ജോർജ്ജ് ഇരുമ്പയം

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search

സാഹിത്യവിമർശകനും മലയാളം പ്രൊഫസറും സാഹിത്യഗവേഷകനുമാണ്‌ ഡോ. ജോർജ് ഇരുമ്പയം.[1]

ജോർജ്ജ് ഇരുമ്പയം

ജീവിതം[തിരുത്തുക]

മലയാള സംരക്ഷണവേദി പ്രസിഡന്റും സാഹിത്യനിരൂപണം ത്രൈമാസികാപത്രാധിപരുമായി വളരെക്കാലം പ്രവർത്തിച്ചു. ജനനം1938 ഡിസംബർ 19. ഇരുമ്പയത്ത് വൈക്കം പൂവത്തുങ്കൽ വർക്കി-അന്നമ്മ ദമ്പതികളുടെ നാലു മക്കളിൽ മൂത്തയാൾ. കാരിക്കോട്-പൊതി-തലയോലപ്പറമ്പു-സ്കൂളുകളിലും (1945-56) പാലാ(56-57) തേവര(58-61) യൂണിവേഴ്സിറ്റി(61-62) മഹാരാജാസ്(62-63) കോളജുകളിലും പഠിച്ചു. കേരളാ യൂണിവേഴ്സിറ്റിയിൽ നിന്നു മലയാളത്തിലും ഇംഗ്ളീഷിലും മധുര യൂണിവേഴ്സിറ്റിയിൽ നിന്നു ഗാന്ധിയൻചിന്തയിലും എംഎ, കാലിക്കറ്റിൽനിന്നു പി.എച്ച്ഡി, ബിഎ &എംഎ ഒന്നാം റാങ്കിനു ടി.കെ.ജോസഫ്-ഡോ. ഗോദവർമ്മ പുരസ്ക്കാരങ്ങൾ. 1963 മുതൽ കോളജധ്യാപകൻ. കോഴിക്കോടു-തലശ്ശേരി ഗവ. കോളജുകളിൽ മലയാളം പ്രൊഫസറായിരുന്നു. എറണാകുളം മഹാരാജാസിൽനിന്നു വകുപ്പു തലവനായി(1986-94) റിട്ടയർ ചെയ്തു.

നോവലുകളും നിരൂപണഗ്രന്ഥങ്ങളും മറ്റും എഡിറ്റു ചെയ്തു. കേരളാ ഡൈജസ്റ്റ്, കോലായ, സാഹിത്യപരിഷത്ത് ത്രൈമാസികം, സംസ്കാരകേരളം എന്നീ ആനുകാലികങ്ങളുടെ പത്രാധിപസമിതി അംഗമായിരുന്നു. കാലിക്കറ്റ് ബുക്ക്-ക്ളബ്ബ് പ്രസിഡന്റായും പ്രവർത്തിച്ചു. പല[വിശദമാക്കുക] സർക്കാർ - യൂണിവേഴ്സിറ്റി-കമ്മിറ്റികളിലും അക്കാദമിക് കൗൺസിലുകളിലും അംഗമായിരുന്നു. ഗവേഷണത്തിനിടയ്ക്കു കേരളത്തിൽ അടിച്ചിറക്കിയ ആദ്യ മലയാളകൃതിയും (ചെറുപൈതങ്ങൾക്ക ഉപകാരാർത്ഥം ഇംക്ലീശിൽ നിന്നു പരിഭാഷപ്പെടുത്തിയ കഥകൾ, 1824) ആദ്യ ലത്തീൻ ക്രൈസ്തവനോവലും(പരിഷ്കാരപ്പാതി,1906) കണ്ടെടുത്തു. ഗാന്ധി ആത്മകഥാവിവർത്തനം നാലുവർഷംകൊണ്ടു നാലുലക്ഷം കോപ്പി വിറ്റഴിഞ്ഞു.[2]

സ്വകാര്യ ജീവിതം[തിരുത്തുക]

ഭാര്യ: പ്രൊഫ.തെരേസാ വളവി. മക്കൾ:ജെയ്സൺ, ജീസസ്, സിന്ധു.

