ഗതിമാൻ എക്സ്പ്രസ്

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
ഗതിമാൻ എക്സ്പ്രസ്
പൊതുവിവരങ്ങൾ
തരംഗതിമാൻ എക്സ്പ്രസ്
ആദ്യമായി ഓടിയത്5 ഏപ്രിൽ 2016
നിലവിൽ നിയന്ത്രിക്കുന്നത്ഉത്തര റെയിൽവേ
യാത്രയുടെ വിവരങ്ങൾ
യാത്ര ആരംഭിക്കുന്ന സ്റ്റേഷൻഹസ്രത് നിസാമുദ്ദീൻ തീവണ്ടിനിലയം
നിർത്തുന്ന സ്റ്റേഷനുകളുടെ എണ്ണംപോയിന്റ് ടു പോയിന്റ്
യാത്ര അവസാനിക്കുന്ന സ്റ്റേഷൻആഗ്ര കന്റോൺമെന്റ്
സഞ്ചരിക്കുന്ന ദൂരം188 കി.m (616,798 ft)
ശരാശരി യാത്രാ ദൈർഘ്യം1മണിക്കൂർ 40മിനിറ്റ്
സർവ്വീസ് നടത്തുന്ന രീതിഎല്ലാ ദിവസവും (വെള്ളിയാഴ്ച ഒഴികെ)
ട്രെയിൻ നമ്പർ12049[1] / 12050[2]
സൗകര്യങ്ങൾ
ലഭ്യമായ ക്ലാസ്സുകൾഎക്സിക്യൂട്ടീവ് ചെയർ കാർ, എ.സി. ചെയർ കാർ
സീറ്റ് ക്രമീകരിക്കുന്നതിനുള്ള സൗകര്യംഉണ്ട്
ഉറങ്ങാനുള്ള സൗകര്യംഇല്ല
ഭക്ഷണ സൗകര്യംഉണ്ട്
സ്ഥല നിരീക്ഷണ സൗകര്യംLHB large windows
വിനോദ പരിപാടികൾക്കുള്ള സൗകര്യംഉണ്ട്
യാത്രാസാധനങ്ങൾ സൂക്ഷിക്കുന്നതിനുള്ള സൗകര്യംഉണ്ട്
സാങ്കേതികം
ട്രാക്ക് ഗ്വേജ്1,676 mm (5 ft 6 in)
ഇലക്ട്രിഫിക്കേഷൻഉണ്ട്
വേഗത160 km/h (99 mph) പരമാവധി വേഗം
113 km/h (70 mph) ശരാശരി വേഗം

ഇന്ത്യയിലെ ഏറ്റവും വേഗം കൂടിയ തീവണ്ടി എന്ന വിശേഷണത്തോടെ 2016 ഏപ്രിൽ 5 മുതൽ ഡെൽഹിയിൽ നിന്നും ആഗ്രയിലേക്ക് ഓടിത്തുടങ്ങിയ തീവണ്ടിയാണ് ഗതിമാൻ എക്സ്പ്രസ് (Gatimaan Express).[3] മണിക്കൂറിൽ 160 കിലോമീറ്റർ ദൂരം സഞ്ചരിക്കുന്ന ഈ തീവണ്ടി ഇന്ത്യയിലെ ആദ്യത്തെ സെമി ഹൈസ്പീഡ് ട്രെയിൻ കൂടിയാണ്.[4] ഡെൽഹി മുതൽ ആഗ്ര വരെയുള്ള 200 കിലോമീറ്റർ ദൂരം പിന്നിടാൻ ഈ തീവണ്ടിക്ക് ഏകദേശം 100 മിനിറ്റ് സമയം മതിയാകും. രാജ്യത്ത് ഇതുവരെ ഏറ്റവും കൂടിയ വേഗതയിൽ ഓടിയിരുന്ന ഭോപ്പാൽ ശതാബ്ദി എക്സ്പ്രസിന് ഇത്രയും ദൂരം പിന്നിടാൻ 120 മിനിറ്റ് സമയം ആവശ്യമായിരുന്നു.[5][6]

