കൊത്ത് റൊട്ടി

വിക്കിപീഡിയ, ഒരു സ്വതന്ത്ര വിജ്ഞാനകോശം.
കൊത്ത് റൊട്ടി
ചിക്കൻ കൊത്ത് റൊട്ടി
ഉത്ഭവ വിവരണം
ഉത്ഭവ സ്ഥലംശ്രീലങ്ക
പ്രദേശം/രാജ്യംശ്രീലങ്ക
വിഭവത്തിന്റെ വിവരണം
Courseപ്രധാന കോഴ്സ്
Serving temperatureചൂടോടെ

കൊത്തു റൊട്ടി ( തമിഴ്: கொத்து ரொட்டி  ; സിംഹള: කොත්තු රොටි ), [1] [2] [3] [4] അരിഞ്ഞ റൊട്ടി, ഇഷ്ടമുള്ള ഇറച്ചി കറി വിഭവം ( മട്ടൺ, ബീഫ്, സീഫുഡ് അല്ലെങ്കിൽ ചിക്കൻ പോലുള്ളവ) ചിക്കി വറുത്ത മുട്ട, ഉള്ളി, മുളക് എന്നിവ ചേർത്ത് ഉണ്ടാക്കുന്ന ശ്രീലങ്കൻ വിഭവമാണ് . [5] [3] ഒരു പ്രത്യേക തരം ഇറച്ചി വെട്ടുന്ന കത്തി പോലെ ഉള്ള ഒരു തരം കത്തി ഉപയോഗിച്ച് ചേരുവകൾ ഒരുമിച്ച് അരിഞ്ഞെടുക്കുന്നു. തമിഴ്‌നാട്ടിലും (തമിഴിൽ கொத்து பரோட்டா അഥവാ കൊത്തുപറോട്ട) കേരളത്തിലും (കൊത്തു പറോട്ട) ഈ വിഭവത്തിന്റെ ഒരു വ്യതിയാനം കാണപ്പെടുന്നു ഇത് . റൊട്ടിക്ക് പകരം പറോട്ട ഉപയോഗിച്ചാണ് തമിഴ് നാട്ടിലും കേരളത്തിലും ഇത് നിർമ്മിക്കുന്നത്. തമിഴ്, സിംഹള, മലയാളി പ്രവാസി ജനസംഖ്യയുള്ള പ്രദേശങ്ങളിലെ റെസ്റ്റോറന്റുകളിലും കൊത്ത് റൊട്ടി അന്താരാഷ്ട്ര തലത്തിൽ ലഭ്യമാണ്. [6] [7] [8] ശ്രീലങ്കയിൽ രണ്ട് വംശീയ വിഭാഗങ്ങൾ തമ്മിലുണ്ടായിരുന്ന ക്രൂരമായ ആഭ്യന്തരയുദ്ധത്തിൽ, ഈ വിഭവം അവർക്ക് പൊതുവായി ഉണ്ടായിരുന്ന ഒരു ചെറിയ കാര്യമായി തുടർന്നിരുന്നു.

ചരിത്രം[തിരുത്തുക]

കൊത്ത് റൊട്ടി

കൊത്ത് എന്ന വാക്കിന് തമിഴിൽ "അരിയുക" എന്നാണ് അർത്ഥം. അത്, അതിന്റെ തയ്യാറാക്കൽ രീതിയെ സൂചിപ്പിക്കുന്നു. [9] ഇത് തമിഴിലും സിംഹളത്തിലും യഥാക്രമം കൊത്തു, അല്ലെങ്കിൽ കോത്തു അല്ലെങ്കിൽ കോട്ട് എന്നിങ്ങനെ ലളിതമാക്കിയിരിക്കുന്നു. 1960/1970 കളിൽ ശ്രീലങ്കയിലെ കിഴക്കൻ തമിഴ് പ്രദേശങ്ങളായ ട്രിങ്കോമാലിയിലോ ബട്ടിക്കലോവയിലോ താഴ്ന്ന സാമൂഹിക-സാമ്പത്തിക വിഭാഗങ്ങൾക്ക് വിലകുറഞ്ഞ തെരുവ് ഭക്ഷണമായി ഇത് ഉത്ഭവിച്ചതായി പൊതുവെ കണക്കാക്കപ്പെടുന്നു.

