ചൂട്ട്

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
ചൂട്ടുവെളിച്ചത്തിൽ_ഖസാക്കിന്റെ ഇതിഹാസം നാടകത്തിൽ നിന്ന്
ചൂട്ടുമായി നൃത്തം ചെയ്യുന്ന ചാമുണ്ഡിത്തെയ്യം

തെങ്ങിന്റെയും മറ്റും ഉണങ്ങിയ ഓല ഊർന്നെടുത്ത് ഒതുക്കി കെട്ടിയുണ്ടാക്കുന്നതാണ് ചൂട്ട്. മുൻകാലങ്ങളി‍ൽ ഇത് കത്തിച്ച് വിളക്കായി ഉപയോഗിച്ചിരുന്നു.

നിർമ്മാണ വസ്തുക്കൾ[തിരുത്തുക]

പനയോല, കവുങ്ങിൻ പട്ട (കവുങ്ങിന്റെ ഓല) ഉണങ്ങിയ ഈറ്റ എന്നിവയും ചൂട്ടുണ്ടാക്കുന്നതിന് ഉപയോഗിക്കാറുണ്ട്. തുണി ഉപയോഗിച്ചും ചൂട്ടുണ്ടാക്കാറുണ്ട്.

ചരിത്രം[തിരുത്തുക]

ഭൂതത്താർ ചൂട്ടുമായി

പുരാതനകാലം മുതൽക്കേ ഗ്രാമീണ ജീവിതത്തിൽ ചൂട്ടിന് വലിയ സ്ഥാനമുണ്ടായിരുന്നു. വൈദ്യുതിവിളക്കുകൾ പ്രചാരത്തിലാവുന്നതിന് മുൻപ് രാത്രിയാത്രയ്ക്ക് ചൂട്ട് അല്ലെങ്കിൽ പന്തമാണ് ഉപയോഗിച്ചിരുന്നത്. എണ്ണത്തിരിയുള്ള പന്തം ഉപയോഗിക്കാൻ സാമ്പത്തികശേഷിയില്ലാത്ത ഗ്രാമീണർ, രാത്രികാലങ്ങളിലെ ചടങ്ങുകൾക്ക് വെളിച്ചംപകരാൻ ചൂട്ടാണ്ഉപയോഗിച്ചിരുന്നത്[1].

കലകളിൽ[തിരുത്തുക]

പടയണി, നാടകം തുടങ്ങിയ കലാരൂപങ്ങളുടെ അവതരണത്തിലും ചൂട്ടിന് പ്രാധാന്യമുണ്ട്.ചൂട്ടുപടയണിയിൽ ചൂട്ട് ആണ് പ്രധാന വസ്തു [2]. നേർച്ച കഴിക്കുന്ന വ്യക്തിയുടെ ഭവനത്തിൽ നിന്ന് തീ കൊളുത്തിയ ചൂട്ട് വാദ്യമേളങ്ങളുടെ അകമ്പടിയോടെ ക്ഷേത്രത്തിലേക്ക് കൊണ്ടുപോകുന്നു. ഓരോ ചൂട്ട് തീരുന്നതിനനുസരിച്ച് അടുത്തത് കത്തിക്കും . ക്ഷേത്രത്തിനു മുൻപിൽ കോട്ടപോലെ ചൂട്ടുകൾ നാട്ടി തീകൊളുത്തും.

തെയ്യവും ചൂട്ടും[തിരുത്തുക]

തെയ്യക്കോലങ്ങളുടെ അവതരണത്തിലും ചൂട്ടിന് പ്രമുഖ സ്ഥാനമുണ്ട്. ചൂട്ടുവെളിച്ചത്തിലാണ് രാത്രികാലങ്ങളിലെ തെയ്യം അരങ്ങേറുന്നത്. ആധുനികവൈദ്യുതവിളക്കുകൾ ഉണ്ടെങ്കിലും ഇപ്പോഴും ചൂട്ട്, പന്തം എന്നിവ കത്തിച്ചാണ് തെയ്യം അവതരിപ്പിക്കുന്നത്.

ചൂട്ടും പ്രകടനവും[തിരുത്തുക]

പ്രതിഷേധപ്രകടനങ്ങളിലും വിളംബര ജാഥകളിലും കത്തിച്ച ചൂട്ട് ഉപയോഗിക്കാറുണ്ട് [3]

ചിത്രശാല[തിരുത്തുക]

ചൊല്ല്[തിരുത്തുക]

  • അഴിമതിക്ക് ചൂട്ട് പിടിക്കരുത്.

അവലംബം[തിരുത്തുക]

  1. [1]|ജൂട്ട് അല്ല മോളേ ചൂട്ട്.
  2. [2]|പടയണി
  3. [3]|ചൂട്ട് കത്തിച്ച് മാർച്ച് നടത്തി
"https://ml.wikipedia.org/w/index.php?title=ചൂട്ട്&oldid=2607201" എന്ന താളിൽനിന്ന് ശേഖരിച്ചത്