ഉള്ളടക്കത്തിലേക്ക് പോവുക

ജെയിംസ് പീസ്

വിക്കിപീഡിയ, ഒരു സ്വതന്ത്ര വിജ്ഞാനകോശം.
വൈസ്ബാഡനിലെ വീട്ടിൽ ജെയിംസ് പീസ്

കെന്നത്ത് ജെയിംസ് പീസ് (ഇംഗ്ലീഷ്: Kenneth James Peace) 1963 സെപ്റ്റംബർ 28-ന് സ്കോട്ട്‌ലൻഡിലെ പെയ്‌സ്‌ലിയിൽ ജനിച്ചു. സ്കോട്ടിഷ് കമ്പോസർ, കോൺസെർട്ട് പിയാനിസ്റ്റ്, വിഷ്വൽ ആർട്ടിസ്റ്റ് എന്നീ നിലകളിൽ അദ്ദേഹം പ്രശസ്തനാണ്.

ജീവചരിത്രം

[തിരുത്തുക]

1963 സെപ്തംബർ 28 ന് സ്കോട്ട്ലൻഡിലെ പെയ്സ്ലിയിൽ ജനിച്ച ജെയിംസ് പീസ്, സ്കോട്ട്ലൻഡിന്റെ പടിഞ്ഞാറ് കടൽത്തീര റിസോർട്ടായ ഹെലൻസ്ബർഗിലാണ് തന്റെ ബാല്യത്തിന്റെ ഭൂരിഭാഗവും ചെലവഴിച്ചത്.[1][2] അദ്ദേഹത്തിൻന്റെ കുടുംബത്തിൽ നിരവധി കലാകാരന്മാർ ഉൾപ്പെടുന്നു (ഉദാ. ജോൺ മക്ഗി, John McGhie), കൂടാതെ ഇരുപതാം നൂറ്റാണ്ടിന്റെ ആദ്യ പകുതിയിൽ നൃത്തസംഗീതത്തിന്റെ ജനപ്രിയ സംഗീതസംവിധായകനായ ഫെലിക്സ് ബേൺസുമായിട്ടും (Felix Burns) അദ്ദേഹത്തിന് ബന്ധമുണ്ട്.[1][3] എട്ടാം വയസ്സിൽ പിയാനോ അഭ്യസിക്കാൻ തുടങ്ങിയ അദ്ദേഹം പതിനാലാം വയസ്സിൽ സ്കോട്ട് ജോപ്ലിൻ (Scott Joplin) സംഗീതം അവതരിപ്പിച്ചുകൊണ്ട് തന്റെ ആദ്യ സ്റ്റേജ് ഷോ നടത്തി. പതിനാറാം വയസ്സിൽ, റോയൽ സ്കോട്ടിഷ് അക്കാദമി ഓഫ് മ്യൂസിക് ആൻഡ് ഡ്രാമയിൽ (ഇപ്പോൾ അറിയപ്പെടുന്നത്: റോയൽ കൺസർവേറ്റോയർ ഓഫ് സ്കോട്ട്ലൻഡ്, Royal Conservatoire of Scotland) ഏറ്റവും പ്രായം കുറഞ്ഞ മുഴുവൻ സമയ വിദ്യാർത്ഥിയായി അദ്ദേഹത്തിന് പ്രവേശനം ലഭിച്ചു.[1][2][3][4] 1983-ൽ ഗ്ലാസ്‌ഗോ യൂണിവേഴ്‌സിറ്റിയിൽ നിന്ന് B.A. പിയാനോ അദ്ധ്യാപനത്തിൽ ബിരുദം നേടി.[4][5] അടുത്ത വർഷം, RSAMD ഓർക്കസ്ട്രയ്‌ക്കൊപ്പം മെൻഡൽസണിന്റെ പിയാനോ കൺസേർട്ടോ നമ്പർ 1 അവതരിപ്പിച്ചതിന് ശേഷം അദ്ദേഹത്തിന് സംഗീത പ്രകടനത്തിൽ ഡിപ്ലോമ ലഭിച്ചു.[1][6] ഔപചാരിക പഠനം പൂർത്തിയാക്കിയ ശേഷം, അദ്ദേഹം ഒരു ജനപ്രിയ പിയാനിസ്റ്റായി മാറുകയും 1988 മുതൽ 1991 വരെ എഡിൻബർഗിൽ താമസിക്കുകയും ചെയ്തു.[1][2]

