ഡ്രൂ ബാരിമോർ

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
ഡ്രൂ ബാരിമോർ
Drew Barrymore Berlin 2014.jpg
Barrymore at the 2014 Berlin
premiere of Blended
ജനനം
ഡ്രൂ ബ്ലൈത്ത് ബാരിമോർ

(1975-02-22) ഫെബ്രുവരി 22, 1975  (45 വയസ്സ്)
തൊഴിൽ
  • നടി
  • നിർമ്മാതാവ്
  • സംവിധായിക
  • രചയിതാവ്
  • മോഡൽ
  • സംരംഭക
സജീവ കാലം1978–present
പങ്കാളി(കൾ)
  • ജെറമി തോമസ്
    (വി. 1994; div. 1995)
  • ടോം ഗ്രീൻ
    (വി. 2001; div. 2002)
  • വിൽ കോപൽമാൻ
    (വി. 2012; div. 2016)
Partner(s)ഫാബ്രിസിയോ മോറെറ്റി (2002–2007)
കുട്ടികൾ2
Parent(s)
കുടുംബംബാരിമോർ
വെബ്സൈറ്റ്drewbarrymore.com

ഒരു അമേരിക്കൻ നടി, നിർമ്മാതാവ്, സംവിധായക, എഴുത്തുകാരി, മോഡൽ, സംരംഭക എന്നിവയാണ് ഡ്രൂ ബ്ലൈത്ത് ബാരിമോർ (ജനനം: ഫെബ്രുവരി 22, 1975) [1].അഭിനേതാക്കളായ ബാരിമോർ കുടുംബത്തിലെ അംഗവും ജോൺ ബാരിമോറിന്റെ ചെറുമകളുമാണ്. E.T ദി എക്സ്ട്രാ-ടെറസ്ട്രിയൽ (1982) എന്ന ചിത്രത്തിലൂടെ ബാലതാരമായി പ്രശസ്തി നേടി. ഗോൾഡൻ ഗ്ലോബ്, സ്‌ക്രീൻ ആക്ടേഴ്‌സ് ഗിൽഡ് അവാർഡ്, ബാഫ്‌റ്റ നോമിനേഷൻ എന്നിവ ഉൾപ്പെടെ നിരവധി അംഗീകാരങ്ങൾ അവർ നേടിയിട്ടുണ്ട്.

മയക്കുമരുന്നും മദ്യപാനവും അടയാളപ്പെടുത്തിയ കുട്ടിക്കാലത്തെ തുടർന്ന്,[2] 1991-ൽ 16 വയസ്സുള്ളപ്പോൾ ബാരിമോർ ലിറ്റിൽ ഗേൾ ലോസ്റ്റ് എന്ന ആത്മകഥ പുറത്തിറക്കി. പോയിസൺ ഐവി (1992), ബോയ്സ് ഓൺ ദി സൈഡ് (1995), മാഡ് ലവ് (1995), സ്‌ക്രീം (1996), എവർ ആഫ്റ്റർ (1998), ദ വെഡ്ഡിംഗ് സിംഗർ എന്നിവയുൾപ്പെടെ ദശകത്തിലുടനീളം അവർ വിജയകരമായ സിനിമകളിൽ പ്രത്യക്ഷപ്പെട്ടു. രണ്ടാമത്തേത് ആദം സാൻഡ്‌ലറുമായുള്ള അവരുടെ ആദ്യ സഹകരണമായിരുന്നു. അതിനുശേഷം അവർ 50 ഫസ്റ്റ് ഡേറ്റ്സ് (2004) ബ്ലെൻഡഡ് (2014) എന്നിവയിലും ഒരുമിച്ച് അഭിനയിച്ചു.

നെവർ ബീൻ കിസ്സ്ഡ് (1999), ചാർലീസ് ഏഞ്ചൽസ് (2000), ഡോണി ഡാർക്കോ (2001), റൈഡിംഗ് ഇൻ കാർസ് വിത്ത് ബോയ്സ് (2001), കൺഫെഷൻസ് ഓഫ് എ ഡേഞ്ചറസ് മൈൻഡ് (2002), ചാർലീസ് ഏഞ്ചൽസ്: ഫുൾ ത്രോട്ടിൽ (2003), ഫിവർ പിച്ച് (2005), മ്യൂസിക് ആൻഡ് ലിറിക്സ് (2007), ഗോയിംഗ് ദി ഡിസ്റ്റൻസ് (2010), ബിഗ് മിറക്കിൾ (2012), മിസ് യു ആൾറെഡി (2015) തുടങ്ങിയവയും ബാരിമോറിന്റെ മറ്റ് ചിത്രങ്ങളിൽ ഉൾപ്പെടുന്നു. വിപ്പ് ഇറ്റ് (2009) എന്ന ചിത്രത്തിലൂടെ ബാരിമോർ സംവിധാന രംഗത്തെത്തി. അതിൽ അവർ അഭിനയിക്കുകയും ചെയ്തു.ഗ്രേ ഗാർഡൻസിലെ (2009) അവരുടെ അഭിനയത്തിന് എസ്എജി അവാർഡും, ഗോൾഡൻ ഗ്ലോബ് അവാർഡും ലഭിച്ചു. നെറ്റ്ഫ്ലിക്സ് സീരീസ് സാന്താ ക്ലാരിറ്റ ഡയറ്റ് 2019-ൽ റദ്ദാക്കുന്നതുവരെ അവർ അഭിനയിച്ചു.

