കൊച്ചി കോട്ട

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search

ഇന്ത്യയിൽ യൂറോപ്യന്മാർ ആദ്യം നിർമ്മിച്ച കോട്ടയാണ്‌ കൊച്ചി കോട്ട.മാനുവൽ കോട്ട എന്നാണ്‌ പോർച്ചുഗീസുകാർ ഇതിനെ വിളിച്ചിരുന്നത്[1]. കൊച്ചി-സാമൂതിരി യുദ്ധത്തിൽ കൊച്ചി രാജാവിനു യുദ്ധപരാജയം നേരിടേണ്ടി വന്നിട്ടുണ്ടെങ്കിലും, പോർച്ചുഗീസ് സൈന്യാധിപൻ അൽ ബൂക്കർക്കിന്റെ നേതൃത്വത്തിലുള്ള സേനയുടെ മുമ്പിൽ സാമൂതിരിയുടെ സൈന്യത്തിനു കീഴടങ്ങേണ്ടി വന്നു. ഇടപ്പള്ളി, വൈപ്പിൻ എന്നിവിടങ്ങളിൽ നടന്ന യുദ്ധങ്ങളിൽ സാമൂതിരിയുടെ സൈന്യത്തിനു വൻനാശം നേരിട്ടു. സാമൂതിരിയേയും ഇടപ്പള്ളി രാജാവിനേയും പരാജയപ്പെടുത്താൻ കഴിഞ്ഞതിൽ കൊച്ചി രാജാവിനും വലിയ സംതൃപ്തി തോന്നി. ഈ സന്ദർഭം ഉപയോഗിച്ച് പോർച്ചുഗീസുകാർ കൊച്ചി പട്ടണത്തിൽ ഒരു കോട്ട പണിയുവാൻ രാജാവിന്റെ അനുമതി തേടി. രാജാവ് സ്വന്തം ചിലവിൽ ആ കോട്ട പണിയിച്ചു കൊടുക്കാൻ തയ്യാറായി. അന്നത്തെ പോർച്ചുഗീസ് രാജാവിന്റെ നാമധേയം നൽകിയ കോട്ട ഇമ്മാനുവൽ കോട്ട എന്നറിയപ്പെടുന്നു. ഇന്ത്യയിലെ യൂറോപ്യന്മാടെ ആദ്യത്തെ കോട്ടയാണിത് . ഈ കോട്ടയുടെ അവശിഷ്ടങ്ങൾ പോലും ഇന്നില്ല.1503ൽ പണികഴിപ്പിച്ച ഇമ്മാനുവൽ കോട്ട 1538 ൽ പുതുക്കിപ്പണിയുകയുണ്ടായി[2].


അവലംബം[തിരുത്തുക]

"https://ml.wikipedia.org/w/index.php?title=കൊച്ചി_കോട്ട&oldid=2287473" എന്ന താളിൽനിന്നു ശേഖരിച്ചത്