ചതുഷ്‌കോൺ

ചതുഷ്കോൺ (Bengali: চতুষ্কোণ) 2014- ൽ പുറത്തിറങ്ങിയ ബംഗാളി ചലച്ചിത്രമാണ്. ഈ ഡിറ്റക്റ്റീവ്/ ത്രില്ലർ ചിത്രം സൃജിത് മുഖർജിക്ക് മികച്ച സംവിധായകനുള്ള 2014-ലെ ദേശീയ ബഹുമതി നേടിക്കൊടുത്തു.

കഥ, കഥാപാത്രങ്ങൾ, അഭിനേതാക്കൾ

നാലു പ്രശസ്ത സംവിധായകർ ചേർന്ന് നാലു ചെറുകഥകൾ കോർത്തിണക്കി ഒരു സിനിമയെടുക്കാൻ പദ്ധതിയിടുന്നു. ചെറുകഥകളെല്ലാം തന്നെ മരണത്തെക്കുറിച്ചുള്ളതാണ്. നിർമാതാവിനെത്തേടിയുള്ള യാത്രയിൽ പഴങ്കഥകൾ ചുരുളഴിയുന്നതാണ് സാരാംശം.

അപർണാ സെൻ, ഋതുപർണ ഘോഷ്,ഗൗതം ഘോഷ്, അഞ്ജൻ ദത്ത് എന്നിവരേയാണ് സൃജിത് മുഖർജി അഭിനേതാക്കളായി കണ്ടത്. എന്നാൽ ഋതുപർണ ഘോഷിന്റെ അകാല നിര്യാണം കാരണം മാറ്റങ്ങൾ വേണ്ടിവന്നു. സാങ്കേതികകാരണങ്ങളാൽ അഞ്ജൻ ദത്തും അഭിനയത്തിൽ നിന്ന് പിന്മാറി. ഇവർക്കു പകരം ചിരഞ്ജിത് ചക്രവർത്തിയും പരംബ്രത് ചാറ്റർജിയും വേഷമിട്ടു.