ഗ്യാലെറി വാക്
ഗ്യാലെറി വാക് English: Gallery Walk എന്നാൽ ആക്റ്റീവ് ലർണിങ്ങിനുള്ള English: Active Learning ഒരു മാർഗ്ഗമാണ്. ഇതിനായി വിദ്യാർത്ഥികളെ ചെറു കൂട്ടമായി തിരിച്ച് ഏതെങ്കിലും ഒരു വിഷയത്തെക്കുറിച്ച് തങ്ങളുടെ വിജ്ഞാനം വർധിപ്പിക്കാൻ പ്രോത്സാഹിപ്പിക്കുന്നു. ഇതു ഒരു സഹകരണപരമായ മാർഗ്ഗത്താൽ ആ കൂട്ടായ്മയിലുള്ള വിദ്യാർത്തികൾ തമ്മിലുള്ള ആശയവിനിമയത്തിനും വിജ്ഞാനം പങ്കുവയ്ക്കലിനും സഹായിക്കുന്നു.[1]
രീതി[തിരുത്തുക]
- വിദ്യാർത്ഥികളെ അധ്യാപകൻ 4-5 പേരുള്ള ചെറു കൂട്ടമായി തിരിക്കുന്നു.
- അധ്യാപകൻ ഒരു ആശയവുമായി ബന്ധപ്പെട്ട ചില അപൂർണമായ ചോദ്യങ്ങൾ, എഴുത്തു രൂപത്തിലോ ചിത്രരൂപത്തിലോ ക്ലാസുമുറിക്കുളളിലെ ചുമരുകളിൽ പതിക്കുന്നു.[2] ഇത് ഒരു ചിത്ര പ്രദർശനശാലയിലേതു പോലെ ഒരു നിശ്ചിത ദൂരത്തിൽ ഓരോ ചോദ്യവും ഓരോ താവളങ്ങളിൽ പതിക്കുന്നു. ഓരോ ചോദ്യവും വിദ്യാർത്ഥികളുടെ സൂക്ഷ്മ ചിന്തയെ വെല്ലുവിളിക്കുകയും അവയുടെ സ്ഥാനങ്ങൾ തമ്മിൽ ഒരു നിശ്ചിത ദൂരം പാലിക്കപ്പെടുകയും ചെയ്യുന്നു.[3]
- പ്രവൃത്തിയുടെ ആദ്യ ഘട്ടത്തിൽ ഓരോ വിദ്യാർത്ഥി കൂട്ടത്തിനും ഓരോ ചോദ്യം ഏൽപ്പിക്കുന്നു. വിദ്യാർത്ഥികൾക്ക് തങ്ങളുടെ ആശയങ്ങളും ചിന്തകളും പരസ്പരം കൂട്ടത്തിനുള്ളിൽ പങ്കു വയ്ക്കുകയും ആ ചോദ്യത്തിനു ചുവട്ടിലായി എഴുതുകയും ചെയ്യാം.
- ഒരു നിശ്ചിത സമയത്തിനു ശേഷം അവർ അടുത്ത താവളത്തിലെ ചോദ്യത്തിനടുത്തേക്ക് നടക്കുന്നു. അവർക്ക് അതിനു മുൻപേ ഉത്തരം നൽകിയ വിദ്യാർത്ഥികളുടെ ആശയങ്ങളെ വിമർശിക്കുകയോ തങ്ങളുടേതായ ആശയങ്ങൾ കൂട്ടിച്ചേർക്കുകയോ ആകാം. ഇതു ആവർത്തിക്കപ്പെടുന്നു.
- അധ്യാപകന് ഇതേ സമയം വിദ്യാർത്ഥികളുടെ പങ്കാളിത്തം നിരീക്ഷിക്കുകയും അവർക്ക് വേണ്ട നിർദ്ദേശങ്ങൾ നൽകുകയും ചെയ്യുന്നു. അധ്യാപകന് പല വിദ്യാർത്ഥീകൂട്ടവുമായി ആശയവിനിമയം നടത്തുകയും ചെയ്യാം. ഈ അവസരം അവരെ വിലയിരുത്താനായി വിനിയോഗിക്കാം.
- തങ്ങളുടെ ആശയങ്ങൾ ചോദ്യങ്ങളുടെ പരിഹാരത്തിലേക്ക് നിർദ്ദേശിച്ചതിനുശേഷം വിദ്യാർത്ഥികൾ ആദ്യ ചോദ്യത്തിലേക്ക് തിരിച്ചെത്തുന്നു. മറ്റു വിദ്യാർത്ഥികൾ നൽകിയ ആശയങ്ങൾ കാണുകയും അവയെ ഉത്ഗ്രഥിക്കുകയും ചെയ്യുന്നു. അവ എല്ലാം ഉൾപ്പെടുത്തി ഒരു വാഗ് രൂപത്തിലുള്ള അവതരണത്തോടു കൂടി ഈ പ്രവൃത്തി അവസാനിക്കുന്നു. ക്ലാസിലെ എല്ലാ വിദ്യാർത്ഥികൾക്ക്ക്കും ഈ അവസരത്തിൽ ആശയവിനിമയത്തിൽ പങ്കെടുക്കുകയും തെറ്റായ ആശയങ്ങൾ തിരുത്തുകയും ആകാം.[4]
പ്രയോജനങ്ങൾ[തിരുത്തുക]
- ഒരു വിദ്യാർത്ഥികസാധാരണ പഠനരീതിയെ അപേക്ഷിച്ച് വിദ്യാർത്ഥികൾ തമ്മിൽ കൂടുതൽ ആശയവിനിമയം നടത്തുകയും അവയെ ഉത്ഗ്രഥിക്കുകയും ചെയ്യുന്നതിനാൽ പഠനം കാര്യക്ഷമമാകുന്നു. ഉന്നതതലത്തിലുള്ള ചിന്താരീതികൾ ഇതിൽ ഉൾപ്പെടുന്നു.
