ജെ.എൻ.യു. രാജ്യദ്രോഹ വിവാദം (2016)
2016 ഫെബ്രുവരി 9-ന് ന്യൂ ഡെൽഹിയിലെ ജവഹർലാൽ നെഹ്റു സർവകലാശാലയിലെ (ജെഎൻയു) ഇടതുപക്ഷ വിദ്യാർത്ഥി സംഘടനയായ ഡെമോക്രാറ്റിക് സ്റ്റുഡന്റ്സ് യൂണിയൻ (DSU) 2001-ലെ ഇന്ത്യൻ പാർലമെന്റ് ആക്രമണക്കേസിലെ പ്രതിയായ അഫ്സൽ ഗുരുവിനെ തൂക്കിലേറ്റിയതിനെതിരെ കാമ്പസിൽ പ്രതിഷേധം നടത്തുകയും ചെയ്തു. ഈ പ്രതിഷേധത്തിനു ആദ്യം അനുമതി നൽകിയ അധികൃതർ പിന്നീട് വലതുപക്ഷ വിദ്യാർത്ഥി സംഘടനയായ അഖില ഭാരതീയ വിദ്യാർത്ഥി പരിഷത്ത്ന്റെ അംഗങ്ങളുടെ പ്രതിഷേധതത്തെത്തുടർന്ന് അനുമതി നിഷേധിച്ചിരുന്നു.[1][2]ഇടതുപക്ഷ വിദ്യാർത്ഥി സംഘടനകൾ (DSU) നടത്തിയ പ്രതിഷേധത്തിനിടെ ഇന്ത്യാ വിരുദ്ധ മുദ്രാവാക്യങ്ങൾ ഉയർന്നു എന്ന ആരോപണം ഉയരുകയും ഈ പ്രതിഷേധം നയിച്ച ജെഎൻയു വിദ്യാർത്ഥി യൂണിയന്റെ പ്രസിഡന്റ് ആയ കനയ്യ കുമാറിനെയും ഉമർ ഖാലിദിനെയും രാജ്യദ്രോഹക്കുറ്റം ചുമത്തി പോലീസ് അറസ്റ്റ് ചെയ്യുകയും ചെയ്തു. .[3]
അഫ്സൽഗുരുവിനനുകൂലമായുണ്ടായ മുദ്രവാക്യം വിളിയും അതിനെ തുടർന്നുണ്ടായ അറസ്റ്റും ദിവസങ്ങൾക്കുള്ളിൽ തന്നെ വലിയ വിവാദം സൃഷ്ടിച്ചു. ജെഎൻയു വൈസ് ചാൻസലർ വിവാദമായ ഈ പ്രതിഷേധവും തുടർന്നുള്ള സംഭവ വികാസവും അന്വേഷിക്കാൻ ഒരു അച്ചടക്ക സമിതി രൂപീകരിച്ചു. ഇവരുടെ പ്രാഥമിക അന്വേഷണത്തിന്റെ അടിസ്ഥാനത്തിൽ കനയ്യ കുമാറും മറ്റ് ഏഴു വിദ്യാർത്ഥികളും കോളേജിൽ നിന്ന് വിലക്കപ്പെട്ടു.[4][5] രാജ്യവിരുധ മുദ്രാവാക്യങ്ങൾ വിളിച്ചത് കാമ്പസിനു പുറത്തുള്ളവർ ആണ് എന്ന് ഡൽഹി സർക്കാരും ജെഎൻയു അന്വേഷണസമിതിയും പിന്നീട് കണ്ടെത്തുകയുണ്ടായി.[6]
അവലംബം[തിരുത്തുക]
- ↑ "JNU orders probe into Afzal Guru event" Archived 2016-02-15 at the Wayback Machine..
- ↑ Student Describes What Actually Happened At The Jawaharlal Nehru University On Feb 9, Huffington Post, 20 February 2016.
- ↑ "JNU student leader held on ‘sedition’ charges over Afzal Guru event".
- ↑ Kanhaiya Had Objected To Cancellation Of Permission For Afzal Guru Event: JNU Registrar, NDTV, 7 March 2016.
- ↑ Kanhaiya Had Objected to Cancellation of Permission for Afzal Guru Event: JNU Registrar Archived 2016-03-08 at the Wayback Machine., Indian Express, 8 March 2016.
- ↑ "JNU row: Provocative slogans were shouted by outsiders, says university's probe panel". Zeenews. 16 March 2016. Retrieved 2016-03-16.