ചതുരന്ത്യം
അർണ്ണോസ് പാതിരി രചിച്ച ഒരു കൃതിയാണ്‌ ചതുരന്ത്യം. എഴുത്തച്ഛന്റെ മാതൃക സ്വീകരിച്ച് കിളിപ്പാട്ട് പോലെയാണിതിന്റെ രചന നിർവ്വഹിച്ചിരിക്കുന്നത്. ക്രൈസ്തവ വിശ്വാസം അനുസരിച്ച മരണം, വിധി, മോക്ഷം, നരകം ഇവ നാലുമാണ് മനുഷ്യന്റെ അന്ത്യാനുഭവങ്ങൾ. ഇതാണ് ചതുരന്ത്യത്തിലെ നാലു പർവ്വങ്ങൾ.
പ്രത്യേകതകൾ[തിരുത്തുക]
മഹാഭാരതത്റ്റിലെ പർവ്വ സംജ്ഞ ഇവിടെയും നൽകപെട്ടിരിക്കുന്നു. ഭാഷ പ്രൌഢവും സംസ്കൃത പദ ബഹുലവുമാണ്. സാധാരണക്കാരന് വായിക്കാൻ പ്രയാസമാണ്. മഞ്ജരി വൃത്തത്തിലാണ് എഴുതപ്പെട്ടിരിക്കുന്നത്. ക്രിസ്ത്യാനികൾക്ക് മഞ്ജരി വൃത്തം മറ്റൊറു രീതിയിൽ പാടിയൈരുന്നതുകോണ്ടോ പാതിരിക്ക് ആ വൃത്തം വേണ്ടത്ര വശമില്ലാത്തതു കൊണ്ടോ വൃത്ത ഭംഗം നിറയെ കടന്നു കൂടിയിട്ടുണ്ട്.
വിധി പർവ്വം കളകാഞ്ചി വൃത്തത്തിലാണ്. മോക്ഷപർവ്വവും നരക പർവ്വവും കേക യിലാണ്.
ഉദാഹരണങ്ങൾ[തിരുത്തുക]
മരണപർവ്വം[തിരുത്തുക]
ധാതിയിൽ വാഴുവാനല്പകാലത്തിന്
വസ്ത്രസമം വപുസ്സെടുത്തേനോ
തനുകാലത്തിനു ലോകസുഖങ്ങളെ
ഞാൻ സുഖിച്ചീടുവാൻ ജീവിച്ചേനോ
രുഗ്മമുക്താദികൾ സംഭരിച്ചീടുവാൻ
സമയമല്പത്തിനു ക്ലേശിച്ചേനോ
ഇപ്പ്രവശത്തിലൊക്കെവെടിയണം
ഇപ്പോളെന്തുക്ഷണമടുത്തല്ലോ
അവലംബം[തിരുത്തുക]
നവകേരള ശില്പികൾ- അർണ്ണോസ് പാതിരി, പ്രസാധകർ: കേരള ഹിസ്റ്ററി അസോസിയേഷൻ; എറണാകുളം, കേരള; 1982.