- വിദ്യാർത്ഥികളെ ഒരേ ഇരിപ്പിടത്തിൽ ഇരുത്താതെ ക്ലാസ്സ്മുറിയിൽ നീങ്ങുവാൻ പ്രോത്സാഹിപ്പിക്കുന്നു. ഇതു പഠനം രസകരം ആക്കാൻ സഹായിക്കുന്നു.
- ഒരേ ആശയത്തിന്റ്റെ പല പല വീക്ഷണങ്ങൾ മനസ്സിലാക്കുവാനും അങ്ങനെ പഠനത്തിനുള്ള അവസരങ്ങൾ വർദ്ധിപ്പിക്കുവാനും സഹായിക്കുന്നു.[5]
- ആശയത്തിനനുസരിച്ചുള്ള വാക്കുകളും ടർമിനോളജികളും ഉപയോഗിക്കുവാനും സഹായിക്കുന്നു.
- പബ്ലിക് സ്പീക്കിങ് കഴിവുകൾ വികസിപ്പിക്കുവാനും അതുവഴി അന്തർമുഖരായ വിദ്യാർത്ഥികളെ സദസ്സിനു മുന്നിൽ എത്തിക്കുവാനും സഹായിക്കുന്നു.
- ടീം ബിൾഡിങ്, ലിസണിങ് സ്കിൽസ് എന്നിവ വർദ്ധിപ്പിക്കുവാനും സഹായിക്കുന്നു.
- ഒടുവിൽ ആശയം വാഗ് രൂപത്തിൽ അവതരിപ്പിക്കുന്നതിനു പകരം ളോട് ഒരു അസൈമന്റ് സബ്മിറ്റ് ചെയ്യുവാൻ ആവശ്യപ്പെടാം.
- വിദ്യാർത്ഥികളുടെ പ്രീവിയസ് നോളജ് മനസ്സിലാക്കുവാൻ ഉപകരിക്കുന്നു.[5]
അസൗകര്യങ്ങൾ[തിരുത്തുക]
- ഒരേ ഗ്ഗ്രൂപ്പിലുള്ള എല്ലാ വിദ്യാർത്ഥികളും ഒരേ പോലെ ഈ അക്റ്റിവിറ്റിയിൽ പങ്കെടുക്കണം എന്നില്ല. ഒരോ വിദ്യാർത്ഥിക്കും ഒരു റോൾ കൊടുക്കുകയും പിന്നീട് അടുത്ത ചോദ്യത്തിലേക്ക് നീങ്ങുമ്പോൾ മറ്റൊരു റോൾ കൊടുക്കുകയും അതു വഴി ഇതു ഒരു പരിധി വരെ ഒഴിവാക്കാനും സാധിക്കും. അധ്യാപകൻ ഇടയ്ക്ക് ചില ചോദ്യങ്ങൾ ചോദിക്കുകയും ആകാം.
- ചിലർക്ക് ഒറ്റയ്ക്ക് പ്രവർത്തിക്കുവാനാകും താത്പര്യം. ഇത്തരക്കാരോട് ടീമിൽ പ്രവർത്തിക്കുന്നതിന്റെ പ്രയോജനങ്ങൾ മനസ്സിലാക്കി കൊടുക്കുകയും ചെയ്യാം.[4]
- ചിലപ്പോൾ വിലയിരുത്തൾ നീതിയുക്തമാകണമെന്നില്ല. ഇതിനായി അധ്യാപകൻ മുൻ കൂട്ടി റൂബ്രിക്സ് ഉണ്ടാക്കുകയും അത് വിദ്യാർത്ഥികളുമായി തുടക്കത്തിൽ തന്നെ പങ്കു വയ്ക്കുകയും ആകാം.[4]
അവലംബം[തിരുത്തുക]
- ↑ Fracek, Mark. "What is Gallery Walk?". Retrieved 13 സെപ്റ്റംബർ 2015.
{{cite web}}: Text "Starting Point-Teaching Entry Level Geoscience" ignored (help) - ↑ "Gallery Walk". Facing History and Ourselves. Retrieved 13 സെപ്റ്റംബർ 2015.
- ↑ Daniels, Harvey. Texts and Lessons for Content-Area Reading (PDF) (2011 ed.). Portsmouth, NH: Heinemann. pp. 115–120. Retrieved 13 സെപ്റ്റംബർ 2015.
- ↑ 4.0 4.1 4.2 Francek, Mark (14 August 2006). "Promoting Discussion in the Science Classroom Using Gallery Walks". NSTA WebNews Digest. Archived from the original on 2016-03-04. Retrieved 13 സെപ്റ്റംബർ 2015.
- ↑ 5.0 5.1 Francek, Mark. "Why Use Gallery Walk?". Starting Point-Teaching Entry Level Geoscience. Retrieved 13 സെപ്റ്റംബർ 2015.