ജോസഫ് ബാപ്റ്റിസ്റ്റ ഗാർഡൻസ്

ജോസഫ് ബാപ്റ്റിസ്റ്റ ഗാർഡൻസ്
ജോസഫ് ബാപ്റ്റിസ്റ്റ ഗാർഡൻസ്
സ്ഥാനം	മസഗാവ്, മുംബൈ
Coordinates	18°57′56″N 72°50′34″E / 18.965633°N 72.842703°E
Area	1.5 acres (0.6 ha)
Created	1884
Operated by	ബൃഹന്മുംബൈ മുനിസിപ്പൽ കോർപ്പറേഷൻ

ദക്ഷിണ മുംബൈയിലെ മസ്ഗാവിൽ 1.5 ഏക്കർ (0.6 ഹെക്ടർ) സ്ഥലത്ത് സ്ഥിതി ചെയ്യുന്ന ഒരു പാർക്ക് ആണ് ജോസഫ് ബാപ്റ്റിസ്റ്റ ഗാർഡൻസ്^[1]. മസഗാവ് ഗാർഡൻസ് എന്നും ഇത് അറിയപ്പെടുന്നു.

സ്ഥാനം[തിരുത്തുക]

ഡോക്ക്‌യാർഡ് റോഡ് റെയിൽവേ സ്റ്റേഷനു പിന്നിൽ ഭണ്ഡാർവാഡ മലയിലാണ് ഈ പാർക്കിന്റെ സ്ഥാനം. സമുദ്രനിരപ്പിൽ നിന്നും 32 മീറ്റർ (105 അടി) ഉയരത്തിലാണ് ഈ പാർക്ക് സ്ഥിതിചെയ്യുന്നത്. മുംബൈ ഹാർബറിന്റെയും തെക്കൻ ബിസിനസ് ഡിസ്ട്രിക്റ്റിന്റെയും വിശാലമായ ഒരു വീക്ഷണം ഇവിടെ നിന്നും ലഭ്യമാണ്.

പേരിനു പിന്നിൽ[തിരുത്തുക]

1880-1884 കാലഘട്ടത്തിൽ 1.5 ഏക്കർ (0.6 ഹെക്ടർ) ജല സംഭരണിയുടെ മുകളിൽ ഈ പൊതു ഉദ്യാനം നിർമിച്ച ബോംബെയുടെ മുനിസിപ്പൽ കമ്മീഷണർ ജോൺ ഹേയ് ഗ്രാൻഡിന്റെ പേരിലായിരുന്നു ആയിരുന്നു ഇത് അറിയപ്പെട്ടിരുന്നത്. എന്നാൽ 1947 ൽ ഇന്ത്യയുടെ സ്വാതന്ത്ര്യലബ്ധിക്ക് ശേഷം, സ്വാതന്ത്ര്യസമര സേനാനിയായ ജോസഫ് ബാപ്റ്റിസ്റ്റയുടെ പേരിലാണ് ഈ ഉദ്യാനം അറിയപ്പെടുന്നത്.

ചരിത്രം[തിരുത്തുക]

ബ്രിട്ടീഷുകാർ 1660-ൽ ബോംബെയിൽ എത്തിയ ശേഷം അവർ ഭണ്ഡാർവാഡ ഹിൽ എന്ന ഒരു ബസാൾട്ട് പാറക്കെട്ട് ഒരു കോട്ട നിർമ്മിക്കുവാൻ തെരഞ്ഞെടുത്തു. 1680 ൽ ഇവിടെ മസഗാവ് കോട്ട നിർമ്മിക്കപ്പെട്ടു. മുഗൾ ചക്രവർത്തി ഔറംഗസേബിന്റെ കല്പനപ്രകാരം സിദ്ദി ഭരണാധികാരിയായിരുന്ന യാകുത് ഖാൻ ഈ കോട്ട നശിപ്പിക്കുകയും ചെയ്തു ^[2]. 1884 ൽ നഗരത്തിലെ കുടിവെള്ളക്കുറവ് പരിഹരിക്കാനായി നിരവധി മലകൾ ജലസംഭരണ ടാങ്കുകളായി ഉപയോഗിക്കപ്പെട്ടു. വിഹാർ തടാകത്തിൽ നിന്നും വെള്ളം ഭണ്ഡാർവാഡ മലനിരകളിലേക്ക് കൊണ്ടുവന്നശേഷം, പിന്നീട് അത് നഗരത്തിന് വിതരണം ചെയ്തു. അതിന്മേൽ ജോൺ ഹേയ് ഗ്രാൻറ് പാർക്ക് നിർമ്മിക്കപ്പെട്ടു. 1925 ൽ സംഭരണശേഷി 20,000,000 ഇംപീരിയൽ ഗാലൻ (90,900,000 എൽ) ആക്കി വർദ്ധിപ്പിച്ചു.