ഡിസീസ് എക്സ്

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search

ഡിസീസ് എക്സ് (അജ്ഞാത രോഗം) എന്ന പദം, ഭാവിയിൽ എന്നെങ്കിലും സംഭവിച്ചേക്കാവുന്ന മാരകമായ പകർച്ച വ്യാധിയുടെ താത്കാലിക പേരാണ്[1],[2]. ഈ പകർച്ചവ്യാധി എന്തായിരിക്കുമെന്നോ, അതിൻറെ രോഗലക്ഷണങ്ങൾ എങ്ങനെ പ്രകടമാവുമെന്നോ, അതിനു കാരണക്കാരായ രോഗാണുക്കൾ ഏതാവുമെന്നോ ഉള്ള വിവരങ്ങൾ ഇപ്പോൾ ശാസ്ത്രലോകത്തിന് അജ്ഞാതമാണ്[3],[4]. എങ്കിലും അത്തരമൊരു സാധ്യതയാണ് ലോകാരോഗ്യ സംഘടന (ഡബ്ല്യുഎച്ച്ഒ) ഡിസീസ് എക്സ് എന്ന പേരിൽ അംഗീകരിക്കുന്നത്[3],[5] മാരകരോഗങ്ങളുടെ മൂല പട്ടികയിൽ ( ബ്ലൂപ്രിന്റ് പ്രിയോറിട്ടി ഡിസീസസ് ലിസ്റ്റ്) ഈ പദം ഇടം പിടിച്ചു[3],[6],[7]. തികച്ചും അജ്ഞാതമായ ഈ രോഗത്തെ നേരിടാൻ സന്നദ്ധരായിരിക്കേണ്ടതുണ്ടെന്നും അതിനാവശ്യമായ ഗവേഷണ-വികസന സംവിധാനങ്ങൾ തയ്യാറായിരിക്കണമെന്നുമാണ് ലോകാരോഗ്യസംഘടന ഈ നടപടി കൊണ്ടുദ്ദേശിക്കുന്നത്.[5],[8],[9]

ലോകാരോഗ്യസംഘടന 2018 ഫെബ്രുവരിയിൽ പുറത്തിറക്കിയ മാരകരോഗങ്ങളുടെ മൂല പട്ടികയിൽ ഡിസീസ് എക്സ് എന്ന പേര് പരിഭ്രാന്തിയുളവാക്കി.[10], ഏതാണ് "രോഗം എക്സ്" എന്നത് ഊഹാപോഹങ്ങൾക്ക് കാരണമായി[11],[12],[13],[14] ഒരു പ്രത്യേക രോഗത്തെ പരാമർശിക്കാതെ ഒരു ആശയമായിട്ടാണ് ലോകാരോഗ്യ സംഘടന ഈ പേര് നിർദ്ദേശിച്ചിട്ടുള്ളത്.[5] ചില മുഖ്യധാരാ മാധ്യമങ്ങൾ ഇത് ഒരു ജൈവായുധമായിരിക്കുമെന്ന വിവക്ഷയും ഉൾപ്പെടുത്തിയിട്ടുണ്ട്[15],[16]. ഇത് ഒരു സൂനോട്ടിക് അണുബാധ ( മൃഗങ്ങളിൽ നിന്ന് മനുഷ്യരിലേക്കു പകരുന്ന പകർച്ച വ്യാധി) ആയിരിക്കാമെന്നാണ് ഭൂരിപക്ഷാഭിപ്രായം[17] . 2020 ജനുവരിയിൽ, ഏതാനും ബ്രിട്ടീഷ് വാർത്താ മാധ്യമങ്ങൾ 2019–20-ലെ വുഹാൻ കൊറോണ വൈറൽ രോഗത്തെ "ഡിസീസ് എക്സ്" എന്ന് വിശേഷിപ്പിച്ചിട്ടുണ്ട് [18],[19],[20].

