കൈനകരി

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search

ആലപ്പുഴ ജില്ലയുടെ ആസ്ഥാനമായ ആലപ്പുഴ പട്ടണത്തിൽ നിന്ന് എട്ടു കിലോ മീറ്റർ കിഴക്കു ഭാഗത്തായി പമ്പയാറിന്റെ വേമ്പനാട്ടുകായലിന്റേയും വശങ്ങളിലായി സ്ഥിതി ചെയ്യുന്ന ഒരു കൊച്ചു ഗ്രാമമാണ് കൈനകരി. സഹസ്രാബ്ദങ്ങൾക്ക് മുൻപ് കടൽ ഇറങ്ങി കരയായ പ്രദേശമാണിതെന്ന് പറയപ്പെടുന്നു. ആലപ്പുഴ ജില്ലയിൽ കുട്ടനാട് താലൂക്കിൽ സ്ഥിതി ചെയ്യുന്ന ഈ പുഞ്ചവയലുകളുടെ ഗ്രാമത്തിന്റെ പിറവിയെപ്പറ്റി പറയുന്ന പുരാണങ്ങളേറെയാണ്. കേരളത്തിന്റെ തീരപ്രദേശത്ത് പൂർണ്ണമായും പമ്പയാൽ ചുറ്റപ്പെട്ടുകിടക്കുന്ന ചെറുതുരുത്തുകളുടെ ഒരു സമാഹാരമാണ് കൈനകരി . ജലാശയങ്ങൾക്ക് ചുറ്റും ബണ്ടുനിർമ്മിച്ച് വെള്ളം വറ്റിച്ചു കൃഷി ചെയ്യുന്ന കുട്ടനാടൻ ശൈലിയുടെ പ്രതീകമാണ് കൈനകരി . പഞ്ചായത്തിന്റെ ആകെ വിസ്തൃതിയുടെ 59.87 ശതമാനവും ജലാശയങ്ങളാണ്. വേമ്പനാട് കായലും പമ്പാനദിയുമാണ് പ്രധാന ജലാശയങ്ങൾ.നിരവധി ചെറുതോടുകളും ചെറുതടാകങ്ങളും ഈ പഞ്ചായത്തിന്റെ പ്രത്യേകതയാണ്. കായൽ നിലങ്ങളിലെ ചെളിമണ്ണ് വളക്കൂറുള്ളതാണ്. പുരാതനമായ പുണ്യക്ഷേത്രങ്ങളും വിശുദ്ധ ക്രൈസ്തവ ദേവാലയങ്ങളും ഈ പഞ്ചായത്തിലുണ്ട്.

ഐതിഹ്യങ്ങൾ[തിരുത്തുക]

കുട്ടനാടൻ പ്രദേശം മുഴുവൻ വനമായിരുന്നുവെന്നും, തീയിൽപ്പെട്ട് വനം നശിച്ചുവെന്നും. ചുട്ടനാട് പിന്നീട് കുട്ടനാട് എന്ന പേരിലറിയപ്പെട്ടുവെന്നും പറയപ്പെടുന്നു. ഇവിടുത്തെ കരിനിലങ്ങളിൽ ഇപ്പോഴും വനവിഭവങ്ങളുടെ അവശിഷ്ടം കാണപ്പെടുന്നുവെന്നത് ഇതിന് ഊന്നൽ നൽകുന്നു.

ചരിത്രം[തിരുത്തുക]

കേരളത്തിന്റെ അന്നദാതാവായി കീർത്തികേട്ട കുട്ടനാട്ടിലെ പൊന്നുവിളയുന്ന വയൽപ്പാടങ്ങളെ അധികരിച്ച് കൂട്ടനാടൻ പ്രദേശത്തെ 18 കരികളായി അറിയപ്പെട്ടിരുന്നു. ഈ കരികളത്രയും ചെമ്പകശ്ശേരി രാജാവിന്റെ അധീനതയിലുള്ളതായിരുന്നു. ഓരോ കരിയിലുംപെടുന്ന പാടങ്ങളിലെ കൃഷിപ്പണികൾക്ക് മേൽനോട്ടം നൽകിയിരുന്ന തലപ്പുലയൻമാരുണ്ടായിരുന്നു. ഞാറ്റുവേലക്കാലത്ത് വിത്ത് വിതയ്ക്കാനും ചക്രം ചവിട്ടി വെള്ളം പറ്റിക്കാനും കളപറിക്കാനും കൊയ്യാനും മെതിക്കാനുമൊക്കെയുള്ള നിശ്ചയങ്ങളറിയിച്ചിരുന്ന ഈ തലപ്പൂലയന്മാരുടെ പേരു ചേർത്തു പിന്നീട് ഈ കരികൾ അറിയപ്പെട്ടു തുടങ്ങി. അങ്ങനെയറിയപ്പെട്ട ഒരു കരിയാണ് ഈ കൈനകരിയും. ഈ ദേശത്തെ വയൽപ്പണികൾക്ക് നേതൃത്വം കൊടുത്തിരുന്നത് ‘കനകൻ’ എന്ന ആൾ ആയിരുന്നുവെന്നും അദ്ദേഹത്തിന്റെ പേരുപറഞ്ഞ് ‘കനകന്റെ കരി’ എന്നുള്ളത് ലോപിച്ചാണ് ‘കൈനക്കരി’ യുണ്ടായത് എന്നും വിശ്വസിച്ചുപോരുന്നു. ഈ പഞ്ചായത്തിൽ ഇന്നുള്ള ‘കനകാശേരി’ എന്ന പാടശേഖരം ഇതിന് ഊന്നൽ നൽകുന്നു. അതുപോലെ ‘ചേന്നന്റെ’ കരിയാണ് ‘ചേന്നംകരി’ എന്നറിയപ്പെടുന്നതെന്നും ചരിത്രരേഖകളിൽ കാണുന്നു.[അവലംബം ആവശ്യമാണ്]