രാജകീയ നീലയും ചാരനിറവും ഇടയ്ക്കൊരു മഞ്ഞവരയുമാണ് തീവണ്ടിയുടെ നിറം.[7] രണ്ട് എക്സിക്യൂട്ടീവ് ചെയർകാറും എട്ട് എ.സി. ചെയർക്കാറും ഉൾപ്പെടെ പന്ത്രണ്ട് കോച്ചുകളാണ് ഗതിമാനിലുള്ളത്. എ.സി. ചെയറിന് 750 രൂപയും എക്സിക്യൂട്ടീവ് എ.സി. ചെയറിന് 1500 രൂപയുമാണ് പ്രാരംഭനിരക്കുകൾ.[8] ഒരു വിമാനയാത്രപോലെ തോന്നിപ്പിക്കുന്ന സൗകര്യങ്ങളാണ് ഗതിമാനിൽ ഒരുക്കിയിരിക്കുന്നത്. എയർ ഹോസ്റ്റസിനെപ്പോലെ യാത്രക്കാരെ സഹായിക്കുന്നതിനായി ട്രെയിൻ ഹോസ്റ്റസുമാരുള്ള ആദ്യ തീവണ്ടിയും ഇതാണ്.[9] സൗജന്യ വൈ-ഫൈ, ജി.പി.എസ്. സംവിധാനം, ടെലിവിഷൻ, ഓട്ടോമാറ്റിക് ഡോറുകൾ, ശക്തിയേറിയ അടിയന്തര ബ്രേക്കിംഗ് സംവിധാനം, സ്വയം പ്രവർത്തിക്കുന്ന ഫയർ അലാം എന്നീ സാങ്കേതികവിദ്യകളുമുണ്ട്.[5] ഇന്ത്യൻ കോണ്ടിനെന്റൽ രുചിക്കൂട്ടുകൾ ഉൾപ്പെടുത്തിയ ഭക്ഷണവും ലഭ്യമാണ്. താജ്മഹൽ സന്ദർശിക്കാനെത്തുന്ന വിദേശസഞ്ചാരികളെ ലക്ഷ്യമാക്കിയാണ് ഗതിമാൻ എക്സ്പ്രസിന്റെ സമയക്രമം തയ്യാറാക്കിയിരിക്കുന്നത്. വെള്ളിയാഴ്ചകളിൽ താജ്മഹലിൽ സന്ദർശനം അനുവദിക്കാത്തതിനാൽ അന്നേ ദിവസം ഒഴികെ മറ്റെല്ലാദിവസങ്ങളിലും ഗതിമാൻ സർവീസ് നടത്തുന്നു.[10]

ചരിത്രം[തിരുത്തുക]

ഗതിമാൻ എക്സ്പ്രസിനു സുരക്ഷാനുമതി ലഭിക്കുന്നതിനായി റെയിൽവേ സേഫ്റ്റി കമ്മീഷൻ മുമ്പാകെ അപേക്ഷ സമർപ്പിച്ചത് 2014 ഒക്ടോബറിലാണ്.[11] 2015 ജൂണിൽ തീവണ്ടി സർവീസ് സംബന്ധിച്ച് ഔദ്യോഗിക പ്രഖ്യാപനമുണ്ടായി. തീവണ്ടിയ്ക്ക് അനുവദിച്ചത് 12049/50 എന്ന നമ്പറായിരുന്നു.[12] 2016 ഏപ്രിൽ 5-ന് ഡെൽഹിയിലെ ഹസ്രത് നിസാമുദ്ദീൻ സ്റ്റേഷനിൽ നിന്നും ആഗ്രയിലെ കന്റോൺമെന്റ് സ്റ്റേഷനിലേക്കാണ് ഉദ്ഘാടനയാത്ര നടന്നത്.[13] കേന്ദ്ര റെയിൽവേ മന്ത്രി സുരേഷ് പ്രഭു ഉദ്ഘാടനയാത്രയ്ക്കു ഫ്ലാഗ് ഓഫ് നൽകി. ഇരു സ്റ്റേഷനുകളും തമ്മിലുള്ള 188 കിലോമീറ്റർ ദൂരം 100 മിനിറ്റ് കൊണ്ട് പൂർത്തിയാക്കിയതോടെ ഇന്ത്യയിലെ ഏറ്റവും വേഗം കൂടിയ തീവണ്ടി എന്ന പദവി ഗതിമാൻ സ്വന്തമാക്കി.[14][15][16][17][18] 1988-ൽ ആരംഭിച്ച ഭോപ്പാൽ ശതാബ്ദി എക്സ്പ്രസിന്റെ വേഗതയാണ് ഗതിമാൻ മറികടന്നത്.[7]

സൗകര്യങ്ങൾ[തിരുത്തുക]

