ഗുരുവായൂർ എസ്. ശ്രീകൃഷ്ണൻ

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
ഗുരുവായൂർ എസ്. ശ്രീകൃഷ്ണൻ

പുല്ലാങ്കുഴൽ വിദഗ്ധനും സംഗീതജ്ഞനുമായിരുന്നു ഗുരുവായൂർ എസ്. ശ്രീകൃഷ്ണൻ (- 2019 സെപ്റ്റംബർ 1). എണ്ണൂറിലധികം ലളിതഗാനങ്ങൾക്കും ഭക്തിഗാനങ്ങൾക്കും ഇദ്ദേഹം സംഗീതം നൽകിയിട്ടുണ്ട്. രാജ്യമെമ്പാടും പുല്ലാങ്കുഴൽ കച്ചേരി നടത്തിയിട്ടുണ്ട്. കേരള സംഗീത നാടക അക്കാദമി അവാർഡ് ലഭിച്ചിട്ടുണ്ട്.[1]

അമ്മ കനകാംബാളാണ് ശ്രീകൃഷ്ണനെ സംഗീതത്തിലേക്ക് നയിച്ചത്. എൻ. കൃഷ്ണഭാഗവതർ, കെ.വി. രാമചന്ദ്രഭാഗവതർ എന്നിവരിൽ നിന്നും പുല്ലാങ്കുഴലിൽ പ്രാഥമിക പരിശീലനം നേടി. എട്ടാം വയസ്സിൽ ആദ്യമായി പൊതുപരിപാടി അവതരിപ്പിച്ചു. 1954-ൽ ഓൾ ഇന്ത്യാ റേഡിയോയിൽ ജോലിയിൽ പ്രവേശിച്ച ശ്രീകൃഷ്ണൻ 1994ൽ സ്റ്റേഷൻ ഡയറക്ടറായി വിരമിച്ചു. 2019 സെപ്റ്റംബർ 1-ന് അന്തരിച്ചു.

പുരസ്കാരങ്ങൾ[തിരുത്തുക]

ശ്രീകൃഷ്ണന് 1985-ൽ കേരള സംഗീത നാടക അക്കാദമി അവാർഡ് ലഭിച്ചിട്ടുണ്ട്. 1997-ൽ കേരള സംഗീത നാടക അക്കാദമിയുടെ ഫെലോഷിപ്പ് ലഭിച്ചു. 2001-ൽ ഗുരുവായൂരപ്പൻ പുരസ്‌കാരവും ലഭിച്ചു.

കുടുംബം[തിരുത്തുക]

ഗായിക ഗായത്രി ശ്രീകൃഷ്ണനാണ് ഭാര്യ. 'നാഴിയുരിപ്പാലുകൊണ്ട് നാടാകെ കല്യാണം' എന്ന ഗാനത്തിലൂടെ പ്രശസ്തയാണ് ഇവർ. പുല്ലാങ്കുഴൽ വിദഗ്ധനും സംഗീതജ്ഞനുമായ ജി.എസ്. രാജൻ, ഭരതനാട്യം നർത്തകിയും നാടകപ്രവർത്തകയുമായ സുജാതാ ദാസ് എന്നിവർ മക്കളാണ്.

അവലംബം[തിരുത്തുക]

  1. "പുല്ലാങ്കുഴൽ വിദഗ്ധനും സംഗീതജ്ഞനുമായ ഗുരുവായൂർ എസ്. ശ്രീകൃഷ്ണൻ അന്തരിച്ചു". മാതൃഭൂമി. ശേഖരിച്ചത് 1 സെപ്റ്റംബർ 2019.