കെ.ബി. ഉണ്ണിത്താൻ
പ്രൊഫ. കെ.ബി. ഉണ്ണിത്താൻ | |
|---|---|
 | |
| ജനനം | 1936 ഡിസംബർ 10 |
| മരണം | ജൂൺ 1, 2017 (പ്രായം 80) |
| അറിയപ്പെടുന്നത് | പൊതുപ്രവർത്തകൻ |
കേരളത്തിലെ ഒരു മുൻ രാഷ്ട്രീയ നേതാവും നാഷണലിസ്റ്റ് കോൺഗ്രസ് പാർട്ടിയുടെ ദേശീയ സമിതി അംഗവുമായിരുന്നു കെ. ബാലകൃഷ്ണൻ ഉണ്ണിത്താൻ എന്ന പ്രൊഫ. കെ.ബി. ഉണ്ണിത്താൻ (English: K.B. Unnithan) (1936 ഡിസംബർ 10 - 2017 ജൂൺ 01)[1][2][3]. അദ്ദേഹത്തിന്റെ കാതിലോല എന്ന 32 കവിതകളുടെ ഒരു സമാഹാരം പ്രസിദ്ധീകരിക്കപ്പെട്ടിട്ടുണ്ട്[4].
ജീവിതരേഖ[തിരുത്തുക]
പത്തനംത്തിട്ട ജില്ലയിലെ അടൂരിൽ പറക്കോട് തുണ്ടിവിളയിൽ വീട്ടിൽ ഭാഗീരഥിക്കുഞ്ഞമ്മയുടെയും കൊച്ചുകുഞ്ഞുണ്ണിത്താന്റെയും മൂന്ന് മക്കളിൽ മൂത്തവനായി ജനനം. പത്തനംതിട്ട എൻ.എസ്.എസ് ഹൈ സ്കൂളിൽ പ്രാഥമിക വിദ്യാഭ്യാസം പൂർത്തിയാക്കി. തിരുവനന്തപുരം ഗവ. ട്രെയിനിങ് കോളേജിൽ നിന്നും ബി. എഡ് ഉം എം.എഡ് ഉം സ്കോളർഷിപ്പോടെ പാസ്സായി. തുടർന്ന്, പത്തനംത്തിട്ട പാടം ഹൈ സ്കൂളിൽ പ്രധാന അദ്ധ്യാപകനായി ഔദ്യോഗിക ജീവിതത്തിന് തുടക്കം. 1972-ൽ മൂത്തകുന്നം എസ്.എൻ.എം. ട്രെയിനിങ് കോളേജിൽ അധ്യാപകനായിരുന്നു. 1994-97-ൽ കോഴിക്കോട് സർവ്വകലാശാലയുടെ ഒല്ലൂരിലുള്ള ടീച്ചർ എഡ്യൂക്കേഷൻ കോളേജിന്റെ മേധാവിയായിരുന്നു. ശ്രീ കേരള വർമ്മ കോളേജിൽ നിന്നും വിരമിച്ച ഹിന്ദി വിഭാഗം പ്രൊഫ. സി.എസ്. ജയലക്ഷ്മിദേവിയാണ് ഭാര്യ. മകൾ വന്ദന. മരുമകൻ പ്രദീപ് ബാലചന്ദ്രൻ ഐ.ബി.എമ്മിൽ സീനിയർ മാനേജരാണ്. പേരക്കുട്ടികൾ: മീനാക്ഷി, പൗർണ്ണമി.
പൊതുപ്രവർത്തന രംഗത്ത്[തിരുത്തുക]
ഇന്ത്യൻ നാഷണൽ കോൺഗ്രസ്സിന്റെ വിദ്യാർത്ഥി രാഷ്ട്രീയത്തിലൂടെ പൊതുരംഗത്ത് വന്ന ഉണ്ണിത്താൻ, കോൺഗ്രസ് പിളർന്ന് കോൺഗ്രസ് (എസ്) രൂപംകൊണ്ടപ്പോൾ (ഈ പാർട്ടി പിന്നീട് എൻ.സി.പിയായി) കോൺഗ്രസ്-എസ്സിനൊപ്പം നിന്നു. കോൺഗ്രസ്-എസ്സിൽ ദീർഘകാലം പാർട്ടിയുടെ തൃശ്ശൂർ ജില്ലാ സെക്രട്ടറിയായിരുന്നു. എൻ.സി.പിയായപ്പോൾ അതിന്റെ ജില്ലാ സെക്രട്ടറിയായും വൈസ്-പ്രസിഡന്റായും തുടർന്ന് പ്രസിഡന്റായും പ്രവർത്തിച്ചു. പിന്നീട് സംസ്ഥാന സമിതിയിലേക്കും ദേശീയ സമിതിയിലേക്കും തിരഞ്ഞെടുക്കപ്പെട്ടു. എൻ.സി.പിയുടെ കലാ-സാംസ്കാരിക സമിതിയായ ദേശീയ കലാ സംസ്കൃതി[5]യുടെ സ്ഥാപക ചെയർമാനായിരുന്നു. 1976 മുതൽ തൃശ്ശൂർ നഗരത്തിൽ ശങ്കരയ്യ റോഡിലുള്ള വേണുവിഹാരം പാലസ് റോഡിൽ സ്ഥിരതാമസമാക്കിയ ഉണ്ണിത്താൻ നിരവധി സാമൂഹ്യ-സാഹിത്യ-വിദ്യാഭ്യാസ പ്രവർത്തനങ്ങളിലും സജീവ പങ്കാളിയായിരുന്നു[6]. തൃശ്ശൂർ പബ്ലിക് ലൈബ്രറി ട്രഷറർ, തൃശ്ശൂർ നഗരവികസന അതോറട്ടി നിർവ്വാഹക സമിതി അംഗം,തൃശ്ശൂർ സ്പോർട്സ് കൗൺസിൽ അംഗം, എസ്.