ജെയിംസ് പീസ് 1991 മുതൽ 2009 വരെ ജർമ്മനിയിലെ ബാഡ് നൗഹൈമിലാണ് താമസിച്ചത്.[6][7][8] 1998 മുതൽ അദ്ദേഹം ടാംഗോ സംഗീതത്തിൽ പഠനം നടത്തി, അദ്ദേഹത്തിന്റെ സ്വന്തം ടാംഗോ-പ്രചോദിത പിയാനോ കോമ്പസിഷനുകൾ ഉൾക്കൊള്ളുന്ന Tango escocés (സ്കോട്ടിഷ് ടാംഗോ) എന്ന CD പ്രൊഡ്യൂസ് ചെയ്തിറക്കി.[3][8][9] 2002-ൽ വിക്ടോറിയ കോളേജ് ഓഫ് മ്യൂസിക്കിൽ ഓണററി അംഗത്വം നൽകി അദ്ദേഹത്തെ ആദരിച്ചു.[3][8] അതേ വർഷം, സെപ്റ്റംബർ, ഒക്ടോബർ മാസങ്ങളിൽ വടക്കൻ ജർമ്മനിയിൽ അദ്ദേഹം സോളോ കൺസേർട്ട് ടൂറുകൾ നടത്തി. നവംബറിൽ, അദ്ദേഹം ഫാർ ഈസ്റ്റിൽ പര്യടനം നടത്തുകയും ഹോങ്കോങ്ങിൽ തന്റെ Tango XVII-ന്റെ ആദ്യ പ്രകടനം നടത്തുകയും ചെയ്തു.[8][10][11][12]

James Peace - Idylls Op.4b

തുടർന്നുള്ള വർഷങ്ങളിൽ, അദ്ദേഹത്തിന്റെ പ്രകടനങ്ങൾ പ്രധാനമായും യൂറോപ്പിനെ കേന്ദ്രീകരിച്ചായിരുന്നു. ആംസ്റ്റർഡാം, ഏഥൻസ്,[13] ബെർലിൻ,[14] ബ്രസ്സൽസ്, ഹെൽസിങ്കി,[15] ലിസ്ബൺ,[16] ലണ്ടൻ, മാഡ്രിഡ്,[17] ഓസ്ലോ,[18] റെയ്ക്ജാവിക്,[19] വിയന്ന[20] എന്നിവയുൾപ്പെടെയുള്ള തലസ്ഥാന നഗരങ്ങളിൽ അദ്ദേഹം തന്റെ സ്വന്തം ടാംഗോ കോമ്പോസിഷനുകൾ അവതരിപ്പിച്ചു.

2008-ൽ, ജെയിംസ് പീസ്, ടാംഗോ സംഗീതത്തിന് നൽകിയ സുപ്രധാന സംഭാവനകൾക്കുള്ള അംഗീകാരമായി ലണ്ടൻ കോളേജ് ഓഫ് മ്യൂസിക് ഓണററി അംഗത്വം നൽകി അദ്ദേഹത്തെ ആദരിച്ചു.[21][22][23]

എഡിൻബർഗിലെ ഹ്രസ്വമായ താമസത്തിനുശേഷം, 2010 ഫെബ്രുവരിയിൽ ജെയിംസ് പീസ് തിരികെ ജർമ്മനിയിലെ വീസ്ബാഡനിലേക്ക് താമസം മാറ്റി.[1][3] ഈ മാറ്റം അദ്ധേഹത്തിന്റെ സർഗ്ഗാത്മകതയെ പ്രചോദിപ്പിക്കുകയും, സ്വന്തം ചില കോമ്പസിഷനുകളെ അടിസ്ഥാനമാക്കി ഹ്രസ്വചിത്രങ്ങൾ നിർമ്മിക്കുന്നതിലെക്ക് നയിക്കുകയും ചെയ്തു. ജെയിംസ് പീസ് ഇൻ വീസ്ബാഡൻ (K. James Peace in Wiesbaden) എന്ന ഡോക്യുമെന്ററി ഫിലിം അദ്ദേഹത്തിന്റെ ഈ വിഭാഗത്തിലുള്ള സൃഷ്ടികളിൽ ഒന്നാണ്.[21][22][23]

പുരസ്കാരങ്ങളും അവാർഡുകളും

[തിരുത്തുക]
Tango Milonga op. 26

●     ഒന്നാം സമ്മാനം, ആഗ്നസ് മില്ലർ കോമ്പറ്റിഷൻ. ഗ്ലാസ്ഗോ, 1983[4]

