ഗ്രേറ്റെർ ഗ്ലൈഡർ
| ഗ്രേറ്റെർ ഗ്ലൈഡർ [1] | |
|---|---|
| |
Scientific classification 
| |
| Kingdom: | Animalia |
| Phylum: | Chordata |
| Class: | Mammalia |
| Infraclass: | Marsupialia |
| Order: | Diprotodontia |
| Family: | Pseudocheiridae |
| Subfamily: | Hemibelideinae |
| Genus: | Petauroides Thomas, 1888 |
| Species: | P. volans
|
| Binomial name | |
| Petauroides volans (Kerr, 1792)
| |
| |
| Greater glider range | |
| Synonyms | |
|
Schoinobates volans | |
ഗ്രേറ്റെർ ഗ്ലൈഡർ (Petauroides volans) സഞ്ചിമൃഗങ്ങളിൽ ഗ്ലൈഡ് ചെയ്യാൻ ഏറ്റവും സമർത്ഥരായ ഇവരെ ആസ്ട്രേലിയയിലാണ് കാണപ്പെടുന്നത്. ഗ്ലൈഡ് ചെയ്യുന്ന സഞ്ചിമൃഗങ്ങളിൽ പെറ്റൗറസ് കൂട്ടവുമായി ഗ്രേറ്റെർ ഗ്ലൈഡറിന് യാതൊരു ബന്ധവുമില്ല എങ്കിലും പകരം ലെമുർ-ലൈക് റിങ്ടെയിൽ പോസ്സം (Hemibelideus lemuroides) ആയി ബന്ധം കാണിക്കുന്നു. ഇവ രണ്ടും ഹെമിബെലിഡിനേ ഉപകുടുംബവുമായി പങ്കുവയ്ക്കുന്നു.[3]
നിശാജീവികളായ ഇക്കൂട്ടർ ഒറ്റയ്ക്ക് സഞ്ചരിക്കുന്ന സസ്യഭുക്കുകൾ ആണ്. ഇവയ്ക്ക് യൂക്കാലിപ്റ്റസിന്റെ തളിരിലകൾക്കാണ് കൂടുതൽ പ്രിയം. അടുത്തടുത്ത പ്രദേശത്ത് തന്നെ രണ്ടു നിറങ്ങളിൽ ഗ്ലൈഡറുകളെ കണ്ടുവരുന്നു. കറുപ്പും തവിട്ടും ചാരനിറവും കലർന്നതാണ് അവരിൽ ഒരു കൂട്ടർ. മറ്റേ കൂട്ടർക്ക് മങ്ങിയ ചാരനിറമോ ക്രീം കളറോ ആയിരിക്കും.[4]
മോസ്സ്മാൻ, ക്വീൻസ് ലാൻഡ്, ഡെയ്ൽസ്ഫോർഡ്, വിക്ടോറിയ എന്നീ പ്രദേശങ്ങളിലെ യൂക്കാലിപ്സ് വനങ്ങളിൽ ഇവ ധാരാളമായി കണ്ടുവരുന്നു.[4] ഇവ 15 വർഷത്തിനുമുകളിൽ ജീവിച്ചിരുന്നതായി രേഖപ്പെടുത്തിയിട്ടുണ്ട്.[5]
പ്രജനനം[തിരുത്തുക]
ആണും പെണ്ണും ജോഡിയായി വർഷം മുഴുവനും മരപ്പൊത്തിൽ തന്നെ കഴിയുന്നു. പ്രജനനകാലം ഫെബ്രുവരി മുതൽ മേയ് വരെയുള്ള കാലയളവിലാണ്. പെണ്ണിന് ഒരു സമയം ഒരു കുഞ്ഞാണ് ജനിക്കുക.[4] അമ്മയുടെ സഞ്ചിയിൽക്കയറിപ്പറ്റുന്ന അവ അഞ്ചുമാസം വരെ അവിടെത്തന്നെ കഴിയുന്നു. അതുകഴിഞ്ഞ് പുറത്തുവന്നാലും ഒന്നുരണ്ടുമാസങ്ങൾ കൂടി കാട്ടിലോ അമ്മയുടെ പുറത്തോ കഴിഞ്ഞുകൂടും. അങ്ങനെ പത്തുമാസം കൂടി കഴിയുന്നതോടെ അച്ഛൻ അവയെ അമ്മയുടെ അടുത്തുനിന്ന് ഓടിച്ചുവിടും. [6]
ശാരീരികഘടന[തിരുത്തുക]
ഗ്രേറ്റെർ ഗ്ലൈഡറിന് തല മുതൽ ഉടൽ വരെ 39 മുതൽ 43 വരെ നീളമുണ്ട്. പറക്കുന്നതുപോലെ വായുവിൽ ഒഴുകി നടക്കുന്നതിനെയാണ് ഗ്ലൈഡ് എന്നുപറയുന്നത്. കൈകൾക്കും കാലുകൾക്കും ഇടയിൽ കാണുന്ന ചർമ്മമാണ് പറക്കാൻ ഇവയെ സഹായിക്കുന്നത്. കൈകാലുകൾ നിവർത്തുമ്പോൾ ഈ ത്വക്കും നിവരും. വലിയ കണ്ണുകളും വലിയ ചെവികളും ഒരുപോലെ പ്രവർത്തിച്ച് ലക്ഷ്യസ്ഥാനത്തേയ്ക്ക് കുതിക്കുന്ന അവ 100 മീറ്റർ വരെ അകലേയ്ക്ക് സുഖമായി