ആർ.വി. മ്യൂസിക് കോളേജ് വികസന സമിതി ചെയർമാൻ[7] തുടങ്ങി നിരവധി മേഖലകളിൽ പ്രവർത്തിച്ചു. ജലച്ചായം സിനിമയിൽ "പണിക്കർ" എന്ന കഥാപാത്രത്തെ[8][9] അവതരിപ്പിച്ചിട്ടുള്ള ഉണ്ണിത്താൻ, ഡിജിറ്റൽ ഫിലിം മേക്കേഴ്സ് ഫോറം ട്രസ്റ്റിന്റെ മുഖ്യരക്ഷാധികാരിയും ഡി.ഫ്.എം.ഫ്. ഷോർട് ഫിലിം ഫെസ്റ്റിവൽ 2013-ന്റെ ചെയർമാനുമായിരുന്നു[10].
പുസ്തകം[തിരുത്തുക]
'കാതിലോല' എന്ന കവിതാ സമാഹാരത്തിന്റെ പ്രകാശനം 2014 സെപ്റ്റംബർ 28-ന് മലയാളത്തിലെ കവി ആറ്റൂർ രവിവർമ്മ, പുസ്തകത്തിന്റെ ആദ്യ കോപ്പി മലയാള കഥാകൃത്താണ് വൈശാഖന് നൽകി പ്രകാശനം ചെയ്തു. ചാണക്യം പബ്ലിക്കേഷൻസ് ആണ് ഈ പുസ്തകം പബ്ലിഷ് ചെയ്തത്.
| പുസ്തകം | വർഷം | പ്രസാധകർ |
|---|---|---|
| കാതിലോല | 2014 | ചാണക്യം |
അവലംബം[തിരുത്തുക]
- ↑ "NCP leader K.B. Unnithan is dead". The hindu. 2 June 2017.
- ↑ "പ്രൊഫ.കെ.ബി. ഉണ്ണിത്താൻ അന്തരിച്ചു". T.C.V Online. 2017 June 01. Archived from the original on 2017-11-07. Retrieved 2017-11-05.
{{cite web}}: Check date values in:|date=(help) - ↑ "പ്രൊഫ.കെ.ബി. ഉണ്ണിത്താൻ അനുസ്മരണ സമ്മേളനം". Kerala Sucicommunist. 2017 June 03.
{{cite web}}: Check date values in:|date=(help) - ↑ "സർഗ്ഗസ്വരം അവാർഡ് പ്രൊഫ. കെ.ബി. ഉണ്ണിത്താന്". Mathrubhumi. 2016 March 12. Archived from the original on 2017-11-07. Retrieved 2017-11-05.
{{cite web}}: Check date values in:|date=(help) - ↑ "ദേശീയ കലാ സംസ്കൃതി സംസ്ഥാന ക്യാമ്പ് തുടങ്ങി". Mathrubhumi. 2017 August 24. Archived from the original on 2019-12-21. Retrieved 2017-11-05.
{{cite web}}: Check date values in:|date=(help) - ↑ "മണ്ണോടുചേർന്നവർ വിലങ്ങനിൽ വീണ്ടും ഓർമ്മമരങ്ങളായി". dailyhunt. 2017 July 24.
{{cite web}}: Check date values in:|date=(help) - ↑ "എസ്.ആർ.വി. മ്യൂസിക് സ്കൂളിനെ കോളേജായി ഉയർത്തി". Mathrubhumi. 2016 February 21. Archived from the original on 2017-08-18. Retrieved 2017-11-05.
{{cite web}}: Check date values in:|date=(help) - ↑ "K B Unnithan". Filmibeat.
- ↑ "പ്രൊഫ കെ ബി ഉണ്ണിത്താൻ". Malayalasangeetham.
- ↑ "ഡി.ഫ്.എം.ഫ്. ഷോർട് ഫിലിം ഫെസ്റ്റിവൽ". D.F.M.F.
പുറത്തുനിന്നുള്ള കണ്ണികൾ[തിരുത്തുക]
|
ജീവചരിത്രവുമായി ബന്ധപ്പെട്ട ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക. |