തരുൺ ഗൊഗൊയ്

ഇംഗ്ലീഷ് വിലാസം

https://ml.wikipedia.org/wiki/Tarun_Kumar_Gogoi

തരുൺ ഗൊഗൊയ്
13th Chief Minister of Assam
In office 18 May 2001 – 24 May 2016
ഗവർണ്ണർ	ശ്രീനിവാസ് കുമാർ സിൻഹ അരവിന്ദ് ദാവെ അജയ് സിംഗ് ശിവ് ചരൺ മാത്തൂർr കെ. ശങ്കരനാരായണൻ സെയ്ദ് സിബ്റ്റി റാസി ജാനകി ബല്ലഭ് പട്നായിക് പത്മനാഭ ആചാര്യ
മുൻഗാമി	പ്രഫുല്ല കുമാർ മഹന്ത
പിൻഗാമി	സർവാനന്ദ സോനോവൽ
Member of Legislative Assembly Titabar
പദവിയിൽ
പദവിയിൽ വന്നത് 20 September 2001
മുൻഗാമി	ദിപ് ഗൊഗോയ്
Minister of State (Independent Charge) for Food Processing Industries
In office 1991–1996
പ്രധാനമന്ത്രി	പി.വി. നരസിംഹ റാവു
Member of Parliament Kaliabor
In office 1998–2001
മുൻഗാമി	കേശബ് മഹന്ത
പിൻഗാമി	ദിപ് ഗോഗോയ്
Member of Legislative Assembly Margherita
In office 1996–1998
മുൻഗാമി	കുൽ ബഹദൂർ ചെത്രി
പിൻഗാമി	Pradyut Bordoloi
Member of Parliament Kaliabor
In office 1991–1996
മുൻഗാമി	Bhadreswar Tanti
പിൻഗാമി	കേശബ് മഹന്ത
Member of Parliament Jorhat
In office 1971–1984
മുൻഗാമി	രാജേന്ദ്രനാഥ് ബറുവ
പിൻഗാമി	Parag Chaliha
Personal details
Born	(1936-04-01)ഏപ്രിൽ 1, 1936 Rangamati Jorhat, Assam Province, British India (present-day Assam, India)
Died	നവംബർ 23, 2020(2020-11-23) (പ്രായം 84) ഗൌഹട്ടി, ആസാം
Political party	ഇന്ത്യൻ നാഷണൽ കോൺഗ്രസ്
Spouse(s)	ഡോളി ഗോഗോയ്
Children	ചന്ദ്രിമ ഗോഗോയ്, ഗൌരവ് ഗോഗോയ്
Parent(s)	ഡോ. കമലേശ്വർ ഗോഗോയ് (പിതാവ്), ഉഷ ഗോഗോയ് (മാതാവ്)
Residence(s)	ഗോഹട്ടി
Alma mater	ഗൌഹട്ടി സർവ്വകലാശാല
Profession	നിയമജ്ഞൻ, രാഷ്ട്രീയനേതാവ്
Website	assamassembly.gov.in/tarun-gogoi.html
Source: [Government of Assam]

അസമിലെ പ്രമുഖ കോൺഗ്രസ് (ഐ) നേതാക്കളിലൊരാളും മുൻ മുഖ്യമന്ത്രിയുമായിരുന്നു തരുൺ കുമാർ ഗൊഗൊയി എന്ന തരുൺ ഗൊഗൊയി (ജനനം: 1936 ഏപ്രിൽ 1). 2020 നവംബർ 23 ന് അദ്ദേഹം അന്തരിച്ചു.

ജീവിതരേഖ

അസമിലെ ജോർഹാട് ജില്ലയിൽ പെട്ട റാൺഗജനിൽ ഡോക്ടർ കമലേശ്വർ ഗൊഗൊയിയുടെയും ഉഷ ഗൊഗൊയിയുടെയും ജനിച്ച തരുൺ ജോർഹാട് ഗവണ്മെന്റ് ബോയ്സ് സ്കൂളിൽ നിന്ന് പ്രാഥമിക വിദ്യാഭ്യാസവും ജെ.ബി കോളേജിൽ നിന്ന് ആർട്സ്, നിയമബിരുദങ്ങളും നേടി.

