ്രമിക്കുന്നതെന്തും മനുഷ്യരാശിയുടെ നന്മയ്ക്കായി ശക്തമായും പ്രയോജനപ്രദമായും പ്രതികരിക്കും.[1]

  1. ഇസ്രയേൽ അന്നും ഇന്നും
"https://ml.wikipedia.org/w/index.php?title=തിയോഡർ_ഹേർസൽ&oldid=3261399" എന്ന താളിൽനിന്ന് ശേഖരിച്ചത്