സ്ഥിതിവിവരക്കണക്കുകൾ[തിരുത്തുക]

  • ജില്ല : ആലപ്പുഴ
  • ബ്ലോക്ക്‌ : ചമ്പക്കുളം
  • തലൂക്ക് : കുട്ടനാട്
  • വിസ്തീർണം : 38.85 ച .കി .മി
  • വാർഡുകൾ : 15
  • ജനസംഖ്യ്‌ : 26862
  • പുരുഷന്മാർ : 13342
  • സ്ത്രീകൾ : 13520
  • ജനസാന്ദ്രത : 733
  • അനുപാദം : 1046
  • സാക്ഷരത : 98%
  • സാക്ഷരത പുരു. : 99%
  • സാക്ഷരത സ്ത്രീ. : 97%
  • ക്രിസ്ത്യൻ ആരാധനാലയങ്ങൾ : 14
  • ഹൈന്തവ ആരാധനാലയങ്ങൾ : 17

അതിരുകൾ[തിരുത്തുക]

  • കിഴക്ക് -
  • പടിഞ്ഞാറ് -
  • വടക്ക് -
  • തെക്ക്‌ -

വാർഡുകൾ[തിരുത്തുക]

  1. കുപ്പപ്പുറം
  2. ചെറുകാലി കായൽ
  3. കുട്ടമംഗലം
  4. വാവക്കാട്
  5. ഭജനമഠം
  6. കിഴക്കേ ചേന്നങ്കരി
  7. ഐലൻറ് വാർഡ്‌
  8. തെക്കേ വാവക്കാട്
  9. പഞ്ചായത്ത്‌ വാർഡ്‌
  10. ഇടപ്പള്ളി വാർഡ്‌
  11. പുത്തൻതുരം
  12. തോട്ടുവാത്തല
  13. അറുനൂറ്റും പാടം
  14. പടിഞ്ഞാറെ കുട്ടമംഗലം
  15. തോട്ടുകടവ്‌

പ്രധാന ആരാധനാലയങ്ങൾ[തിരുത്തുക]

കണ്ണാട്ട് ദേവീ ക്ഷേത്രം

ഹിന്ദുക്ഷേത്രങ്ങൾ[തിരുത്തുക]

പാലത്തിക്കോട് ദേവീക്ഷേത്രം
  • ചക്കംകരി ദേവി ക്ഷേത്രം
  • കണ്ണാട്ട് ദേവീ ക്ഷേത്രം
  • പനക്കൽ മഹാദേവക്ഷേത്രം
  • പാലത്തിക്കോട് ദേവീക്ഷേത്രം
  • ഇളംകാവ് ദേവീ ക്ഷേത്രം



ക്രൈസ്തവ ആരാധനാലയങ്ങൾ[തിരുത്തുക]

വി. തൊമ്മാസിന്റെ പേരിലുള്ള ദേവാലയം
  • സെൻ്റ് ചാവറ ഭവൻ
  • സെൻ്റ് ജോസഫ് ദൈവാലയം കുട്ടമംഗലം
  • സെൻ്റ് മേരീസ് ദൈവാലയം കൈനകരി
  • തിരുഹൃദയ ദൈവാലയം അറുനൂറ്റുംപടം
  • സെൻ്റ് തോമസ് ദൈവാലയം പള്ളാത്തുരുത്തി (St Thomas Church Pallathuruthy)
  • തിരുഹൃദയ ദൈവാലയം തോട്ടുവാത്തല

ഗതാഗതം[തിരുത്തുക]

റോഡ് ഗതാഗതം[തിരുത്തുക]

ജലഗതാഗതം[തിരുത്തുക]

കൃഷി[തിരുത്തുക]

നെൽകൃഷി[തിരുത്തുക]