യൂത്ത് കോൺഗ്രസ് നേതാവായാണ് തരുൺ ഗൊഗൊയി തന്റെ രാഷ്ട്രീയ ജീവിതം ആരംഭിച്ചത്. ഈ യുവപ്രതിഭയുടെ കഴിവുകൾ തിരിച്ചറിഞ്ഞ കോൺഗ്രസ് (ഐ)-യുടെ അനിഷേധ്യ നേതാവായിരുന്ന ഇന്ദിരാ ഗാന്ധി സംസ്ഥാനത്തെ യൂത്ത് കോൺഗ്രസ് പ്രവർത്തനങ്ങളുടെ ചുമതല ഗൊഗൊയിയെ ഏൽപ്പിച്ചു. 1971-ലെ ലോക്‌സഭ തെരഞ്ഞെടുപ്പിൽ ജോർഹാട് മണ്ഡലത്തിൽ നിന്ന് മത്സരിച്ച ഗൊഗൊയി വിജയം നേടി അഞ്ചാം ലോക്‌സഭയിലെ അംഗമായി. പിന്നീട് 1977-ലും 1983-ലും നടന്ന തെരഞ്ഞെടുപ്പുകൾക്ക് ശേഷം രൂപീകരിക്കപ്പെട്ട ആറും ഏഴും ലോക്‌സഭകളിലും ജോർഹാട് മണ്ഡലത്തെ പ്രതിനിധീകരിച്ചത് ഗൊഗൊയി തന്നെയായിരുന്നു. ഇതിനിടെ 1976-ൽ ഓൾ ഇന്ത്യാ കോൺഗ്രസ് കമ്മറ്റിയുടെ ജോയിന്റ് സെക്രട്ടറി സ്ഥാനത്തേക്കും 1985-ൽ ഓൾ ഇന്ത്യാ കോൺഗ്രസ് കമ്മറ്റി (ഐ)യുടെ ജനറൽ സെക്രട്ടറി സ്ഥാനത്തേക്കും അദ്ദേഹം നിയമിതനായി. 1986 മുതൽ 1990 വരെയുള്ള കാലഘട്ടത്തിൽ അസം പ്രദേശ് കോൺഗ്രസ് കമ്മറ്റിയുടെ പ്രസിഡണ്ട് സ്ഥാനം ഗൊഗൊയി വഹിച്ചിരുന്നു .

1991-ൽ കാളിയബോർ മണ്ഡലത്തിൽ നിന്നും പത്താം ലോക്‌സഭയിലെത്തിയ അദ്ദേഹം 1991 മുതൽ 1993 വരെ ഭക്ഷ്യ വകുപ്പിന്റെയും 1993 മുതൽ 1995 വരെ ഭക്ഷ്യ സംസ്കരണ വകുപ്പിന്റെയും സ്വതന്ത്ര ചുമതലയുള്ള മന്ത്രിയായിരുന്നു. 1997-1998ൽ മാർഗ്‌ഹെരിത് നിയമസഭാ മണ്ഡലത്തിൽ നിന്നുള്ള പ്രതിനിധിയായി അസം നിയമസഭയിൽ തന്റെ സാന്നിധ്യം അറിയിച്ച ഗൊഗൊയി വീണ്ടും 1998-ലും 1999-ലും കാളിയബോർ ലോക്‌സഭാ മണ്ഡലത്തിൽ നിന്നുള്ള പ്രതിനിധിയായി യഥാക്രമം പന്ത്രണ്ടും പതിമൂന്നും ലോക്‌സഭകളിലെ അംഗമായിരുന്നു.

