കെ.ജി. അടിയോടി (രാഷ്ട്രീയപ്രവർത്തകൻ)

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
കെ.ജി. അടിയോടി
ഡോ. കെ.ജി. അടിയോടി.gif
ജനനം1927
മരണം1987 ഒക്ടോബർ 23
ദേശീയത ഇന്ത്യ
തൊഴിൽപൊതുപ്രവർത്തകൻ, ഡോക്ടർ
പ്രശസ്തികേരളത്തിലെ മുൻ മന്ത്രി

ഇന്ത്യൻ നാഷണൽ കോൺഗ്രസ് നേതാവും കേരള മുൻമന്ത്രിയുമായിരുന്നു കെ.ജി. അടിയോടി (ജനനം: 1927- മരണം: 23 ഒക്ടോബർ 1987.)

കോഴിക്കോടു ജില്ലയിലെ പേരാമ്പ്രയിൽ കാനോത്ത് ചന്തുകിടാവിന്റെയും ലക്ഷ്മി അമ്മയുടെയും മകനായി ൽ ജനിച്ചു. കൂത്താളി ഹൈസ്കൂളിലെ പ്രാഥമിക വിദ്യാഭ്യാസത്തിനുശേഷം കോഴിക്കോട്, മദിരാശി എന്നിവിടങ്ങളിലായി വിദ്യാഭ്യാസം പൂർത്തിയാക്കി. എൽ.ഐ.എം. ബിരുദധാരിയായ ഇദ്ദേഹം പേരാമ്പ്രയിൽ മെഡിക്കൽ പ്രാക്ടീസ് ആരംഭിച്ചു. തുടർന്നു സജീവ രാഷ്ട്രീയത്തിൽ പ്രവേശിച്ച അടിയോടി 1969-ൽ കോൺഗ്രസ് നിയോജകമണ്ഡലം ഖജാൻജിയായി. 1970-ൽ പേരാമ്പ്രയിൽ നിന്ന് കേരള നിയമസഭയിലേക്കു തെരഞ്ഞെടുക്കപ്പെട്ട അടിയോടി സി. അച്യുതമേനോൻ മന്ത്രിസഭയിൽ ധനകാര്യം, ഭക്ഷ്യം, വനം എന്നീ വകുപ്പുകളുടെ മന്ത്രിയായി.

1977-ൽ വയനാട്ടിലെ കൽപ്പറ്റയിൽ നിന്ന് വീണ്ടും നിയമസഭയിലേക്കു അടിയോടി തെരഞ്ഞെടുക്കപ്പെട്ടു. കെ.പി.സി.സി. വൈസ് പ്രസിഡന്റായും പ്രസിഡന്റായും പാർലമെന്റ് അംഗമായും ഇദ്ദേഹം പ്രവർത്തിച്ചിട്ടുണ്ട്. പി.എസ്.സി. ചെയർമാൻ ആയിരുന്ന അടിയോടി തത്സ്ഥാനം രാജിവച്ച് 1984-ൽ കോഴിക്കോടുനിന്ന് ലോക്സഭയിലേക്കു മത്സരിച്ചു ജയിച്ചു. ലോക്സഭയിൽ വിവിധ കമ്മിറ്റികളിൽ അംഗമായിരുന്നു. സഹധർമിണി മാധവിക്കുട്ടിയമ്മ, അഞ്ചുമക്കളുണ്ട്.-ന് ഇദ്ദേഹം അന്തരിച്ചു.

Heckert GNU white.svgകടപ്പാട്: കേരള സർക്കാർ ഗ്നൂ സ്വതന്ത്ര പ്രസിദ്ധീകരണാനുമതി പ്രകാരം ഓൺലൈനിൽ പ്രസിദ്ധീകരിച്ച മലയാളം സർ‌വ്വവിജ്ഞാനകോശത്തിലെ കെ.ജി. അടിയോടി (രാഷ്ട്രീയപ്രവർത്തകൻ) എന്ന ലേഖനത്തിന്റെ ഉള്ളടക്കം ഈ ലേഖനത്തിൽ ഉപയോഗിക്കുന്നുണ്ട്. വിക്കിപീഡിയയിലേക്ക് പകർത്തിയതിന് ശേഷം പ്രസ്തുത ഉള്ളടക്കത്തിന് സാരമായ മാറ്റങ്ങൾ വന്നിട്ടുണ്ടാകാം.