നെല്ലാണ്‌ ഏറ്റവും കൂടുതൽ കൃഷിചെയ്യപ്പെടുന്ന ധാന്യം. ഭൂമിശാസ്ത്രപരമായ പ്രത്യേകത നെൽകൃഷിക്ക് അനുയോജ്യമാണ്‌. വിരിപ്പൂ (മേയ്-സെപ്റ്റംബർ), പുഞ്ച (നവംബർ-മാർച്ച്) എന്നിങ്ങനെ രണ്ട് തവണ കൃഷി ഇറക്കുന്നു. കൃഷിയിടങ്ങളേ ചെറിയ പാടശേഖരങ്ങളായി തിരിച്ആണ് കൃഷി ചെയ്യുന്നത്.വിളവ് സാധാരണയായി 3.3 ടൺ/ഹെക്റ്റർ ആണ്‌. ഇത് സംസ്ഥാനശരാശരിയായ 2 ടന്ൺ/ഹെക്റ്ററിനേക്കാൾ വളരെയധികമാണ്.

കാലാവസ്ഥ[തിരുത്തുക]

ഇവിടുത്തെ കാലാവസ്ഥ കൃഷിക്ക് വളരെ നല്ലതാണു. ... ഊഷ്മാവ് 22 നും 34 നും ഇടക്കാണ്‌ (ഡിഗ്രി സെൽഷ്യസ്) ഏറ്റവും ചൂട് കൂടുതൽ അനുഭവപ്പെടുന്നത് ഒക്ടോബർ മുതൽ ഏപ്രിൽ വരെയാണ്‌. ജൂൺ മുതൽ ജൂലൈ വരെയുള്ള കാലം മഴ ലഭിക്കുന്നു. ജൂൺ മുതലാരംഭിക്കുന്ന തെക്കുപടിഞ്ഞാറൻ മൺസൂൺ കാലം മഴകൊണ്ട് കേരളത്തിലെ ഏത് ഗ്രാമത്തേയുമെന്നപോലെ കൈനകരിയെയും അനുഗ്രഹിക്കുന്നു. പിന്നീടുണ്ടാകുന്ന മഴ വടക്കുകിഴക്കൻ മൺസൂണിലാണ്‌ ലഭിക്കുന്നത്

കൈനകരിയിലെ ഒരു ജല സംഭരണി

സാമ്പത്തിക രംഗം[തിരുത്തുക]

കൃഷിക്കു പുറമേ വിനോദസഞ്ചാരത്തിൽ നിന്നും കൈനകരിക്ക് വരുമാനം ലഭിക്കുന്നു. നെൽ വയലുകളും തെങ്ങിൻ തോപ്പുകളും കൊണ്ട് സമൃദ്ധമാണ് ഇവിടം. ഇഴപിരിയുന്ന ജലപാതകളും കനാലുകളും ഇവിടത്തെ കൃഷിഭൂമികൾക്ക് ജലം എത്തിക്കുന്നു. കൈനകാരിയുടെ സന്തുലിതമായ മദ്ധ്യരേഖാ കാലാവസ്ഥ ചെടികളുടെയും മരങ്ങളുടെയും വളർച്ചയ്ക്ക് അനുയോജ്യമാണ്

സാംസ്കാരികം[തിരുത്തുക]

  • വളളംകളി
  • കൃഷി
  • വേമ്പനാട് കയൽ

വിദ്യാലയങ്ങൾ[തിരുത്തുക]

SNDP.HSS കുട്ടമംഗലം

St Mary's Boys High school കൈനകരി

Holy Family GHS കൈനകരി

Little Flower Convent School കൈനകരി

KE Carmel Public School കൈനകരി

Government LP School, തോട്ടുവാത്ത കൈനകരി


ചിത്രശാല[തിരുത്തുക]

സാമ്പത്തികം[തിരുത്തുക]

കൃഷിയാണ് ഇവിടുത്തെ ജനങ്ങളുടെ പ്രധാന വരുമാനോപാധി. ഇതിനു പുറമേ കാലി വളർത്തലും, മൽസ്യബന്ധനവും ഒരു വരുമാനമാർഗ്ഗമാണ്. നെല്ല്‌,കമുഗ്,വഴ,മാവ് പച്ചക്കറികൾ, പുഷ്പങ്ങൾ, തെങ്ങ്. മരുന്നുചെടികൾ,വാനില മുതലായവയും ചില കർഷകർ കൃഷിചെയ്തു വരുന്നു.

വിനോദസഞ്ചാരം[തിരുത്തുക]

കൈനകരി യിലെ ന്യൂ ഹൗസ്  ബോട്ട്  ടെർമിനലും പള്ളാത്തുരുത്തി ഹൗസ്  ബോട്ട്  ടെർമിനലും. വേമ്പനാട്ട് കായലും ഹൗസ്‌ബോട്ടുകളും വിനോദസഞ്ചാരികളെ ആകർഷിക്കുന്നു.

അവലംബം[തിരുത്തുക]


"https://ml.wikipedia.org/w/index.php?title=കൈനകരി&oldid=3112840" എന്ന താളിൽനിന്ന് ശേഖരിച്ചത്