ഗ്ലൈഡ് ചെയ്തെത്തും. രാത്രിയിലാണ് സഞ്ചാരം നടത്തുക. അകലെയുള്ള മരക്കൊമ്പിൽ കൃത്യമായി കയറാനും അവയ്ക്കു സാധിക്കുന്നു. പാരച്യൂട്ട് പോകുന്നതു പോലെയാണ് ഈ പറക്കൽ. ഈസമയത്ത് ചാട്ടത്തിന്റെ ഗതി നിയന്ത്രിക്കുന്നത് നീണ്ട വാലാണ്. മരത്തിൽ അള്ളിപ്പിടിച്ചിരിക്കാനും പാഞ്ഞു നടക്കാനും കൂർത്ത നഖങ്ങൾ കാൽവിരലുകളിലുണ്ട്. അവ സഞ്ചരിക്കുന്ന മരത്തിൽ നഖങ്ങൾ കൊണ്ട് പാടുകൾ ഉണ്ടാകും. അതുനോക്കിയാൽ ഗ്രേറ്റെർ ഗ്ലൈഡറുകളുടെ താവളം എളുപ്പത്തിൽ കണ്ടെത്താം.
ചിത്രശാല[തിരുത്തുക]
ഗ്രേറ്റെർ ഗ്ലൈഡറിന്റെ ഇരുണ്ട മോർഫ് ഹെഡ്
കിയോലോവയിലെ ഗ്രേറ്റർ ഗ്ലൈഡർ
ഗ്രേറ്റെർ ഗ്ലൈഡറിന്റെ അസ്ഥികൂടം
അവലംബം[തിരുത്തുക]
- ↑ Groves, C. (2005 നവംബർ 16). Wilson, D. E., and Reeder, D. M. (eds) (ed.). Mammal Species of the World (3rd edition ed.). Johns Hopkins University Press. p. 51. ISBN 0-801-88221-4.CS1 maint: multiple names: editors list (link) CS1 maint: extra text: editors list (link) CS1 maint: extra text (link)
- ↑ Lunney, D.; Menkhorst, P.; Winter, J.; Ellis, M.; Strahan, R.; Oakwood, M.; Burnett, S.; Denny, M. & Martin, R. (2008). "Petauroides volans". IUCN Red List of Threatened Species. Version 2008. International Union for Conservation of Nature. ശേഖരിച്ചത് 28 December 2008.
- ↑ Groves, C.P. (2005). Wilson, D.E.; Reeder, D.M., eds. Mammal Species of the World: A Taxonomic and Geographic Reference (3rd ed.). Baltimore: Johns Hopkins University Press. p. 51. ISBN 0-801-88221-4. OCLC 62265494
- ↑ 4.0 4.1 4.2 Menkhorst, Peter (2001). A Field Guide to the Mammals of Australia. Oxford University Press. p. 94. ISBN 0-19-550870-X.
- ↑ Lindenmeyer, D.B. (1997). "Differences in the biology and ecology of arboreal marsupials in forests of southeastern Australia". Journal of Mammalogy. 78 (4): 1117–1127. doi:10.2307/1383054. JSTOR 1383054.
- ↑ Harris, J.M.; Maloney, , y, K.S. (2010). "Petauroides volans (Diprotodontia: Pseudocheiridae)". Mammalian Species. 42 (1): 207–219. doi:10.1644/866.1. Archived from the original on 2013-04-14.
പുറത്തേയ്ക്കുള്ള കണ്ണികൾ[തിരുത്തുക]
നിശാജീവികളായ മൃഗങ്ങളുടെ പട്ടിക
 |
വിക്കിമീഡിയ കോമൺസിലെ Petauroides volans എന്ന വർഗ്ഗത്തിൽ ഇതുമായി ബന്ധപ്പെട്ട കൂടുതൽ പ്രമാണങ്ങൾ ലഭ്യമാണ്. |
 |
വിക്കിസ്പീഷിസിൽ ഇതുമായി ബന്ധപ്പെട്ട കൂടുതൽ വിവരങ്ങൾ ലഭ്യമാണ്: Petauroides volans |