●     ഒന്നാം സമ്മാനം, ഡൺബാർട്ടൺഷെയർ EIS കോമ്പറ്റിഷൻ. ഗ്ലാസ്‌ഗോ, 1984[4]

Tango XVIII by James Peace (James Peace, piano)

●     സിബെലിയസ് എസ്സേ പ്രൈസ്. ഗ്ലാസ്ഗോ, 1985[4]

●     ഓണററി ഡിപ്ലോമ, TIM ഇന്റർനാഷണൽ കോമ്പസിഷൻ കോമ്പറ്റീഷൻ. റോം, 2000[1][2][5]

●     ഓണററി ഡിപ്ലോമ, IBLA ഫൗണ്ടേഷൻ. ന്യൂയോർക്ക്, 2002[1][2][5]

●     സ്മാരക മെഡൽ, ഇന്റർനാഷണൽ പിയാനോ ഡ്യുവോ അസോസിയേഷൻ. ടോക്കിയോ, 2002[1][2][5][21][22][23][24]

●     ഗോൾഡ് മെഡൽ, ഇന്റർനാഷണൽ അക്കാദമി ഓഫ് "Lutèce". പാരീസ്, 2005[1][2]

പ്രധാന കോമ്പസിഷനുകൾ

[തിരുത്തുക]

●     ദി വാട്ടർഫോൾ (വെള്ളച്ചാട്ടം)[25]

●     ഇഡിൽസ് (ഗ്രാമീണഗാനം)

●     മോർണിംഗ് സെറനേഡ് (പ്രഭാത പ്രണയഗീതം)

●     സൈലന്റ് ടിയേഴ്സ്  (നിശബ്ദമായ കണ്ണുനീർ)

●     ഫോർഗോട്ടെൻ ലീവ്‌സ് (മറന്നുപോയ ഇലകൾ)

●     സോണാറ്റ ഫോർ ഒബോയ്‌ ആൻഡ് പിയാനോ (ഒബോയ്‌ക്കും പിയാനോയ്‌ക്കും വേണ്ടിയുള്ള സൊണാറ്റ)

●     ബല്ലാഡ്

●     സെറിമോണിയൽ മാർച്ച് നമ്പർ.൧ (ആചാരപരമായ ജാഥ നമ്പർ.1)

●     സെറിമോണിയൽ മാർച്ച് നമ്പർ.൨ (ആചാരപരമായ ജാഥ നമ്പർ.2)

●     ഓട്ടം ഗോൾഡ് (ശരത്കാല സ്വർണ്ണം)[26]

●     ഇറ്റേർണൽ സോങ് (ശാശ്വത ഗാനം)[1]

●      ഫോർ ജോർജിയ ("ജോർജിയയ്ക്ക്") (ജോർജിയൻ ഭാഷ: საქართველოსთვის)

(വരികൾ: താമാരി ചിക്‌വൈഡ്‌സെ, സുറാബി ചിക്‌വൈഡ്‌സെ, ജെയിംസ് പീസ്)

●     സോളോ പിയാനോയ്ക്കുള്ള 24 ടാംഗോകൾ)[1][9][21][22][23][27]

ബാഹ്യ ലിങ്കുകൾ

[തിരുത്തുക]

Lento Lacrimoso:

Autumn Gold

Souvenir de Buenos Aires

റെഫറൻസുകൾ

[തിരുത്തുക]
  1. 1 2 3 4 5 6 7 8 9 10 11 12 Birgitta Lamparth.  ꞌꞌKeine ꞌstacheligenꞌ Klängeꞌꞌ. Wiesbadener Tagblatt (ജർമ്മൻ പത്രം), 10 ഫെബ്രുവരി 2011
  2. 1 2 3 4 5 6 7 Julia Anderton. ꞌꞌTango, wie eine süß-saure Geschichteꞌꞌ. Wiesbadener Kurier (ജർമ്മൻ പത്രം), 24 മാർച്ച് 2012
  3. 1 2 3 4 5 Sabine Klein. ꞌꞌMeine Musik ist wie ich - sehr romantischꞌꞌ. Wetterauer Kulturspiegel (ജർമ്മൻ പത്രം), 1992, നമ്പർ. 254, പേജ് 2
  4. 1 2 3 4 5 G. Müller. ꞌꞌDie Seele des Klaviers tanzt Tangoꞌꞌ. Frankfurter Rundschau (ജർമ്മൻ മാസിക). 17 മാർച്ച് 2001, പേജ് 5
  5. 1 2 3 4 Deutsche Nationalbibliothek. "James Peace"
  6. 1 2 "James Peace". FRIZZ (ജർമ്മൻ മാസിക). ജനുവരി, 2001, പേജ് 5
  7. ↑ Manfred Merz. ꞌꞌVirtuose, gefühlsbetonte Welt der Romantikꞌꞌ. Wetterauer Zeitung (ജർമ്മൻ പത്രം), 12 ഡിസംബർ, 1992, പേജ് 19
  8. 1 2 3 4 "James Peace". The Tango Times of New York (ന്യൂയോർക്കിലെ മാഗസിൻ). പതിപ്പ് 2002/2003 (39). പേജുകൾ 1 - 5
  9. 1 2 National Library of Scotland. "Tango escocés"
  10. ↑ "James Peace". La Cadena (ഡച്ച് മാസിക). സെപ്റ്റംബർ, 2002, പേജ് 26
  11. ↑ TangoTang (ഹോങ്കോംഗ്). വാർത്താക്കുറിപ്പ്, 8 ഒക്ടോബർ 2002
  12. ↑ "ജെയിംസ് പീസ്". സൗത്ത് ചൈന മോണിംഗ് പോസ്റ്റ് (ഹോങ്കോങ്ങിലെ പത്രം). 9 ഒക്ടോബർ 2002
  13. ↑ കോൺസെർട്ട് പ്രോഗ്രാം ബ്രോഷർ (ഏഥൻസ്) {Για σένα, Αγγελική!}. 27 ഏപ്രിൽ 2016
  14. ↑ Tangodanza (ജർമ്മൻ മാസിക). പതിപ്പ് 1/2002 - 9
  15. ↑ കോൺസെർട്ട് പോസ്റ്റർ (ഫിൻലാൻഡിലെ കോൺസെർട്ട് പര്യടനം, 2014).
  16. ↑ കോൺസെർട്ട് പോസ്റ്റർ (പോർച്ചുഗലിൻ്റെ കോൺസെർട്ട് പര്യടനം, 2016).
  17. ↑ കോൺസെർട്ട് പോസ്റ്റർ (സ്‌പെയിനിലെ കോൺസെർട്ട് ടൂർ 2013), «¡Felíz Cincuenta Cumplaños!»
  18. ↑ "Listen.no. James Peace (flygel), ꞌꞌTangos Romanticosꞌꞌ. Munch Museet, ഓസ്ലോ, 16 ഒക്ടോബർ 2004". Archived from the original on 2020-06-08. Retrieved 2025-07-29.
  19. ↑ Ríkarður Ö. Pálsson. «Skozkir slaghörputangoár». Morgunblaðið (ഐസ്‌ലാൻഡിക് പത്രം). 14 ഒക്ടോബർ 2004
  20. ↑ കോൺസെർട്ട് പ്രോഗ്രാം ബ്രോഷർ (വിയന്ന). 2005 ജനുവരി 23
  21. 1 2 3 4 National Library of Scotland. "K. James Peace in Wiesbaden"
  22. 1 2 3 4 Deutsche Nationalbibliothek."ꞌK. James Peace in Wiesbaden"
  23. 1 2 3 4 Whittaker Live. "Wiesbaden Highlander K. James Peace tango composer: new DVD"
  24. ↑ ഇന്റർനാഷണൽ പിയാനോ ഡ്യുവോ അസോസിയേഷൻ, ടോക്കിയോ. സമ്മാന ജേതാക്കളുടെ പട്ടിക, 2002
  25. ↑ Hessisches Staatstheater, കോൺസെർട്ട് പ്രോഗ്രാം ബ്രോഷർ 12/19 സെപ്റ്റംബർ, 2021
  26. ↑ "Violine schwebt über das Orchester". Schwäbische Post (ജർമ്മൻ പത്രം). 4 ജൂൺ, 1994
  27. ↑ ബ്രിട്ടീഷ് വയല സൊസൈറ്റി വാർത്താക്കുറിപ്പ്, ഓഗസ്റ്റ് 2023
"https://ml.wikipedia.org/w/index.php?title=ജെയിംസ്_പീസ്&oldid=4579499" എന്ന താളിൽനിന്ന് ശേഖരിച്ചത്