ഗീതം (കർണ്ണാടകസംഗീതം)

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search

കർണാടക സംഗീതത്തിലെ ലളിതമായി പാടാവുന്ന സംഗീത സൃഷ്ടിയാണ് ഗീതം. കർണ്ണാടക സംഗീതപഠനത്തിൽ സാഹിത്യവും താളവും ഒരുമിച്ച് പരിചയപ്പെടുന്നത് ഗീതത്തിലാണ്.

ഘടന[തിരുത്തുക]

പല്ലവി, അനുപല്ലവി, ചരണം തുടങ്ങിയ വിഭാഗങ്ങൾ ഗീതങ്ങൾക്കില്ല. ഒരേ നടയിലാണ് ഗീതങ്ങൾ ആദ്യവസാനം പാടുന്നത്. ആവർത്തനങ്ങളില്ലാതെയാണ് ഗീതങ്ങൾ ആലപിക്കുന്നത്. ഭൂരിഭാഗം ഗീതങ്ങളും ആദ്യവരി പാടിക്കൊണ്ടാണ് അവസാനിപ്പിക്കുന്നത്. കർണ്ണാടക സംഗീത പഠനത്തിൽ സ്വരാവലി, ജണ്ഡവരിശകൾ, അലങ്കാരങ്ങൾ തുടങ്ങിയവ പഠിച്ചതിനുശേഷമാണ് ഗീതങ്ങൾ അഭ്യസിക്കുന്നത്. [1] പുരന്ദരദാസനാണ് കൂടുതൽ ഗീതങ്ങൾ രചിച്ചിട്ടുള്ളത്. [2]

പ്രശസ്തമായ ഗീതങ്ങൾ[തിരുത്തുക]

  1. വരവീണാ മൃദുപാണി (സംസ്കൃതം) - രാഗം: മോഹനം (28-ാം മേളകർത്താരാഗമായ ഹരികാംബോജിയുടെ ജന്യരാഗം) - ചതുശ്രുതി ജതി രൂപകതാളം
  2. ശ്രീഗണനാഥ (ലംബോധര) (സംസ്കൃതം) - രാഗം: മലഹരി (15-ാം മേളകർത്താരാഗമായ മായാമാളവഗൗളയുടെ ജന്യരാഗം) - ചതുശ്രുതി ജാതി രൂപകതാളം
  3. ആനലേകര - രാഗം: ശുദ്ധ സാവേരി (29-ാം മേളകർത്താരാഗമായ ധീരശങ്കരണാഭരണത്തിന്റെ ജന്യരാഗം) - തിശ്ര ജാതി ത്രിപുട താളം
  4. കമല ജാദള (തെലുഗു) - രാഗം: കല്യാണി (രാഗം) - തിശ്ര ജാതി ത്രിപുട താളം

അവലംബം[തിരുത്തുക]

  1. എ.കെ. രവീന്ദ്രനാഥ്. ദക്ഷിണേന്ത്യൻ സംഗീതം. കേരള ഭാഷാ ഇൻസ്റ്റിറ്റ്യൂട്ട്. p. 135. ISBN 9788176389440.
  2. Royal Carpet: Glossary of Carnatic Terms G

പുറം കണ്ണികൾ[തിരുത്തുക]

"https://ml.wikipedia.org/w/index.php?title=ഗീതം_(കർണ്ണാടകസംഗീതം)&oldid=3088299" എന്ന താളിൽനിന്ന് ശേഖരിച്ചത്