ടി.കെ.സി. വടുതല
ടി.കെ.സി. വടുതല | |
|---|---|
 | |
| ജനനം | 1921 ഡിസംബർ 23 |
| മരണം | 1988 ജൂലൈ 1 |
| ദേശീയത |  ഇന്ത്യ |
| അറിയപ്പെടുന്നത് | രാജ്യസഭാംഗം, മലയാള സാഹിത്യകാരൻ |
കേരളത്തിൽ നിന്നുള്ള മുൻ രാജ്യ സഭാംഗവും പ്രസിദ്ധ മലയാള സാഹിത്യകാരനുമാണ് ടി.കെ.സി. വടുതല.(23 ഡിസംബർ 1921 - 1 ജൂലൈ 1988)
ജീവിതരേഖ
[തിരുത്തുക]ടി.കെ.ചാത്തൻ വടുതല എന്നാണ് ശരിയായ നാമം.[1]. 1921 ഡിസംബർ 23-ന് എറണാകുളത്ത് വടുതലയിൽ ജനിച്ചു. അച്ഛൻ തൈപ്പി കണ്ടൻ. അമ്മ പനക്കപ്പാടത്തു കുറുമ്പ. എറണാകുളം സെന്റ് ആൽബർട്ട്സ് ഹൈസ്കൂളിൽനിന്ന് പഠിപ്പു കഴിഞ്ഞിറങ്ങി. 1942-ലെ ക്വിറ്റ് ഇന്ത്യാ സമരത്തിൽ പങ്കെടുത്തു. പിന്നീട് പട്ടാളത്തിൽ ചേർന്നു. 1948-ൽ തൃശൂർ കേരളവർമ്മ കോളജിൽ ബി.ഒ.എൽ. ഡിഗ്രിക്ക് ചേർന്നു. കോളജ് വിദ്യാഭ്യാസാനന്തരം 1952-ൽ കുറച്ചുകാലം കോഴിക്കോട് ആകാശവാണിയിൽ ജോലി ചെയ്തു. പിന്നീട് ഏഴു കൊല്ലം കൊച്ചിൻ പോർട്ട് അഡ്മിനിസ്ട്രേറ്റീവ് ഓഫീസിലും കൊച്ചിൻ കസ്റ്റംസിലും ഉദ്യോഗസ്ഥനായിരുന്നു. 1960-ൽ കേരള സർക്കാരിന്റെ പബ്ലിക് റിലേഷൻസ് ഡിപ്പാർട്ട്മെന്റിൽ ഡിസ്ട്രിക്റ്റ് ഇൻഫർമേഷൻ ഓഫീസറായി നിയമിക്കപ്പെട്ടു. 1976-ൽ അഡീഷണൽ ഡയറക്ടറായി സർവ്വീസിൽനിന്നു വിരമിച്ചു. സമസ്ത കേരള സാഹിത്യ പരിഷത്തിന്റെയും കേരള ഹിസ്റ്ററി അസോസിയേഷന്റെയും നിർവ്വാഹകസമിതി അംഗമായിരുന്നു.[2] 1986-1988 കാലഘട്ടത്തിൽ കോൺഗ്രസ് (ഐ.) പ്രതിനിധിയായി രാജ്യസഭാംഗമായിട്ടുണ്ട്.[3]
ഭാര്യ : സി.കെ.ജാനകി. ആറു മക്കൾ. 1988 ജൂലൈ ഒന്നിന് അന്തരിച്ചു. മകൻ ചന്ദ്രഹാസൻ വടുതല ആലപ്പുഴ ജില്ലാ ഇൻഫർമേഷൻ ഓഫീസർ.
കൃതികൾ
[തിരുത്തുക]- 'ചങ്ക്രാന്തി അട’യും മറ്റ് പ്രധാന കഥകളും
കറ്റയും കൊയ്ത്തും
പുരസ്കാരം
[തിരുത്തുക]അവലംബം
[തിരുത്തുക]- ↑ "T.K.C. Vaduthala - Biography". Retrieved 2021-02-15.
- ↑ "ആർക്കൈവ് പകർപ്പ്". Archived from the original on 2012-09-23. Retrieved 2012-08-04.
- ↑ rajyasabha.nic.in/rsnew/pre_member/1952_2003/v.pdf
കറ്റയും കൊയ്ത്തും