1995-ൽ ബാരിമോറും നാൻസി ജുവോണനും ഫ്ലവർ ഫിലിംസ് എന്ന നിർമ്മാണ കമ്പനി രൂപീകരിച്ചു. ബാരിമോർ അഭിനയിച്ച നിരവധി പ്രോജക്ടുകൾ ഈ ജോഡികൾ നിർമ്മിച്ചിട്ടുണ്ട്. 2013-ൽ, ബാരിമോർ ഫ്ലവർ ബാനറിൽ നിരവധി സൗന്ദര്യവർദ്ധക വസ്തുക്കൾ പുറത്തിറക്കി, ഇത് മേക്കപ്പ്, പെർഫ്യൂം, ഐവെയർ എന്നിവയുടെ നിരകളിൽ ഉൾപ്പെടുത്തിയിട്ടുണ്ട്.[3]അവരുടെ മറ്റ് ബിസിനസ്സ് സംരംഭങ്ങളിൽ നിരവധി വൈനുകൾ [4] ഒരു വസ്ത്ര നിരയും ഉൾപ്പെടുന്നു.[5]2015-ൽ അവർ തന്റെ രണ്ടാമത്തെ ഓർമ്മക്കുറിപ്പായ വൈൽഡ് ഫ്ലവർ പുറത്തിറക്കി. [6]2004-ൽ ഹോളിവുഡ് വാക്ക് ഓഫ് ഫെയിമിൽ ബാരിമോറിന് ഒരു നക്ഷത്രം ലഭിച്ചു.

ആദ്യകാലജീവിതം[തിരുത്തുക]

വംശപരമ്പര[തിരുത്തുക]

ഇതും കാണുക: ബാരിമോർ കുടുംബം

കാലിഫോർണിയയിലെ കൽവർ സിറ്റിയിൽ അമേരിക്കൻ നടൻ ജോൺ ഡ്രൂ ബാരിമോറിന്റെയും അഭിനേത്രിയായ ജെയ്ഡ് ബാരിമോറിന്റെയും (ജനനം ഇൾഡിക ജയ്ദ് മക്കൊ) മകളായി [7] പശ്ചിമ ജർമ്മനിയിലെ ബ്രാനൻബർഗിലെ ഒരു കുടിയൊഴിപ്പിക്കപ്പെട്ട വ്യക്തി ക്യാമ്പിൽ ഹംഗേറിയൻ രണ്ടാം ലോക മഹായുദ്ധ അഭയാർഥിയായി ജനിച്ചു.[8]നാല് മക്കളിൽ ഒരാളായ ബാരിമോറിന്റെ അർദ്ധസഹോദരനായ ജോൺ [9] ഒരു നടൻ കൂടിയാണ്. 1984-ൽ അവർക്ക് ഒമ്പത് വയസ്സുള്ളപ്പോൾ അവരുടെ മാതാപിതാക്കൾ വിവാഹമോചനം നേടി.[2]

