കോറ തുണി

കോവൈ കോറ കോട്ടൺ
വിവരണം	കോയമ്പത്തൂരിൽ നിർമ്മിക്കുന്ന സാരികൾ
തരം	കൈത്തറി
പ്രദേശം	കോയമ്പത്തൂർ, തമിഴ്‌നാട്
രാജ്യം	ഇന്ത്യ
രജിസ്റ്റർ ചെയ്‌തത്	2014-15
പദാർത്ഥം	പരുത്തി, പട്ട്

ഇന്ത്യയിലെ തമിഴ്നാട്ടിലെ കോയമ്പത്തൂർ മേഖലയിൽ നിർമ്മിക്കുന്ന ഒരു തരം സാരിയാണ് കോവൈ കോറ കോട്ടൺ അല്ലെങ്കിൽ കോറ തുണി. 2014–15ൽ ഇന്ത്യാ ഗവൺമെന്റ് ഇത് ഭൂമിശാസ്ത്രപരമായ സൂചനയായി അംഗീകരിച്ചിട്ടുണ്ട്. കോവൈ കോറ കോട്ടൺ സാരികൾ നെയ്യുന്നതിൽ മുൻനിരക്കാരാണ് ദേവാംഗ സമുദായം. കോയമ്പത്തൂർ, തിരുപ്പൂർ, ഈറോഡ് എന്നിവിടങ്ങളിലെ 82 നെയ്ത്തുകാരുടെ സഹകരണ സംഘങ്ങൾക്ക് കോവൈ കോറ കോട്ടൺ സാരികൾ വിൽക്കാൻ അധികാരമുണ്ട്.

കോവൈ കോട്ടൺ പരുത്തിയും പട്ടും ചേർന്നതാണ്. ഉയർന്ന നിലവാരമുള്ള കോട്ടൺ നൂൽ പരമ്പരാഗത പട്ടുമായി ചേർത്ത് കോര കോട്ടൺ നിർമ്മിക്കുന്നു. നിറമുള്ള കോട്ടൺ, സിൽക്ക് ത്രെഡുകൾ എന്നിവയുടെ കോമ്പിനേഷനുകൾ ഉപയോഗിച്ച് തറി ഉപയോഗിച്ച് ആവശ്യമായ ഡിസൈനുകൾ നെയ്തെടുക്കുകയും പിന്നീട് ബോർഡറുകൾ ചേർക്കുകയും ചെയ്യുന്നു. ഓരോ സാരിയും നെയ്തെടുക്കാൻ മൂന്ന് ദിവസം വരെ എടുക്കും, നെയ്ത്തുകാര് ഒരു സാരിക്ക് ₹450 മുതൽ ₹850 വരെയാണ് പ്രതിഫലം വാങ്ങുന്നത്.