2001 മേയ് 17-ന് അദ്ദേഹം അസം മുഖ്യമന്ത്രി സ്ഥാനത്തേക്ക് തെരഞ്ഞെടുക്കപ്പെട്ടു. 2006-ൽ നടന്ന നിയമസഭാ തെരഞ്ഞെടുപ്പിലും കോൺഗ്രസ് (ഐ) തന്നെ സംസ്ഥാനത്ത് ഭൂരിപക്ഷം മണ്ഡലങ്ങളിലും വിജയിച്ചതിനാൽ തരുൺ ഗൊഗൊയിക്ക് മുഖ്യമന്ത്രി സ്ഥാനം നിലനിർത്താനായി. ഈ നിയമസഭയുടെ അവസാന കാലത്ത് ഗൊഗൊയിയുടെ നേതൃത്വത്തിലുള്ള സർക്കാരിനെതിരേ മൊത്തം 20,000 കോടി രൂപ നഷ്ടം കണക്കാക്കാവുന്ന അഴിമതി ആരോപണങ്ങൾ ഉയർന്ന് വന്നിരുന്നു. ഇതിന് പുറമേ അന:ധികൃത കുടിയേറ്റങ്ങളും തേയില തോട്ടങ്ങളിലെ പ്രശ്നങ്ങളും ഗൊഗൊയി സർക്കാരിനു തലവേദന സൃഷ്ടിച്ചിരുന്നു. അതിനാൽ 2011-ലെ നിയമസഭാ തെരഞ്ഞെടുപ്പിൽ സംസ്ഥാനത്ത് ശക്തമായ ഭരണവിരുദ്ധ വികാരം പല മാധ്യമങ്ങളും പ്രവചിച്ചിരുന്നെങ്കിലും തരുൺ ഗൊഗൊയിക്ക് മൂന്നാം വട്ടവും തുടർച്ചയായി തന്റെ പാർട്ടിയെ അധികാരത്തിലേക്ക് നയിക്കുവാൻ സാധിച്ചു.

സ്വകാര്യജീവിതം

1972 ജൂലൈ 30 ന് തരുൺ ഗോഗോയ് ഗൌഹതി സർവകലാശാലയിൽ നിന്ന് സുവോളജിയിൽ ബിരുദാനന്തര ബിരുദധാരിണിയായ ഡോളി ഗോഗോയിയെ വിവാഹം കഴിച്ചു. എം‌ബി‌എ ബിരുദധാരിണിയായ ചന്ദ്രിമ ഗോഗോയിയും കാളിയബോറിൽനിന്നുള്ള പാർലമെന്റ് അംഗവും ന്യൂയോർക്ക് സർവകലാശാലയിൽ നിന്ന് പബ്ലിക് അഡ്മിനിസ്ട്രേഷനിൽ ബിരുദവും നേടിയ ഗൌരവ് ഗോഗോയിയും ഉൾപ്പെടെ അവർക്ക് രണ്ട് കുട്ടികളാണുള്ളത്. ജോർഹട്ടിൽ നിന്ന് മെട്രിക്കുലേഷൻ പാസായ തരുൺ ഗോഗോയ് ഗൌഹതി സർവകലാശാലയിൽ നിന്ന് എൽഎൽബി നേടിയിരുന്നു. ഗൗഹതി സർവകലാശാലയിലെ സ്റ്റുഡന്റ് അസോസിയേഷൻ നേതാവ് എന്ന നിലയിൽനിന്നായിരുന്നു അദ്ദേഹത്തിന്റെ രാഷ്ട്രീയ ജീവിതത്തിന്റെ ആരംഭം.

രോഗവും മരണവും

2020 ഓഗസ്റ്റ് 26 ന് COVID-19 ബാധിച്ച ഗോഗോയിയെ ആശുപത്രിയിൽ പ്രവേശിപ്പിക്കുകയും ചികിത്സയുടെ ഭാഗമായി പ്ലാസ്മ ട്രാൻസ്പ്ലാൻറ് നടത്തുകയും ചെയ്തു. കോവിഡ് രോഗം ബാധിച്ചതിന് ശേഷമുള്ള സങ്കീർണതകളും ഒന്നിലധികം അവയവങ്ങളുടെ തകരാറും കാരണം 2020 നവംബർ 23 ന് വൈകുന്നേരം 5.34 ന് ഗൌഹട്ടി മെഡിക്കൽ കോളേജിൽവച്ച് അദ്ദേഹം അന്തരിച്ചു.