അഭിനയ കുടുംബത്തിലാണ് ബാരിമോർ ജനിച്ചത്. അവരുടെ പിതാമഹന്മാരും മുത്തശ്ശിമാരും ആയ മൗറീസ്, ജോർജി ഡ്രൂ ബാരിമോർ, മൗറീസ് കോസ്റ്റെല്ലോ, മേ കോസ്റ്റെല്ലോ (നീ ആൽ‌റ്റ്ഷുക്ക്) - ഒപ്പം അവരുടെ പിതൃവഴിയിലെ പിതാമഹന്മാരായ ജോൺ ബാരിമോർ, ഡോളോറസ് കോസ്റ്റെല്ലോ എന്നിവരും അഭിനേതാക്കളായിരുന്നു. [10] ജോൺ അവരുടെ തലമുറയിലെ ഏറ്റവും പ്രശംസ നേടിയ നടൻ ആയിരുന്നു.[2][11] ലയണൽ ബാരിമോർ, എഥേൽ ബാരിമോർ, ഹെലൻ കോസ്റ്റെല്ലോ എന്നിവരുടെ കൊച്ചുമകളും ഡയാന ബാരിമോറിന്റെ മരുമകളുമാണ് ബാരിമോർ. [12] ഐറിഷ് വംശജനായ ജോണിന്റെയും ഇംഗ്ലീഷ് വംശജയായ ലൂയിസ ലെയ്ൻ ഡ്രൂവിന്റെയും കൊച്ചുമകൾ ആയിരുന്നു. ഇവരെല്ലാം അഭിനേതാക്കൾ ആയിരുന്നു. ബ്രോഡ്‌വേ ഐഡോൾ ജോൺ ഡ്രൂ ജൂനിയറിന്റെയും നിശബ്ദ ചലച്ചിത്ര നടൻ, എഴുത്തുകാരൻ, സംവിധായകൻ സിഡ്നി ഡ്രൂവിന്റെയും കൊച്ചുമകളായിരുന്നു അവർ.[13]

അവലംബം[തിരുത്തുക]

  1. "Drew Barrymore Biography (1975–)". FilmReference.com. ശേഖരിച്ചത് 22 April 2014.
  2. 2.0 2.1 2.2 "Drew Barrymore Profile". Hello Magazine. ശേഖരിച്ചത് August 9, 2010.
  3. "Drew Barrymore's sets new sights for beauty brand". Business Insider. January 20, 2016. ശേഖരിച്ചത് September 11, 2018.
  4. "DREW BARRYMORE ON WINEMAKING AND ROSÉ". The Wine Siren. June 9, 2017. ശേഖരിച്ചത് September 12, 2018.
  5. "Drew Barrymore Launches a Clothing Line, Dear Drew". People. October 23, 2017. ശേഖരിച്ചത് September 12, 2018.
  6. "Flower Power: Get an Exclusive Look at the Cover of Drew Barrymore's New Book, Wildflower". People. July 20, 2015. ശേഖരിച്ചത് September 11, 2018.
  7. "Actor John D. Barrymore dies at 72". USA Today. November 29, 2004. ശേഖരിച്ചത് September 7, 2008.
  8. Barrymore, Drew (2015). Wildflower. New York: Dutton. p. 203. ISBN 9781101983799. OCLC 904421431.
  9. "Actor Barrymore attacked at home". London: BBC. May 6, 2002. ശേഖരിച്ചത് September 7, 2008.
  10. Stein Hoffman, Carol. The Barrymores: Hollywood's First Family. University Press of Kentucky, 2001. ISBN 0-8131-2213-9
  11. "Drew Barrymore Biography". People. ശേഖരിച്ചത് August 9, 2010.
  12. "The Costello Family." Archived July 19, 2012, at Archive.is BarrymoreFamily.com
  13. "The Drew family." Archived July 18, 2012, at Archive.is BarrymoreFamily.com

കൂടുതൽ വായനയ്ക്ക്[തിരുത്തുക]

  • Aronson, Virginia. Drew Barrymore. Chelsea House, 1999. ISBN 0-7910-5306-7
  • Bankston, John. Drew Barrymore. Chelsea House Publishers, 2002. ISBN 0-7910-6772-6
  • Barrymore, Drew. Little Girl Lost. Pocket Star Books, 1990. ISBN 0-671-68923-1
  • Dye, David. Child and Youth Actors: Filmography of Their Entire Careers, 1914–1985. Jefferson, NC: McFarland & Co., 1988, p. 11.
  • Ellis, Lucy. Drew Barrymore: The Biography. Aurum Press, 2004. ISBN 1-84513-032-4
  • Hill, Anne E. Drew Barrymore. Lucent Books, 2001. ISBN 1-56006-831-0

പുറത്തേക്കുള്ള കണ്ണികൾ[തിരുത്തുക]

Wikiquote-logo-en.svg
വിക്കിചൊല്ലുകളിലെ ഡ്രൂ ബാരിമോർ എന്ന താളിൽ ഈ ലേഖനവുമായി ബന്ധപ്പെട്ട ചൊല്ലുകൾ ലഭ്യമാണ്‌:
"https://ml.wikipedia.org/w/index.php?title=ഡ്രൂ_ബാരിമോർ&oldid=3303460" എന്ന താളിൽനിന്ന് ശേഖരിച്ചത്