തങ്കമ്മ മാലിക്

വിക്കിപീഡിയ, ഒരു സ്വതന്ത്ര വിജ്ഞാനകോശം.

അഭിനേത്രി, സംഗീതജ്ഞ, സാമൂഹിക-രാഷ്ട്രീയ പ്രവർത്തക, ഗാന്ധിയൻ, ഹിന്ദി ഭാഷാ പ്രചാരക, സാഹിത്യ പ്രവർത്തക തുടങ്ങി വിവിധ മേഖലകളിൽ വ്യക്തിമുദ്ര പതിപ്പിച്ച തങ്കമ്മ മാലിക് പത്തനംതിട്ട ജില്ലയിലെ കോന്നിയിൽ 1917 മെയ് 20-ന് ആണ് ജനിക്കുന്നത്. എം.ടി.വർഗ്ഗീസ് - ഏലിയാമ്മ വർഗ്ഗീസ് എന്നിവർ മാതാപിതാക്കൾ. മഹാത്മാഗാന്ധിയുടെ ക്ഷണം സ്വീകരിച്ച് വാർധയിലെത്തിയ തങ്കമ്മ അവിടെ മഹിള വിദ്യാപീഠത്തിൽ വെച്ച് വിദുഷി ഓണേഴ്സ്, സരസ്വതി ബിരുദങ്ങൾ കരസ്ഥമാക്കി. മടങ്ങിയെത്തിയ തങ്കമ്മ ക്വിറ്റിന്ത്യ പ്രസ്ഥാനത്തോടൊപ്പം പ്രവർത്തിച്ചു.[1] പ്രശസ്ത ചിന്തകനും പത്രാധിപരുമായിരുന്ന മാലിക് മുഹമ്മദ് 1930-കളിൽ പ്രസിദ്ധീകരിച്ചിരുന്ന മിത്രം വാരിക സംസ്ഥാന തലത്തിൽ നടത്തിയ ചെറുകഥാ മത്സരത്തിൽ തങ്കമ്മ ഒന്നാം സ്ഥാനം കരസ്ഥമാക്കി. സമ്മാനദാന വേദിയിൽ വെച്ച് അവ മാലിക്ക് മുഹമ്മദുമായി പരിചയപ്പെടുകയും ആ ബന്ധം ക്രമേണ പ്രണയമായി വളരുകയും ചെയ്തു. ഈ ബന്ധത്തിനു ശേഷം ഇസ്ലാം സ്വീകരിച്ച് ഹലീമ എന്ന പേർ സ്വീകരിച്ചെങ്കിലും തങ്കമ്മ മാലിക് എന്ന പേരിൽ അവർ തുടർന്നും ചെറുകഥകൾ എഴുതി[അവലംബം ആവശ്യമാണ്].

  1. https://www.mathrubhumi.com/movies-music/features/life-struggle-of-actor-jameela-malik-first-malayali-woman-film-institute-pune-passed-away-1.4480709
"https://ml.wikipedia.org/w/index.php?title=തങ്കമ്മ_മാലിക്&oldid=3342097" എന്ന താളിൽനിന്ന് ശേഖരിച്ചത്