"ഗോദംബര റൊട്ടി" അല്ലെങ്കിൽ "ഗോദംബ റൊട്ടി" എന്ന് വിളിക്കപ്പെടുന്ന ഒരു തരം പരന്ന റൊട്ടി ഉപയോഗിച്ചാണ് കൊത്തു റൊട്ടി ഉണ്ടാക്കുവാനുള്ള അടിസ്ഥാന റൊട്ടി നിർമ്മിച്ചിരിക്കുന്നത്. (പലതരം ധാന്യങ്ങൾ കൊണ്ട് നിർമ്മിച്ച മാവ്-വെളുത്ത മാവ് ആണ് ഗോതംബ മാവ് ). [10]

മറ്റൊരു അവകാശവാദം ഈ വിഭവം ഇന്ത്യയിലെ മധുരയിൽ കൊത്തുപറോട്ടയിൽ നിന്നാണ് ഉത്ഭവിച്ചത് എന്നാണ്. [11] [12] ഇവിടെ മൈദയിൽ നിന്നുള്ള പറോട്ട ഉപയോഗിച്ചാണ് ഇത് നിർമ്മിക്കുന്നത്, ഇതിനെ ദക്ഷിണേഷ്യയ്ക്ക് പുറത്തുള്ള പ്രദേശങ്ങളിൽ ആ മാവ് ബ്ലീച്ച് ചെയ്ത മാവ് എന്ന് അറിയപ്പെടുന്നു.

തയ്യാറാക്കൽ[തിരുത്തുക]

കൊത്ത്, [13] ചെറിയ കഷണങ്ങളായോ റിബണുകളിലോ മുറിച്ച പറാത്ത അല്ലെങ്കിൽ ഗോദമ്പ റൊട്ടി കൊണ്ടാണ് നിർമ്മിച്ചിരിക്കുന്നത്. [13] എന്നിട്ട് ചൂടാക്കിയ ഇരുമ്പ് ഷീറ്റിലോ പരന്ന ചട്ടിയിലോ പച്ചക്കറികളും ഉള്ളിയും വറുത്തെടുക്കുന്നു. മുട്ട, വേവിച്ച മാംസം അല്ലെങ്കിൽ മത്സ്യം എന്നിവ വറുത്ത പച്ചക്കറികളിൽ ചേർത്ത് കുറച്ച് സമയം ചൂടാക്കുന്നു. അവസാനം, മുറിച്ച പറാത്ത കഷണങ്ങൾ ചേർക്കുന്നു. മുഴുവൻ മിശ്രിതവും അരിഞ്ഞത് രണ്ട് വലിയ സ്റ്റീൽ ചോപ്പിംഗ് ബ്ലേഡുകൾ ഉപയോഗിച്ച് ഒരു വലിയ പരന്ന ദോശക്കല്ല് പോലെയുള്ള ചട്ടിയിൽ ഒന്നിച്ച് കലർത്തുന്നു . കനത്ത ഇരുമ്പ് ബ്ലേഡുകൾ / സ്പാറ്റുല ഉപയോഗിച്ച് ആവർത്തിച്ചുള്ള അടിയിലൂടെ ഇവ അരിഞ്ഞത് മിക്സ് ചെയ്യുന്നു. കൊത്ത് റൊട്ടി ഉണ്ടാക്കുന്നവർ ഇതുണ്ടാക്കുമ്പോൾ കല്ലിൽ ചോപ്പിംഗ് ബ്ലേഡുകൾ ഉപയോഗിച്ച് വളരെ നാടകീയമായി ഒരു സവിശേഷമായ ശബ്ദമുണ്ടാക്കുന്നു. അത് സാധാരണയായി വളരെ ദൂരെ നിന്ന് കേൾക്കാനാകും. ഇത് ഉണ്ടാക്കുവാനായി ആ ബ്ലേഡുകൾ ഉപയോഗിക്കുന്ന പാചകക്കാർക്ക് അവരുടേതായ ശൈലിയിൽ ഉള്ള അടികളും  താളവും ഉണ്ടായിരിക്കും. അങ്ങനെ ഈ വിഭവം വളരെ രുചികരവും അത് ഉണ്ടാക്കുന്നത് കാണുന്നത് ഒരു രസകരമായ കാര്യവും ആണ് !

