കേപ്പ് ഹെയർ

കേപ്പ് ഹെയർ
പരിപാലന സ്ഥിതി
ഒട്ടും ആശങ്കാജനകമല്ല (IUCN 3.1)
Scientific classification
Kingdom:	Animalia
Phylum:	Chordata
Class:	Mammalia
Order:	Lagomorpha
Family:	Leporidae
Genus:	Lepus
Species:	L. capensis
Binomial name
Lepus capensis Linnaeus, 1758
Geographic range

അറേബ്യ, ആഫ്രിക്ക, ഇന്ത്യ എന്നിവിടങ്ങളിൽ കാണപ്പെടുന്ന ഒരു വന്യ മുയൽ വർഗ്ഗമാണ് കേപ്പ് ഹെയർ (Lepus capensis). ഇവയെ ബ്രൌൺ മുയൽ അഥവാ ഡെസർട്ട് മുയൽ എന്നും വിളിക്കാറുണ്ട്. കേപ്പ് ഹെയർ സാധാരണ മുയലുകളിൽ നിന്നു തികച്ചും വ്യത്യസ്തമാണ്. മരുഭൂമിയിൽ അതിവേഗം ചാടിയോടുന്നതിന് അനുയോജ്യമാണ് ഇവയുടെ പിൻകാലുകൾ. ഇവയുടെ കണ്ണുകൾ സാധാരണയിലും വലുതാണ്. കണ്ണകൾക്കു ചുറ്റും ഒരു വെളുത്ത വലയമുണ്ട്. അവയുടെ രോമക്കുപ്പായം മങ്ങിയ ബ്രൌൺ നിറം മുതൽ ഇളം ചുവപ്പ്, മണൽനിറം ഒക്കെയാകാം. ആൺമുയലിനേക്കാൾ പെൺമുയലിനു വലിപ്പം കൂടുതലായിരിക്കും. ഇവ അതിവേഗ ഓട്ടക്കാരാണ്. ചീറ്റ മാത്രമാണ് ഇവയെ ഒാടിപ്പിടിക്കുവാൻ കെൽപ്പുള്ള ഏക മൃഗം. പുള്ളിപ്പുലി, കരാക്കൽസ്, ചെന്നായ്ക്കള്‌‍ തുടങ്ങിയ മറ്റു മൃഗങ്ങൾ ഇവയെ തക്കം പാർത്തിരുന്നു പിടിക്കുകയാണ് ചെയ്യാറുള്ളത്. ഇവയുടെ ഗർഭഗാലം 42 ദിവസങ്ങളാണ്. ഒരു തവണ മൂന്നു മുതൽ നാലുവരെ കുഞ്ഞുങ്ങളുണ്ടാകാറുണ്ട്. ഇവയുടെ കുഞ്ഞുങ്ങൾ ജനിച്ചയുടനെ കണ്ണകൾ തുറക്കുകയും നടക്കാൻ തുടങ്ങുകയും ചെയ്യാറുണ്ട്.

A Cape hare caught by an Asiatic cheetah in Miandasht Wildlife Refuge, Iran.