ചീനവല (ചലച്ചിത്രം)

ചീനവല
സംവിധാനം	കുഞ്ചാക്കോ
നിർമ്മാണം	കുഞ്ചാക്കോ
തിരക്കഥ	ശാരംഗപാണി
അഭിനേതാക്കൾ	പ്രേം നസീർ ജയഭാരതി അടൂർ ഭാസി കെ.പി.ഏ.സി.ലളിത
സംഗീതം	എം.കെ. അർജുനൻ
ഛായാഗ്രഹണം	ബാലു മഹേന്ദ്ര
ചിത്രസംയോജനം	ടി. ആർ. ശേഖർ
സ്റ്റുഡിയോ	ഉദയ
വിതരണം	ഉദയ
റിലീസിങ് തീയതി	24 ഡിസംബർ 1975 (1975-12-24)
രാജ്യം	ഭാരതം
ഭാഷ	Malayalam

1975-ൽ കുഞ്ചാക്കോ സംവിധാനം ചെയ്ത് പുറത്തിറങ്ങിയ ഒരു മലയാള ചലച്ചിത്രമാണ്ചീനവല. (English: Cheenavala) പ്രേം നസീർ, ജയഭാരതി, അടൂർ ഭാസി, കെ.പി.ഏ.സി.ലളിത തുടങ്ങിയവരാണ് ഈ ചിത്രത്തിലെ പ്രധാന കഥാപാത്രങ്ങളായി അഭിനയിച്ചിരിക്കുന്നത്. ഈ ചിത്രത്തിലെ വയലാർ രാമവർമ്മയുടെ വരികൾക്ക് എം.കെ. അർജുനൻ ആണ് സംഗീതം നിർവ്വഹിച്ചിരിക്കുന്നത്.

കഥാംശം

കോന്തിയും(ശങ്കരാടി) പപ്പുവും(അടൂർ ഭാസി) റാണയും(തിക്കുറിശ്ശി) ഒരുമിച്ച് ചീനവല വലിച്ച് കായൽക്കരയിൽ ജീവിച്ചവർ ആണ്. റാണ ഇപ്പോൾ കച്ചവടം ചെയ്ത് മുതലാളിയായി. കോന്തിയുടേയും മാണിക്കിയുടെയും(കെ.പി.ഏ.സി.ലളിത) മകൻ പുഷ്കരനും(പ്രേം നസീർ) പപ്പു-പാറു(മീന) ദമ്പതികളുടെ പുത്രി പെണ്ണാളും(ജയഭാരതി) വിവാഹം ഉറപ്പിച്ചവരാണ്. ഫോട്ടൊഗ്രാഫർ ആയ പുഷ്കരൻ നഗർത്തിലാണ്. വിവാഹം ഉറപ്പിച്ച് പൈസക്കായി പപ്പു പഴയസുഹൃത്തിനടുത്തെത്തി. അയാൾ നിരസിച്ചു. എന്നാൽ റാണയുടെ മകൻ പ്രതാപചന്ദ്രനു(കെ.പി. ഉമ്മർ) പെണ്ണാളിനെ കണ്ടപ്പോൾ അയാൾ ആയിരം രൂപ വാദ്ഗാനം ചെയ്തു. എന്നാൽ പിന്നീടയാൾ പെണ്ണാളിനെ ചോദിച്ചു. അതോടെ പപ്പു മകൾ പണക്കാരിയാകുന്നത് സ്വപ്നം കണ്ട് പുഷ്കരനെ സ്ഥലത്ത് നിന്ന് മാറ്റാൻ വഴി ചോദിക്കുന്നു. പ്രതാപചന്ദ്രൻ കാട്ടുജീവികളുടെ പടമെടുക്കാൻ പുഷ്കരനെ അയക്കുന്നു. അവിടെ വെച്ച് പുലി പെറ്റ് കിടക്കുന്നത് ചിത്രീകരിക്കുന്നതിനിടയിൽ പുലിപിടിച്ചു എന്ന് കഥയുണ്ടാക്കുന്നു. പെണ്ണാൾ മാനസികനില തെറ്റുന്നു. വിവാഹം ഉറപിക്കുന്നു. എന്നാൽ വിവാഹമുഹൂർത്തത്തിൽ പാച്ചനോടൊപ്പം(ജനാർദ്ദനൻ) പുഷ്കരനെത്തുന്നു. പെണ്ണാൾ അവനെ മാലചാർത്തുന്നു.

താരനിര

ക്ര.നം.	താരം	വേഷം
1	പ്രേം നസീർ	പുഷ്കരൻ
2	ജയഭാരതി	പെണ്ണാൾ
3	അടൂർ ഭാസി	പപ്പു
4	മീന	പാറു
5	ശങ്കരാടി	കോന്തി
6	കെ.പി.ഏ.സി.ലളിത	മാണിക്കി
7	കെ.പി. ഉമ്മർ	പ്രതാപചന്ദ്രൻ
8	അടൂർ പങ്കജം	കാർത്യായനി
9	ജനാർദ്ദനൻ	റൗഡി പാച്ചൻ
10	തിക്കുറിശ്ശി	റിച്ച്മേൻ റാണ
11	നെല്ലിക്കോട് ഭാസ്കരൻ	അയ്യപ്പൻ
12	കുതിരവട്ടം പപ്പു	ഫെർണാണ്ടസ്
13	കുഞ്ചൻ	മധു
14	പട്ടം സദൻ	മോഹൻ
15	ടി.പി. രാധാമണി	ഷീല

ഗാനങ്ങൾ

• വരികൾ:വയലാർ രാമവർമ്മ
• ഈണം: എം.കെ. അർജുനൻ

നമ്പർ.	പാട്ട്	പാട്ടുകാർ	രാഗം
1	അഴിമുഖത്ത്	യേശുദാസ്
2	കന്യാദാനം	യേശുദാസ്, ബി. വസന്ത
3	പൂന്തുറയിൽ (ശോകം)	അമ്പിളി,
4	പൂന്തുറയിലരയന്റെ	പി. സുശീല
5	തളിർവലയോ....	യേശുദാസ്, ലതിക

പുറത്തേക്കുള്ള കണ്ണികൾ

• ചീനവല(1975) വിഡിയോ യൂട്യൂബിൽ
• ചീനവല(1975) ഇന്റർനെറ്റ് മൂവി ഡാറ്റാബേസിൽ