പശ്ചാത്തലം[തിരുത്തുക]

മാരകമായ പകർച്ചവ്യാധികൾ ലോകവ്യാപകമായി പകരാതിരിക്കാനും അത്തരം രോഗങ്ങളെ ഭൂമുഖത്തു നിന്നു മായ്ച്ചു കളയാനും ഉള്ള നടപടികൾ കൈക്കൊള്ളുക എന്നത് ലോകാരോഗ്യസംഘടനയുടെ പ്രവർത്തനമേഖലയിൽ ഉൾപെടുന്നു[21]. ഈയടുത്തകാലത്ത് സാർസ് ( 2003, SARS ), എച്5 എൻ1(2003, H5N1) , പാൻഡെമിക് എച്1എൻ1(2009, Pandmic H1N1), മെർസ്-സിഒവി(2012, MERS-CoV ) എബോള(2014, EBOLA), നിപ, സിക്ക വൈറസുകൾ ലോകത്തിനാകമാനം ഭീഷണിയായിത്തീർന്നു[22]. ഇത്തരം രോഗഭീഷണികൾ ഉരുത്തിരിയുന്നതിൻറെ മൂലകാരണങ്ങൾ കണ്ടെത്തുന്നതിലൂടെ, ഭാവിഭീഷണികളെ മുൻകൂട്ടി കണ്ടറിഞ്ഞ്, അവയെ ഫലപ്രദമായി നിയന്ത്രണത്തിലാക്കാനും നിർവീര്യപ്പെടുത്താനുമുള്ള നടപടികൾ കൈക്കൊള്ളാൻ ലോകാരോഗ്യസംഘടന തീരുമാനിച്ചു [23],[24],[25]. ഈ പശ്ചാത്തലത്തിലാണ്, ഒരു കരുതൽ നടപടി എന്ന നിലക്ക് മാരകരോഗങ്ങളുടെ മൂലപട്ടികയിൽ ഡിസീസ് എക്സ് എന്ന പേരു കൂടി ചേർക്കപ്പെട്ടത്[2],[3].

വാക്സിനുകൾ[തിരുത്തുക]

രോഗങ്ങൾക്കെതിരായി വിധ രാജ്യങ്ങളിൽ വിവിധ ലാബുകളിൽ നടക്കുന്ന പ്രതിരോധ ഗവേഷണങ്ങളെ ആഗോളതലത്തിൽ കൂട്ടിയിണക്കാനായി ലോകാരോഗ്യസംഘടന സെപി (CEPI, Coalition for Epidemic Preparedeness Innovations) എന്ന കൂട്ടായ്മ രൂപീകരിച്ചു[25]. ഇതിൻറെ ഭാഗമായി ലണ്ടനിലെ ഇംപീരിയൽ കോളെജിലെ ശാസ്ത്രജ്ഞർ, റാപിഡ് വാക് എന്ന പേരിൽ പുതിയൊരു വാക്സിൻ പദ്ധതിക്ക് ആരംഭമിട്ടു[26]. സ്വയമേവ പലമടങ്ങു പെരുകാൻ കഴിവുള്ള ആർ.എൻ.എ.യിൽ (self amplifying RNA അഥവാ SaRNA) നിന്നാണ് ഈ ഗവേഷകസംഘം വാക്സിൻ രൂപപ്പെടുത്തിയെടുക്കുക[26],[27].


അവലംബം[തിരുത്തുക]


