കെ. ജയപാലപ്പണിക്കർ

വിക്കിപീഡിയ, ഒരു സ്വതന്ത്ര വിജ്ഞാനകോശം.
(ജയപാലപ്പണിക്കർ എന്ന താളിൽ നിന്നും തിരിച്ചുവിട്ടതു പ്രകാരം)
Jump to navigation Jump to search
കെ. ജയപാലപ്പണിക്കർ
Jayapal.jpg
കെ. ജയപാലപ്പണിക്കർ
ജനനം 1937 നവംബർ 2
കൊല്ലം ജില്ല
മരണം 2003 നവംബർ 5
ദേശീയത  ഇന്ത്യ
തൊഴിൽ ചിത്രകാരനും ശില്പിയും

കേരളത്തിലെ പ്രമുഖ ചിത്രകാരനും ശില്പിയുമായിരുന്നു കെ. ജയപാലപ്പണിക്കർ (1937 നവംബർ 2- നവംബർ 5, 2003).

ജീവിതരേഖ[തിരുത്തുക]

1937 ൽ കൊല്ലം ജില്ലയിലെ പെരിനാട് മംഗലത്ത് കുടുംബത്തിൽ കൊച്ചുകുഞ്ഞ്-കല്യാണി ദമ്പതിമാരുടെ മകനായി ജനിച്ചു.[1] നാട്ടിലെ സ്കൂൾ വിദ്യാഭ്യാസത്തിനു ശേഷം മദ്രാസിലെ കോളജ് ഓഫ് ആർട്സ് ആൻഡ് ക്രാഫ്റ്റിൽ ചേർന്നു. പ്രിൻസിപ്പലായിരുന്ന കെ.സി.എസ്. പണിക്കർ ഏറെ സ്വാധീനിച്ചു.

. മദ്രാസിലെ പഠനകാലത്ത് ശാങ്കരദർശനത്തിലേക്ക് ആകർഷിക്കപ്പെട്ടു. സൗന്ദര്യലഹരി പണിക്കരുടെ ചിത്രകലാപ്രതിഭയെ ഏറെ സ്വാധീനിച്ചു. ജലച്ചായത്തിലും എണ്ണച്ചായത്തിലുമായിരുന്നു ആദ്യകാല രചനകൾ. 1968നു ശേഷം ഗ്രാഫിക്, താന്ത്രിക് രചനാരീതികളിലേക്ക് തിരിഞ്ഞു. ജീവാഗ്നി, ബീജാഗ്നി പരമ്പരകൾ ഇക്കാലത്തേതാണ്.

കേരളത്തിൽ തിരിച്ചു വന്നതിനു ശേഷം ചിത്രകലയോടൊപ്പം ബാത്തിക്, ടെറക്കോട്ട, മെറ്റൽ റിലീഫ് എന്നീ മാധ്യമങ്ങൾ ഉപയോഗിച്ചു. കോവളം കേന്ദ്രീകരിച്ചു ബാത്തിക് തുണിത്തരങ്ങളുടെ നിർമ്മാണവും വിപണനവും നടത്തി. പന്ത്രണ്ട് ചിത്രങ്ങളുൾപ്പെടുത്തി നോക്കുകുത്തി എന്നൊരു ചിത്ര പരമ്പര ചെയ്തിട്ടുണ്ട്. ബ്രസീൽ, ആംസ്റ്റർഡാം, വിയന്ന, ഓസ്ലോ, മിലാൻ, ഇറ്റലി, ലണ്ടൻ, പാരീസ്, ധീക്ക, ചിലി, പ്രേഗ്, കൊലാലംപൂര് തുടങ്ങിയ രാജ്യങ്ങളിൽ ജയപാലപ്പണിക്കരുടെ ശില്പങ്ങളും ചിത്രങ്ങളും പ്രദർശിപ്പിച്ചു. [2]

2003 നവംബർ അഞ്ചിന് അന്തരിച്ചു.[1] നിരവധി ശില്പങ്ങളും നിർമ്മിച്ചു.

പ്രധാന രചനകൾ[തിരുത്തുക]

ജയപാലപ്പണിക്കരുടെ മെറ്റൽ റിലീഫ്
ജയപാലപ്പണിക്കരുടെ കുണ്ഡലിനി ശില്പ്പം
  • മലമ്പുഴയിലെ മുതല
  • കൊല്ലത്ത് സോപാനത്തിലെ കുണ്ഡലനി ശില്പം
  • കൊല്ലം രാമവർമ്മാ ക്ലബ്ബിൽ ചെമ്പുതകിടിൽ തീർത്ത സൂര്യമുഖ റിലീഫ്

പുരസ്കാരങ്ങൾ[തിരുത്തുക]

  • 1965-ൽ മദ്രാസ് ലളിതകലാ അക്കാദമി പുരസ്കാരം
  • 1974-ൽ കേരള ലളിതകലാ അക്കാദമി പുരസ്കാരം
  • 1989-ൽ കേന്ദ്രലളിതകലാ അക്കാദമി പുരസ്കാരം.[3]
  • 2001-ൽ കേരള ലളിതകലാ അക്കാദമിയുടെ ഫെല്ലോഷിപ്പും കരസ്ഥമാക്കി.[1]

അവലംബം[തിരുത്തുക]

  1. 1.0 1.1 1.2 "Jayapala Panikkar dead" (ഭാഷ: English). The Hindu. നവംബർ 6, 2003. ശേഖരിച്ചത് മേയ് 20, 2010. 
  2. "ജയപാലപ്പണിക്കർ യാത്രയായിട്ട് പതിനൊന്നാണ്ട്". www.mathrubhumi.com/. ശേഖരിച്ചത് 5 നവംബർ 2014. 
  3. "K. Jayapal Panicker Profile" (ഭാഷ: English). Cholamandal Artists' Village. ശേഖരിച്ചത് മേയ് 20, 2003. 


"https://ml.wikipedia.org/w/index.php?title=കെ._ജയപാലപ്പണിക്കർ&oldid=2171574" എന്ന താളിൽനിന്നു ശേഖരിച്ചത്