ഡൊമിനിക് ലാപിയർ
ഒരു ഫ്രഞ്ച് എഴുത്തുകാരനാണ് ഡൊമിനിക് ലാപിയർ (ജനനം: 1931-മരണം:2022 ഡിസംബർ 4).[1]
ജീവിതരേഖ
[തിരുത്തുക]1931 ൽ ഫ്രാൻസിലെ ലാറോഷെല്ലി എന്ന സ്ഥലത്ത് ജനിച്ചു. പെൻസിവാനിയയിലെ ലാഫായെറ്റി ബിരുദമെടുത്തു. 14 വർഷം അന്താരാഷ്ട്രതലത്തിൽ പാരീസ് മാച്ച് എന്ന ആനുകാലികപ്രസിദ്ധീകരണത്തിന്റെ പത്രപ്രവർത്തകനായിരുന്നു.
അദ്ദേഹത്തിന്റെ രണ്ട് പുസ്തകങ്ങൾ - Is Paris Burning? (ലാറി കോളിൻസുമായി ചേർന്ന് എഴുതിയത്), City of Joy - ചലച്ചിത്രമാക്കിയിട്ടുണ്ട്.[2][3] 2005 ൽ പുറത്തിറങ്ങിയ Is New York Burning? എന്ന പുസ്തകമാണ് കോളിൻസും ലാപിയറും ചേർന്നെഴുതിയവയിൽ ഒടുവിലത്തേത്.[4] ഇന്ത്യൻ സ്വാതന്ത്ര്യത്തെ കുറിച്ച് ലാറി കോളിൻസുമായി ചേർന്ന് എഴുതിയ സ്വാതന്ത്ര്യം അർദ്ധരാത്രിയിൽ എന്ന ഗ്രന്ഥം ലോകശ്രദ്ധയാകർഷിച്ചതാണ്. 1981 മുതൽ അദ്ദേഹം തന്റെ പുസ്തകങ്ങളുടെ പകർപ്പവകാശ തുകയുടെ ഒരു പങ്ക് കൊൽക്കത്തയിലെ തെരുവുകളിൽ ജീവിക്കുന്ന കുട്ടികൾക്ക് സഹായമെത്തിക്കുന്ന സിറ്റി ഓഫ് ജോയ് ഫൗണ്ടേഷന് നൽകിപ്പോരുന്നു.[5][6] ഫ്രാൻ‍സിൽ രജിസ്റ്റർ ചെയ്തിട്ടുള്ള ഈ സംഘടനയുടെ ഔദ്യോഗികനാമം Action pour les enfants des lépreux de Calcutta എന്നാണ്. Five Past Midnight in Bhopal എന്ന പുസ്തകത്തിന്റെ പകർപ്പവകാശത്തുക ഭോപ്പാൽ ദുരന്തത്തിന് ഇരകളായവരുടെ ചികിത്സയ്ക്കായി ഭോപ്പാലിലെ സംഭാവനാ ക്ലിനിക്കിന് അദ്ദേഹം നൽകിവരുന്നു.[5]
2008-ൽ അദ്ദേഹത്തിന് മൂന്നാമത്തെ ഉയർന്ന സിവിലിയൻ ബഹുമതിയായ പദ്മഭൂഷൺ നൽകി ഭാരതം ആദരിച്ചു.[7] 1980-ൽ സിറ്റി ഓഫ് ജോയ് ഫൗണ്ടേഷനിൽ പങ്കാളിയായ ഡൊമിനിക് കൊങ്കോൺ ലാപിയറെ വിവാഹം കഴിച്ചു. അദ്ദേഹത്തിന്റെ ഏകപുത്രി അലക്സാണ്ട്രയും എഴുത്തുകാരിയാണ്.
കൃതികൾ
[തിരുത്തുക]- ദ സിറ്റി ഓഫ് ജോയ് (1985), ISBN 0-385-18952-4
- ബിയോണ്ട് ലവ് (1990), ISBN 0-446-51438-1
- എ തൌസന്റ് സൺസ് (1999), ISBN 0-446-52535-9
- വൺസ് അപ്പൺ എ ടൈം ഇൻ ദ യു.എസ്.എസ്.ആർ. (2006)
ലാറി കോളിൻസുമായി ചേർന്നെഴുതിയവ
- ഈസ് പാരിസ് ബേണിംഗ്?' — അഡോൾഫ് ഹിറ്റ്ലർ, ആഗസ്റ്റ് 25, 1944 (1965)
- ഓർ ഐ'ൽ ഡ്രസ് യു ഇൻ മൌണിംഗ് (1968)
- ഓ ജറുസലേം! (1972), ISBN 0-671-21163-3
- ഫ്രീഡം അറ്റ് മിഡ്നൈറ്റ് (1975), ISBN 0-671-22088-8
- ദ ഫിഫ്ത് ഹോർസ്മാൻ (1980), ISBN 0-671-24316-0
- ഈസ് ന്യൂ യോർക്ക് ബേണിംഗ്? (2005), ISBN 1-59777-520-7
ജേവിയർ മോറോയുമായി ചേർന്നെഴുതിയത്
- ഫൈവ് പാസ്റ്റ് മിഡ്നൈറ്റ് ഇൻ ഭോപ്പാൽ (2001), ISBN 0-446-53088-3
അവലംബം
[തിരുത്തുക]- ↑ https://www.ndtv.com/world-news/french-author-dominique-lapierre-who-wrote-city-of-joy-dies-at-91-3578072
- ↑ "Paris brûle-t-il? (1966)". IMDB. Retrieved ഡിസംബർ 26, 2008.
- ↑ "City of Joy (1992)". IMDB. Retrieved ഡിസംബർ 26, 2008.
- ↑ "Is New York Burning? - Review". Ciao. Archived from the original on 2016-03-05. Retrieved ഡിസംബർ 26, 2008.
- ↑ 5.0 5.1 "Dominique Lapierre's Indian connection". Rediff.com. Retrieved ഡിസംബർ 26, 2008.
- ↑ "Dominique Lapierre: Bestselling Writer Turns Philanthropist". CityofJoyAid.org. Retrieved ഡിസംബർ 26, 2008.
- ↑ "Padma Bhushan a gift from Sundarbans: Lapierre". ExpressIndia. Archived from the original on 2008-07-23. Retrieved ഡിസംബർ 26, 2008.