കൃതികൾ[തിരുത്തുക]

  • കവിതയുടെ ഭാവി (1968) - നിരൂപണം [3]
  • അറബിക്കടലിലെ കേരളം (1970) - ലക്ഷദ്വീപു യാത്രാവിവരണം
  • മഗ്ദലനമറിയവും വള്ളത്തോൾക്കവിതയും (1970) - പഠനം [3]
  • ഒരു വിലാപം (1971) - കവിത; വ്യാഖ്യാനം
  • നീഗ്രോ ക്രിസ്തു (1974) - നിരൂപണം [3]
  • കോലായ രണ്ട് (1975) - നിരൂ;എഡിറ്റർ
  • ഉത്തരേന്ത്യൻ നഗരങ്ങൾ പശ്ചിമേന്ത്യൻ ദൃശ്യങ്ങൾ (1978) - യാത്ര
  • സഞ്ജയ് മുതൽ രുക്സാന വരെ (1978) - തർജമ
  • ഇന്ദുമതീസ്വയംവരം (1979) - നോവൽ;എഡിറ്റർ
  • ഉപാസിക്കുന്നു ദുഃഖത്തെ ഞാൻ (1981) - നിരൂപണം [3]
  • കേസ് ഡയറി (1981) - ഷെർലക് ഹോംസ് തർജമ
  • ആദ്യകാല മലയാള നോവൽ (1982) - പഠനം [3]
  • നിരൂപണം പുതിയ മുഖം (1982) - എഡി.
  • മുപ്പതു കവിതകൾ (1983) - കവിത
  • ഉറൂബ് വ്യക്തിയും സാഹിത്യകാരനും (1983) - എഡി.
  • പൊറ്റെക്കാട്ട് വ്യക്തിയും സാഹിത്യകാരനും (1984) - എഡി.
  • മലയാള നോവൽ പത്തൊൻപതാം നൂറ്റാണ്ടിൽ (1984) - തിസീസ്
  • കുന്ദലത (1984) - റൊമാൻസ്; എഡി.
  • നാലു നോവലുകൾ (1985) - നോവൽ;എഡിറ്റർ
  • കാട്ടാളരിൽ കാപ്പിരി കാമദേവൻ (1987) - നിരൂപണം
  • വർത്തമാനപ്പുസ്തകം പാഠവും പഠനങ്ങളും (1987) - എഡി.
  • സാഹിത്യ സാമൂഹ്യവിമർശനങ്ങൾ (1990) - നിരൂപണം
  • അന്തപ്പായിയുടെ നോവലുകൾ .....ശാരദയും (1991) - എഡി.
  • കാനായിലെ വീഞ്ഞ് (1992) - കവിത
  • മലയാളവും മലയാളിയും (1992) - ലേഖനങ്ങൾ
  • സാഹിത്യനിരൂപണം ജി.എൻ.പിള്ള സ്മാരകഗ്രന്ഥം (1994) - എഡി.
  • സാഹിത്യനിരൂപണം 17 (1995) - എഡി.
  • നൽകുക ദഃഖം വീണ്ടും (1995) - കവിതകൾ
  • ചന്തുമേനോൻ (1996) - ജീവചരിത്രം
  • സ്വാതന്ത്ര്യം സാഹിത്യം പത്രപ്രവർത്തനം (1997) - എഡി.
  • എന്റെ സത്യാന്വേഷണ പരീക്ഷണകഥ - ഗാന്ധിജി (1997) - തർജമ
  • നോവൽ സി.വി.മുതൽ ബഷീർ വരെ (1998) - പഠനങ്ങൾ
  • യുഗാന്ത്യത്തിന്റെ മണിമുഴക്കം (2002) - ആത്മീയലേഖനങ്ങൾ
  • അടയാളം ക്രൂശിതന്റെ ദർശനം (2005) - ആത്മീയലേഖനങ്ങൾ
  • യുഗാന്ത്യവും രണ്ടാംവരവും (2006) - ദർശന-സന്ദേശങൾ
  • ആത്മീയാനുഭവങ്ങളും അപ്പസ്തോലപ്രമുഖരും (2008) - ആത്മീയലേഖനങ്ങൾ
  • അന്ത്യനാളുകൾ (2009) - ആത്മീയലേഖനങ്ങൾ

പുരസ്കാരങ്ങൾ[തിരുത്തുക]

  • സമഗ്രസംഭാവനയ്ക്കുള്ള കേരള സാഹിത്യ അക്കാദമി പുരസ്കാരം - 2014[4]

അവലംബം[തിരുത്തുക]

"https://ml.wikipedia.org/w/index.php?title=ജോർജ്ജ്_ഇരുമ്പയം&oldid=2786900" എന്ന താളിൽനിന്നു ശേഖരിച്ചത്