താർ
| താർ | |
|---|---|
 | |
| ഹിമാലയൻ താർ | |
| Scientific classification | |
| Kingdom: | |
| Phylum: | |
| Class: | |
| Order: | |
| Family: | |
| Subfamily: | Caprinae In part |
| Genus | |
ആർട്ടിയോഡാക്ടില സസ്തനി ഗോത്രത്തിന്റെ ഉപകുടുംബമായ കാപ്രിനിഡെയിൽപ്പെടുന്നതും കോലാടിന്റെ ബാഹ്യലക്ഷണങ്ങളുള്ളതുമായ ഒരിനം ഏഷ്യൻ മാനുകളെ താർ എന്ന് വിളിക്കുന്നു.
ശരീരഘടന
[തിരുത്തുക]പർവതനിരകളിലും വൃക്ഷങ്ങൾ തിങ്ങി വളരുന്ന കുന്നിൻചരിവുകളിലുമാണ് ഇവ ജീവിക്കുന്നത്. തോളറ്റം വരെ ഒരു മീറ്ററോളം ഉയരവും 90 കിലോഗ്രാം വരെ ഭാരവും വരും. ആൺ - പെൺ മൃഗങ്ങൾക്ക് ചെറിയ പരന്ന കൊമ്പുകളുണ്ട്. ആൺമൃഗങ്ങൾ വലിപ്പം കൂടിയവയാണ്. ഇവയുടെ കൊമ്പുകളിൽ വാർഷിക വളർച്ചാവലയങ്ങൾ വളരെ വ്യക്തമായി കാണാൻ കഴിയും. ആൺമൃഗങ്ങളെയപേക്ഷിച്ച് പെൺമൃഗങ്ങളുടെ ശരീരരോമങ്ങൾ നീളം കുറഞ്ഞവയാണ്. ഗർഭകാലം 180 ദിവസമായിരിക്കും.
വിവിധയിനം താറുകൾ
[തിരുത്തുക]ഹിമാലയൻ താർ
[തിരുത്തുക]ഹിമാലയൻ താറുകളെ ഭൂട്ടാൻ മുതൽ കാശ്മീർ വരെയുള്ള ഭൂപ്രദേശങ്ങളിലാണ് കണ്ടുവരുന്നത്. ഇതിന്റെ ശരീരം നീളംകൂടി, ജടപിടിച്ച കടുംചുവപ്പു കലർന്ന തവിട്ടുനിറത്തിലുള്ള രോമങ്ങളാൽ ആവൃതമാണ്. കുഞ്ചിരോമങ്ങൾക്കു സദൃശമായ നീണ്ട രോമങ്ങൾ കഴുത്തിലും തോളിലും കാണപ്പെടുന്നുമുണ്ട്. തലയിലും കാൽമുട്ടിനു താഴെയും വളരെച്ചെറിയ രോമങ്ങളാണുള്ളത്.
നീലഗിരി താർ (വരയാട്)
[തിരുത്തുക]നീലഗിരി താറുകൾ തെക്കേ ഇന്ത്യയിലാണ് ധാരാളമായി കണ്ടുവരുന്നത്. ഇവയ്ക്ക് കടും മഞ്ഞയോ തവിട്ടോ നിറത്തിലുള്ള വളരെ ചെറിയ രോമങ്ങളാണുള്ളത്. കുഞ്ചിരോമങ്ങൾ ചെറുതും മുള്ളുപോലുള്ളതുമായിരിക്കും. പശ്ചിമഘട്ടത്തിലെ 1200 മുതൽ 2600 മീറ്റർ വരെ ഉയരമുള്ള പുൽമേടുകളിലും കുത്തനെയുള്ള പാറക്കെട്ടുകളിലുമാണ് ഇവയെ പ്രധാനമായും കാണപ്പെടുന്നത്. തമിഴ്നാടിന്റെ സംസ്ഥാന മൃഗമാണ് വരയാട്. ലോകത്തിലെ ഏറ്റവും കൂടുതൽ വരയാടുകൾ കാണപ്പെടുന്ന ഇടമാണ് ഇരവികുളം നാഷണൽ പാർക്ക്. മൂന്നാറിനാടുത്തുള്ള രാജമല ഇതിന്റെ ഭാഗമാണ്. ഐ. യു. സി. എൻ (IUCN) റെഡ് ലിസ്റ്റ് പ്രകാരം 'വംശനാശ ഭീഷണി' നേരിടുന്ന വിഭാഗത്തിലാണ് ഇവ ഉൾപ്പെടുന്നത്.
അറേബ്യൻ താർ
[തിരുത്തുക]ടാറുകളിൽ വച്ചേറ്റവും വലിപ്പം കുറഞ്ഞ ഇനം ഒമാനിൽ കണ്ടുവരുന്ന അറേബ്യൻ ടാറുകൾ ആണ്. ഇവയുടെ ശരീരത്തെ പൊതിഞ്ഞ് നീളം കുറഞ്ഞ രോമങ്ങളാണുള്ളത്. രോമങ്ങൾക്ക് മഞ്ഞ കലർന്ന തവിട്ടുനിറവുമാണ്. എങ്കിലും കാലുകളിലേയും വയറിനടിഭാഗത്തേയും രോമങ്ങൾക്ക് വെള്ളനിറമാണുള്ളത്.
 | കടപ്പാട്: കേരള സർക്കാർ ഗ്നൂ സ്വതന്ത്ര പ്രസിദ്ധീകരണാനുമതി പ്രകാരം ഓൺലൈനിൽ പ്രസിദ്ധീകരിച്ച മലയാളം സർവ്വവിജ്ഞാനകോശത്തിലെ ടാര് എന്ന ലേഖനത്തിന്റെ ഉള്ളടക്കം ഈ ലേഖനത്തിൽ ഉപയോഗിക്കുന്നുണ്ട്. വിക്കിപീഡിയയിലേക്ക് പകർത്തിയതിന് ശേഷം പ്രസ്തുത ഉള്ളടക്കത്തിന് സാരമായ മാറ്റങ്ങൾ വന്നിട്ടുണ്ടാകാം. |