  • എക്സിക്യൂട്ടീവ് കോച്ചും ചെയർക്കാറും ഉൾപ്പെടെ 12 കോച്ചുകൾ. കപൂർത്തലയിലെ കോച്ച് ഫാക്ടറിയിൽ നിർമ്മിച്ച ഉന്നതനിലവാരമുള്ള ലിൻക്-ഹോഫ്മാൻ-ബുഷ് കോച്ചുകളാണിവ.
  • ഓട്ടോമേറ്റിക് ഡോറുകൾ
  • 5500 കുതിരശക്തിയുള്ള WAP 5 ഇലക്ട്രിക്കൽ എൻജിൻ.[19]
  • ശക്തിയേറിയ അടിയന്തര ബ്രേക്കിംഗ് സംവിധാനം.
  • സ്വയം പ്രവർത്തിക്കുന്ന ഫയർ അലാം
  • ജി.പി.എസ്. സംവിധാനം
  • ടെലിവിഷൻ
  • മൈഫ്രീടിവി.ഇൻ എന്ന സ്വകാര്യ കമ്പനിയുടെ വൈ-ഫൈ സംവിധാനം.[19]
  • മികച്ച ഭക്ഷണസൗകര്യങ്ങൾ. ഇന്ത്യൻ റെയിൽവേ ക്യാറ്ററിംഗ് ആൻഡ് ടൂറിസം കോർപ്പറേഷനാണ് ഭക്ഷണം വിളമ്പുന്നത്.[19]
  • ഒരു വിമാനയാത്ര പോലെ തോന്നിപ്പിക്കുന്ന സൗകര്യങ്ങൾ. സഹായത്തിനായി ഹോസ്റ്റസുമാർ.[20]

സമയക്രമം[തിരുത്തുക]

ഹസ്രത് നിസാമുദ്ദീൻ സ്റ്റേഷനിൽ നിന്ന് രാവിലെ 8:10-ന് പുറപ്പെടുന്ന തീവണ്ടി 9:50-ന് ആഗ്രയിലെത്തിച്ചേരും. ആഗ്രയിൽ നിന്ന് വൈകിട്ട് 5:50-ന് പുറപ്പെടുകയും 7:30-ന് നിസാമുദ്ദീനിൽ എത്തിച്ചേരുകയും ചെയ്യുന്നു. വെള്ളിയാഴ്ച ഒഴികെ എല്ലാദിവസങ്ങളിലും സർവീസ് നടത്തുന്നുണ്ട്.[21]

അവലംബം[തിരുത്തുക]