  1. "Prioritizing diseases for research and development in emergency contexts". who.int. World Health Organisation. ശേഖരിച്ചത് 2020-02-06.
  2. 2.0 2.1 Cousins, Sophie (2018-05-10). "WHO hedges its bets: the next global pandemic could be disease X". British Medical Journal: 361. doi:10.1136/bmj.k2015. ശേഖരിച്ചത് 2020-02-06.
  3. 3.0 3.1 3.2 3.3 "2018 Annual review of diseases prioritised under the Research and Development Blueprint". who.int. World Health Organisation. 2018-02-06. ശേഖരിച്ചത് 2020-02-07.
  4. Honigsbaum, Mark (2019-04-13). "Disease X and other unknowns" (PDF). Lancet: 1496–1497. doi:10.1016/S0140-6736(19)30803-7. ശേഖരിച്ചത് 2020-02-06.
  5. 5.0 5.1 5.2 "What is Disease X? WHO explains the origin of the term". youtube.com. World Health Organisation. 2018-03-16. ശേഖരിച്ചത് 2020-02-06.
  6. "WHO publishes list of top emerging diseases likely to cause major epidemics". who.int. World Health Organisation. 2015-12-10. ശേഖരിച്ചത് 2020-02-06.
  7. "Blueprint for R&D preparedness and response to public health emergencies due to highly infectious pathogens" (PDF). who.int. World Health Organisation. 2015-12-08. ശേഖരിച്ചത് 2020-02-06.
  8. "Global Health- Vaccine researchers are preparing for Disease X". economist.com. The Economist. 2019-01-19. ശേഖരിച്ചത് 2020-02-06.
  9. "Public Health England launches new infectious disease strategy". www.gov.uk. GOV.UK. 2019-09-11. ശേഖരിച്ചത് 2020-02-06.
  10. McVeigh, Karen (2019-09-18). "Experts warn world grossly unprepared for future pandemics". theguardian.com. The Guardian. ശേഖരിച്ചത് 2020-02-06.
  11. "Disease X: Which Plague is coming Next?". acsh.org. American Council on Science and Health. 2019-07-17. ശേഖരിച്ചത് 2020-02-06.
  12. "What is Disease X and is there a vaccine". thesun.co.uk. The Sun. 2019-10-18. ശേഖരിച്ചത് 2020-02-06.
  13. Martin, Sean (2019-09-18). "Disease X warning: Outbreak could kill 80 million in just 36 hours - WHO alert". express.co.uk. The Express, U.K. ശേഖരിച്ചത് 2020-02-06.
  14. Gorvett, Zaria (2018-11-14). "The mystery viruses far worse than flu". bbc.com. bbc. ശേഖരിച്ചത് 2020-02-06.
  15. Burke, Dave; Wyatt, Tim (2018-03-11). "Fears terrorists could unleash Disease X as a biological weapon killing millions around the world". mirror.co.uk. Mirror Online. ശേഖരിച്ചത് 2020-02-06.
  16. Crilly, Bob (2018-05-14). "Diosease X: The deadly pathogens that could cause the next global pandemic". telegraph.co.uk. The Telegraph. ശേഖരിച്ചത് 2020-02-06.
  17. Barnes, Thomas (2018-03-11). "World Health Organisation fears new "Disease X" could cause global pandemic". independent.co.uk. The Independent. ശേഖരിച്ചത് 2020-02-06.
  18. Hatchett, Richard (2020-01-28). "This could be the disease X health experts fear". telegraph.co.uk. The Telegraph. ശേഖരിച്ചത് 2020-02-08.
  19. Martin, Sean (2020-01-10). "Disease X: Mysterious outbreak in China could be new form of virus". express.co.uk. The Express, U.K. ശേഖരിച്ചത് 2020-02-06.
  20. "Coronaviruses: The Next Disease X?". thenativeantigencompany.com. 2019-11-15. ശേഖരിച്ചത് 2020-02-06.
  21. "Alert & Response Operations". who.int. World Health Organisation. ശേഖരിച്ചത് 2020-02-07.
  22. Bloom, David E; Caderette, Daniel (2019-03-28). "Infectious Disease Threats in the Twenty-First Century". Frontiers of Immunology. doi:10.3389/fimmu.2019.00549.
  23. "Anticipating Emerging Infectious Disease Epidemics". apps.who.int. WHO. 2015-12-01. ശേഖരിച്ചത് 2020-02-07.
  24. Grubaugh, N.D (2018-12-13). "Tracking virus outbreaks in 21st century". Nature Microbiology. 4: 10–19. doi:10.1038/s41564-018-0296-2. ശേഖരിച്ചത് 2020-02-07.
  25. 25.0 25.1 "Creating a world in which epidemics are no longer a threat to humanity" (PDF). who.int. World Health Organisation. 2019-04-01. ശേഖരിച്ചത് 2020-02-07.
  26. 26.0 26.1 "Imperial College London Collaborates with CEPI on Disease X vaccines". pharmaceutical-technology.com. 2018-12-10. ശേഖരിച്ചത് 2020-02-07.
  27. Vogelet al, Annette B (2017-12-01). "Self-Amplifying RNA Vaccines give equivalent Protection against Influenza to mRNA but at much lower doses". Molecular Therapy- Cell. doi:10.1016/j.ymthe.2017.11.017. ശേഖരിച്ചത് 2020-02-07.
"https://ml.wikipedia.org/w/index.php?title=ഡിസീസ്_എക്സ്&oldid=3288817" എന്ന താളിൽനിന്ന് ശേഖരിച്ചത്