കെ. കവിത

ഇംഗ്ലീഷ് വിലാസം

https://ml.wikipedia.org/wiki/K._Kavitha

കെ. കവിത
ജനനം	കവിത (1951-02-07) 7 ഫെബ്രുവരി 1951 തൃശ്ശൂർ, കേരളം, ഇന്ത്യ
ദേശീയത	ഇന്ത്യൻ
പൗരത്വം	ഇന്ത്യൻ
തൊഴിൽ	എഴുത്തുകാരി
സജീവ കാലം	1967 – ഇന്നുവരെ
ജീവിതപങ്കാളി(കൾ)	ടി. കെ. രവീന്ദ്രൻ
കുട്ടികൾ	രമ്യ
മാതാപിതാക്ക(ൾ)	കൃഷ്ണൻ കുട്ടി, ഗൗരി

മലയാള ഭാഷയിലേയും കന്നഡയിലേയും ചെറുകഥാകൃത്താണ് കെ. കവിത. നിരവധി നോവലുകളും ബാലസാഹിത്യ കൃതികളും ഇവർ പ്രസിദ്ധീകരിച്ചിട്ടുണ്ട്. കന്നഡയിലും മലയാളത്തിലും ഒരേസമയം പ്രസിദ്ധീകരിച്ച നോവലാണു ദമയന്തി. കൂടാതെ വെളുത്ത സൂര്യന്മാരുടെ കറുത്ത നക്ഷത്രങ്ങൾ എന്ന നോവൽ, ഇരുപതോളം ചെറുകഥകൾ എന്നിവയും കന്നഡയിൽ പ്രസിദ്ധീകരിച്ചിരുന്നു. നിരവധി നോവലുകളും ചെറുകഥകളും പരിഭാഷപ്പെടുത്തുകയും ചെയ്തിരുന്നു.

ജീവിതം

1951 ഇൽ തൃശൂർ കൂർക്കപ്പറമ്പിൽ കൃഷ്ണൻ കുട്ടിയുടേയും കുണ്ടുവാറ വളപ്പിൽ ഗൗരിയുടേയും മൂത്തമകളായി കവിത ജനിച്ചു. ബാംഗ്ലൂരിലാണ് കുടുംബസമേതം താമസിക്കുന്നത്. ഡിഫൻസ് അകൗണ്ട് ഡിപാർട്ട്മെന്റിൽ സീനിയർ ഓഡിറ്ററായി വിരമിച്ച ടി. കെ. രവീന്ദ്രനാണു ഭർത്താവ്. കൺസ്യൂമർ ഫെഡറേഷൻ ഓഫ് ഇന്ത്യയുടെ സെക്രട്ടറി , ശ്രീ പതജ്ഞലി ഇൻസ്റ്റിറ്റ്യൂട്ടിന്റെ ഡയറക്റ്റർ എന്നീ നിലകളിൽ ഇവർ ജോലി ചെയ്തിരുന്നു.

കൃതികൾ

കവിത പ്രസിദ്ധീകരിച്ച കൃതികളിൽ ചിലതാണിത്.

വർഷം	പുസ്തകം	വിഭാഗം
1974	പ്രതീക്ഷ	ചെറുകഥ
1981/2005	വെളുത്ത സൂര്യന്മാരുടെ കറുത്ത നക്ഷത്രങ്ങൾ	നോവൽ
1985/2016	ഉദയം കാത്ത്	ബാലസാഹിത്യം
1990	അപശ്രുതി	നോവൽ
1990	ചിത്തരോഗാശുപത്രി	നോവൽ
1995	വീടുകൾക്കേ ഭംഗിയുള്ളൂ	കഥകൾ
1995	മനശ്ശാന്തി തേടിയ മാനിനിമാർ	കഥകൾ
1995	ദൈവപുത്രി	നോവൽ
1996	ചിത	കഥകൾ
1996	അമ്പിളി	കഥകൾ
2001	അന്തിവിരുന്ന്	കഥകൾ
2001	മായാസീത	നോവൽ
2006	ദമയന്തി	നോവൽ
2007	അംബ	നോവൽ
2009	മാധവി	നോവൽ
2010	പുള്ളിചക്കു	ബാലസാഹിത്യം
2019	കുഞ്ഞാണു	ബാലസാഹിത്യം

പുരസ്കാരങ്ങൾ

കവിതയ്ക്കു ലഭിച്ച ചില പുരസ്കാരങ്ങൾ.

• ദുബായ് മലയാളം വേദി അവാർഡ്
• സപര്യ പ്രവാസി സാഹിത്യ അവാർഡ്
• കുങ്കുമം നോവൽ അവാർഡ്
• മികച്ച നോവലിനുള്ള ഉറൂബ് അവാർഡ്
• സഹോദരൻ അയ്യപ്പൻ പുരസ്കാരം
• സാഹിത്യ സഹൃദയ സമിതി അവാർഡ്
• കൂവമ്പു ഭാഷാ ഭാരതി പുരസ്കാരം (കർണാടക)