  1. "12049 Schedule". totaltraininfo.com. ശേഖരിച്ചത് 5 April 2016.
  2. "12050 Schedule". totaltraininfo.com. ശേഖരിച്ചത് 5 April 2016.
  3. "ഗതിമാൻ എക്സ്പ്രസ് കുതിക്കും 160 കിലോമീറ്റർ വേഗതയിൽ". മലയാള മനോരമ. 2016 ഏപ്രിൽ 5. ശേഖരിച്ചത് 2016 ഏപ്രിൽ 6.
  4. "Gatimaan Express, Fastest Indian train, But by 7 minutes". NDTV. 2016 ഏപ്രിൽ 5. മൂലതാളിൽ നിന്നും 2016 ഏപ്രിൽ 13-ന് ആർക്കൈവ് ചെയ്തത്. ശേഖരിച്ചത് 2016 ഏപ്രിൽ 6.
  5. 5.0 5.1 "ഗതിമാൻ എക്സ്പ്രസ്സ് മന്ത്രി സുരേഷ് പ്രഭു ഫ്ലാഗ് ഓഫ് ചെയ്തു". മാതൃഭൂമി ദിനപത്രം. 2016 ഏപ്രിൽ 5. മൂലതാളിൽ നിന്നും 2016 ഏപ്രിൽ 13-ന് ആർക്കൈവ് ചെയ്തത്. ശേഖരിച്ചത് 2016 ഏപ്രിൽ 6.
  6. "വരുന്നൂ ഗതിമാൻ. വേഗം 160 കിലോമീറ്റർ". ജന്മഭൂമി ദിനപത്രം. 2016 ഏപ്രിൽ 5. മൂലതാളിൽ നിന്നും 2016 ഏപ്രിൽ 13-ന് ആർക്കൈവ് ചെയ്തത്. ശേഖരിച്ചത് 2016 ഏപ്രിൽ 6.
  7. 7.0 7.1 "Colourful start for India's fastest train". The Hindu. 2016 ഏപ്രിൽ 6. മൂലതാളിൽ നിന്നും 2016 ഏപ്രിൽ 13-ന് ആർക്കൈവ് ചെയ്തത്. ശേഖരിച്ചത് 2016 ഏപ്രിൽ 6.
  8. "ഗതിമാൻ എക്സ്പ്രസ് സർവീസ് തുടങ്ങി". ദേശാഭിമാനി ദിനപത്രം. 2016 ഏപ്രിൽ 6. മൂലതാളിൽ നിന്നും 2016 ഏപ്രിൽ 13-ന് ആർക്കൈവ് ചെയ്തത്. ശേഖരിച്ചത് 2016 ഏപ്രിൽ 6.
  9. "ഗതിമാൻ പാളത്തിൽ; വേഗം 160 കിലോമീറ്റർ". മലയാള മനോരമ. 2016 ഏപ്രിൽ 6.
  10. "Delhi-Agra Gatimaan Express: India's fastest train set to run from Tuesday; know fare, timings, etc here". Zee News. 2016 ഏപ്രിൽ 4. മൂലതാളിൽ നിന്നും 2016 ഏപ്രിൽ 13-ന് ആർക്കൈവ് ചെയ്തത്. ശേഖരിച്ചത് 2016 ഏപ്രിൽ 6.
  11. "Delhi-Agra semi-high speed train to be named Gatimaan Express". India Today. മൂലതാളിൽ നിന്നും 2016 ഏപ്രിൽ 13-ന് ആർക്കൈവ് ചെയ്തത്. ശേഖരിച്ചത് 5 April 2016.
  12. "India's fastest train completes test run". Times of India. മൂലതാളിൽ നിന്നും 2016 ഏപ്രിൽ 13-ന് ആർക്കൈവ് ചെയ്തത്. ശേഖരിച്ചത് 5 April 2016.
  13. "Now Delhi-Agra at 160 Km/h on Gatimaan Express". Times of India. 2016 ഏപ്രിൽ 5. മൂലതാളിൽ നിന്നും 2016 ഏപ്രിൽ 13-ന് ആർക്കൈവ് ചെയ്തത്. ശേഖരിച്ചത് 2016 ഏപ്രിൽ 6.
  14. "Gatimaan Express, India's Fastest Train, To Debut On Tuesday". NDTV. മൂലതാളിൽ നിന്നും 2016 ഏപ്രിൽ 13-ന് ആർക്കൈവ് ചെയ്തത്. ശേഖരിച്ചത് 5 April 2016.
  15. "Gatimaan Express reaches Agra within targeted 100 minutes". India Today. 5 April 2016. ശേഖരിച്ചത് 5 April 2016.
  16. "Train to be named Gatimaan Express". The Hindu. മൂലതാളിൽ നിന്നും 2016 ഏപ്രിൽ 13-ന് ആർക്കൈവ് ചെയ്തത്. ശേഖരിച്ചത് 5 April 2016.
  17. "Delhi-Agra semi-high speed train to be named Gatimaan Express". Zee News. മൂലതാളിൽ നിന്നും 2016 ഏപ്രിൽ 13-ന് ആർക്കൈവ് ചെയ്തത്. ശേഖരിച്ചത് 5 April 2016.
  18. "Delhi To Agra In 100 Minutes: Gatimaan Express hits tracks next week". Indian Express. മൂലതാളിൽ നിന്നും 2016 ഏപ്രിൽ 13-ന് ആർക്കൈവ് ചെയ്തത്. ശേഖരിച്ചത് 5 April 2016.
  19. 19.0 19.1 19.2 "ഇനി ഡെൽഹിയിൽ നിന്ന് ആഗ്രയിലേക്ക് പോകാൻ ഗതിമാൻ എക്സ്പ്രസ്". കേരളകൗമുദി ദിനപത്രം. 2016 ഏപ്രിൽ 5. മൂലതാളിൽ നിന്നും 2016 ഏപ്രിൽ 13-ന് ആർക്കൈവ് ചെയ്തത്. ശേഖരിച്ചത് 2016 ഏപ്രിൽ 6.
  20. "ഗതിമാൻ എക്സ്പ്രസ് ഓടിത്തുടങ്ങി". സുപ്രഭാതം ദിനപത്രം. 2016 ഏപ്രിൽ 5. മൂലതാളിൽ നിന്നും 2016 ഏപ്രിൽ 13-ന് ആർക്കൈവ് ചെയ്തത്. ശേഖരിച്ചത് 2016 ഏപ്രിൽ 6.
  21. Ahuja, Aashna (4 April 2016). "First Look at The Menu of India's Fastest Train, The Gatimaan Express". NDTV. മൂലതാളിൽ നിന്നും 2016 ഏപ്രിൽ 13-ന് ആർക്കൈവ് ചെയ്തത്. ശേഖരിച്ചത് 5 April 2016.
"https://ml.wikipedia.org/w/index.php?title=ഗതിമാൻ_എക്സ്പ്രസ്&oldid=3088276" എന്ന താളിൽനിന്ന് ശേഖരിച്ചത്