ടി.കെ. ജോസഫ്

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
ടി.കെ. ജോസഫ്
ജനനം
ടി.കെ. ജോസഫ്

ചെങ്ങന്നൂർ, കോട്ടയം
ദേശീയതഇന്ത്യൻ
തൊഴിൽചരിത്ര പണ്ഡിതൻ
Notable work
മലബാർ നസ്രാണികളുടെ നാലു ചെപ്പേടുകൾ

ചരിത്ര പണ്ഡിതനും ഗവേഷകനും നിരവധി ചരിത്ര പുസ്തകങ്ങളുടെ രചയിതാവുമാണ് ടി.കെ. ജോസഫ് (1885-1963).

ജീവിതരേഖ[തിരുത്തുക]

കൊല്ലവർഷം 1060 (1885) മിഥുനം 9-ാം തീയതി ചെങ്ങന്നൂരിലെ ഒരു പുരാതന ക്രിസ്ത്യൻ കുടുംബമായ തേരകത്ത് ജനിച്ചു. കോട്ടയം സി.എം.എസ്. കോളേജ്, തൃശ്ശി നാപ്പള്ളി സെന്റ് ജോസഫ്സ് കോളേജ്, തിരുവനന്തപുരം മഹാരാജാസ് കോളേജ് എന്നിവിടങ്ങളിൽ പഠിച്ച് അദ്ദേഹം ബി.എ., എൽ.ടി. പാസ്സായി. ഗവൺമെന്റ് സർവ്വീസിൽ 1914-ൽ അദ്ധ്യാപകനായി പ്രവേശിച്ചു. ഒടുവിൽ ഗവൺമെന്റ് അദ്ദേഹത്തെ യൂണിവേഴ്സിറ്റി പബ്ലിക്കേഷൻ വകുപ്പിൽ സൂപ്രണ്ടായി നിയമിച്ചു. യൂണിവേഴ്സിറ്റിയിൽനിന്നും പ്രസിദ്ധീകരിച്ചുകൊണ്ടിരുന്ന ജേർണൽ ഓഫ് ഇന്ത്യൻ ഹിസ്റ്ററി' എന്ന ത്രൈമാസികത്തിന്റെ പത്രാധിപ സമിതിയിൽ അദ്ദേഹം അംഗമായിരുന്നു.

നസ്രാണി ദീപിക, മലയാള മനോരമ, ഭാഷാപോഷിണി മുതലായ ആനുകാലിക പ്രസിദ്ധീകരണങ്ങളിൽ ധാരാളം കവിതകളും, സമസ്യാപൂരണങ്ങളും അദ്ദേഹം എഴുതി. ഗവേഷണമണ്ഡലത്തിൽ ശ്രദ്ധതിരിഞ്ഞതോടെ സാഹിത്യപരമായ ലേഖനങ്ങളുടെ രചന നിർത്തി.

മോഡേൺ റിവ്യൂ, ഇന്ത്യൻ ആന്റിക്വറി, ഏഷ്യാറ്റിക് സൊസൈറ്റി പേപ്പേഴ്‍സ്, ജേർണൽ ഓഫ് ഇന്ത്യൻ ഹിസ്റ്ററി തുടങ്ങിയ പ്രസിദ്ധീകരണങ്ങളിലും നിരവധി ലേഖനങ്ങൾ പ്രസിദ്ധീകരിച്ചു. മലയാള സാങ്കേതിക പദങ്ങളുടെ നിർമ്മാണത്തിൽ ഏ.ആർ. രാജരാജവർമ്മ, ഐ.സി. ചാക്കോ എന്നിവരുമായി സഹകരിച്ച് പ്രവർത്തിച്ചു. മലയാളലിപി പരിഷ്കരിക്കണമെന്ന ആശയത്തിന്റെ ഉപജ്ഞാതാക്കളിൽ ഒരാളായിരുന്നു അദ്ദേഹം. അനേകവർഷം അദ്ദേഹം പാഠ്യപുസ്തകക്കമ്മിറ്റിയിലും, പരീക്ഷകബോർഡിലും അംഗമായിരുന്നു.[1]

1963 മേയ് 8ാം തീയതി അന്തരിച്ചു.

കൃതികൾ[തിരുത്തുക]

  • മലബാർ നസ്രാണികളുടെ നാലു ചെപ്പേടുകൾ
  • പാചീന ഇന്ത്യയിലെ ക്രിസ്തുമതപ്രചാരം,
  • തോമസ് കാനാ
  • വൈദ്യുതീ വിലാസം
  • ഈശ്വരസാക്ഷാൽക്കാരം
  • ക്രിസ്തുമതസംഗീതം
  • വാനവിലാസം
  • സൂര്യസാമ്രാജ്യം[2]
  • Thalakkad Christian Inscription of about 800 AD with Facsimile
  • Date of Bhaskara Ravi Varman, whogranted the Cochin Jewish Copper-Plates
  • Mar Sabor and Mar Prodh, the Kadisas of 825 AD
  • Asoka: A Review
  • The Malabar Christian Copper Plates
  • Six St. Thomses Of South India

അവലംബം[തിരുത്തുക]

  1. മഹാച്ചരിത സംഗ്രഹ സാഗരം, പള്ളിപ്പാട്ട് കുഞ്ഞുകൃഷ്ണൻ
  2. http://campuslib.keralauniversity.ac.in/cgi-bin/koha/opac-detail.pl?biblionumber=74173&shelfbrowse_itemnumber=87400#shelfbrowser

പുറം കണ്ണികൾ[തിരുത്തുക]

"https://ml.wikipedia.org/w/index.php?title=ടി.കെ._ജോസഫ്&oldid=3266481" എന്ന താളിൽനിന്ന് ശേഖരിച്ചത്