ഏത് ചേരുവകളാണ് ഉപയോഗിക്കുന്നത് എന്നതിനെ ആശ്രയിച്ച്, പച്ചക്കറി, മുട്ട, ചിക്കൻ, ബീഫ്, മട്ടൺ, മീൻ കൊത്തു റൊട്ടി എന്നിവയാണ് വ്യത്യാസങ്ങൾ. [14] ചീസ് കൊത്ത്, സ്ട്രിംഗ് ഹോപ്പർ (ഇടിയപ്പം) കൊത്ത്, എന്നിവ അടുത്ത കാലത്തായി ഈ ശ്രേണിയിൽ ചേർക്കപ്പെട്ട വിഭവങ്ങൾ ആണ്. ഇടിയപ്പം കൊത്ത് ഉണ്ടാക്കുവാനായി റൊട്ടിക്ക് പകരം ഇടിയപ്പം ഉപയോഗിക്കുന്നു. [15]

കൊത്ത് റൊട്ടി ചിലപ്പോൾ ഒരു ഫാസ്റ്റ് ഫുഡ് വിഭവമായി തയ്യാറാക്കുകയും നൽകുകയും ചെയ്യുന്നു. [14]

റഫറൻസുകൾ[തിരുത്തുക]

  1. ↑ Senaratne, Chamindi Dilkushi. Sinhala-English Code-mixing in Sri Lanka: A Sociolinguistic Study. Vol. 217. Utrecht: Landelijke Onderzoekschool Taalwetenschap. p. 299. ISBN 9789078328926.
  2. ↑ Lopamudra Maitra Bajpai (2020). India, Sri Lanka and the SAARC Region: History, Popular Culture and Heritage. Taylor & Francis. p. 254. ISBN 9781000205817.
  3. ↑ 3.0 3.1 Kraig, Bruce Kraig; Taylor, Colleen (2013). Street Food around the World: An Encyclopedia of Food and Culture. ABC-CLIO. p. 328. ISBN 9781598849554.
  4. ↑ Thaker, Aruna; Barton, Arlene, eds. (2012). Multicultural Handbook of Food, Nutrition and Dietetics. John Wiley & Sons. p. 88. ISBN 9781118350461.
  5. ↑ Reeves, Peter, ed. (2013). The Encyclopedia of the Sri Lankan Diaspora. Editions Didier Millet. p. 174. ISBN 9789814260831.
  6. ↑ "Spice City Toronto: Sri Lanka comes to Queen Street". torontoist.com. 8 November 2013. Archived from the original on 2022-11-29. Retrieved 12 September 2015.
  7. ↑ Ueda, Reed, ed. (2017). America's Changing Neighborhoods: An Exploration of Diversity through Places. ABC-CLIO. p. 1064. ISBN 9781440828652.
  8. ↑ Goldfield, Hannah (22 July 2022). "An Astonishing Array of Sri Lankan Specialties, at Queens Lanka". The New Yorker. Retrieved 3 November 2022.
  9. ↑ Lam, Francis (26 November 2014). "Sri Lankan Kottu Roti, by Way of Staten Island". nytimes.com. Retrieved 25 April 2020.
  10. ↑ Dini (2018-03-02). "Sri Lankan Chicken Kottu Roti - Famous Sri Lankan Street Food!" (in അമേരിക്കൻ ഇംഗ്ലീഷ്). Retrieved 2022-11-29.
  11. ↑ "Kothu Parotta is The Most Delicious Street Food Item to Try in Tamil Nadu". NDTV Food.
  12. ↑ "Watch: Here is how the iconic Madurai Arumugam Mess 'kothu parotta' is made". 5 December 2018.
  13. ↑ 13.0 13.1 Taylor, G. (2017). MasterChef: Street Food of the World. Bloomsbury Publishing. p. 214. ISBN 978-1-4729-4620-1. Retrieved 9 February 2018.
  14. ↑ 14.0 14.1 Briggs, P. (2018). Sri Lanka. Bradt Travel Guide. Sri Lanka. Bradt Travel Guides. p. 54. ISBN 978-1-78477-057-0. Retrieved 9 February 2018.
  15. ↑ hemi (2022-05-08). "Kottu – Super Delicious Dinner Food in Sri Lanka" (in അമേരിക്കൻ ഇംഗ്ലീഷ്). Retrieved 2022-11-29.

ബാഹ്യ ലിങ്കുകൾ[തിരുത്തുക]

"https://ml.wikipedia.org/w/index.php?title=കൊത്ത്_റൊട്ടി&oldid=3941970" എന്ന താളിൽനിന്ന് ശേഖരിച്ചത്