ചെമ്പൂർ

ചെമ്പൂർ
നഗരപ്രാന്തം
ചെമ്പൂർ മാർക്കറ്റ്
ചെമ്പൂർ
Coordinates: 19.051°N 72.894°E / 19.051; 72.894
Country	ഇന്ത്യ
State	മഹാരാഷ്ട്ര
District	മുംബൈ സബർബൻ
മെട്രോ	മുംബൈ
Zone	5
Ward	M
Languages
• Official	മറാഠി
സമയമേഖല	UTC+5:30 (IST)
PIN	400071
ഏരിയ കോഡ്	022
വാഹന റെജിസ്ട്രേഷൻ	MH 03
Lok Sabha constituency	മുംബൈ സൗത്ത് സെന്റ്രൽ
Vidhan Sabha constituency	ചെമ്പൂർ
Civic agency	ബൃഹന്മുംബൈ മുനിസിപ്പൽ കോർപ്പറേഷൻ

മുംബൈ നഗരത്തിൽ കിഴക്കുഭാഗത്തായി സ്ഥിതി ചെയ്യുന്ന ഒരു പ്രദേശമാണ് ചെമ്പൂർ.

പേരിനു പിന്നിൽ

മറാഠി ഭാഷയിൽ വലിയ ഞണ്ട് എന്നർഥം വരുന്ന 'ചിമ്പോരീ' എന്ന വാക്കിൽ നിന്നാണ് ചെമ്പൂർ എന്ന പേരുണ്ടായതെന്ന് കരുതപ്പെടുന്നു.

ചരിത്രം

ഘാട്ട്ലാ, മാഹുൽ, ഗാവൻപാഡ, അംബാപാഡ തുടങ്ങിയ ഗ്രാമങ്ങൾ ചേർന്ന പ്രദേശം വികസിച്ചാണ് ഇന്ന് ചെമ്പൂർ എന്നറിയപ്പെടുന്ന നഗരഭാഗം രൂപീകൃതമായത്. ഇവിടെ മുൻകാലങ്ങളിൽ പൂക്കൃഷി ഉണ്ടായിരുന്നതായി പറയപ്പെടുന്നു. മുംബൈ വേറിട്ട ദ്വീപുകളായിരുന്ന കാലത്ത് ട്രോംബേ ദ്വീപിന്റെ വടക്കുപടിഞ്ഞാറ് ഭാഗത്തായിരുന്നു ഈ സ്ഥലം. കാനേരി ഗുഹകളിലെ ശിലാലിഖിതങ്ങളിൽ 'ചെമുല' എന്നും അറബ് കൃതികളിൽ 'സിമോർ' പ്രതിപാദിക്കപ്പെടുന്ന പ്രദേശം ചെമ്പൂർ ആണെന്ന് വാദഗതികളുണ്ട്.

മുംബൈ ദ്വീപുകൾ 1893-ൽ

ദി ബോംബേ പ്രസിഡൻസി ഗോൾഫ് ക്ലബ്ബ് ഇവിടെ സ്ഥാപിതമായത് 1927-ലാണ്. 1906-ൽ കുർള-ചെമ്പൂർ തീവണ്ടിപ്പാത നിർമ്മിക്കപ്പെട്ടു. 1924-ൽ ഈ പാത ഗതാഗതത്തിനായി തുറന്നു. 1945-ൽ ചെമ്പൂർ ബോംബേ നഗരത്തിന്റെ ഭാഗമായി.

ഇന്ത്യാ-പാക് വിഭജനകാലത്ത് അഭയാർത്ഥികൾക്കായി പുനരധിവാസമൊരുക്കിയ പ്രദേശങ്ങളിലൊന്നായിരുന്നു ചെമ്പൂർ. പിന്നീട് വിവിധ കോളനികളുടെ നിർമ്മാണത്തോടെ ഇത് പ്രധാനമായും ഒരു പാർപ്പിടമേഖലയായി രൂപപ്പെട്ടു.