കെ.എ. സിദ്ദീഖ് ഹസ്സൻ

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
കെ.എ. സിദ്ദീഖ് ഹസ്സൻ
Prof.K.A.Siddique Hasan1.JPG
മീഡിയാവൺ ചാനൽ ഉദ്ഘാടന വേദിയിൽ
ജനനം(1945-05-05)മേയ് 5, 1945
എറിയാട്, തൃശ്ശൂർ ജില്ല, കേരളം
വിദ്യാഭ്യാസംഎം.എ.(അറബിക് സാഹിത്യം), അഫ്ദലുൽ ഉലമ.
തൊഴിൽഅദ്ധ്യാപകൻ,സംഘാടകൻ
ജീവിത പങ്കാളി(കൾ)വി.കെ. സുബൈദ
കുട്ടി(കൾ)ഒരു മകളും 3 ആൺ മക്കളും.

പ്രൊഫ. കെ. എ. സിദ്ദീഖ് ഹസൻ. ഇസ്‌ലാമിക പണ്ഡിതൻ, വാഗ്മി, സാമൂഹിക പ്രവർത്തകൻ. ജമാഅത്തെ ഇസ്‌ലാമി ഹിന്ദ് അഖിലേന്ത്യാ അസിസ്റ്റന്റ് അമീർ.മാധ്യമം ദിനപത്രത്തിന്റെ സ്ഥാപകരില് പ്രധാനിയായിരുന്നു. ന്യൂ ഡെൽഹി ആസ്ഥാനമായി പ്രവർത്തിക്കുന്ന ഹ്യൂമൻ ഡവലപ്മെന്റ് ഫൗണ്ടേഷന്റെ വിഷൻ 2016 പദ്ധതിയുടെ ഡയറക്ടർ കൂടിയാണ് അദ്ദേഹം[1][2][പ്രവർത്തിക്കാത്ത കണ്ണി]. 1990 മുതൽ 2005 വരെയുള്ള വർഷങ്ങളിൽ കേരള ജമാഅത്തെ ഇസ്‌ലാമിയുടെ സംസ്ഥാന അമീർ ആയിരുന്നു.[പ്രവർത്തിക്കാത്ത കണ്ണി][3]

ഇന്ത്യയിലെ സാമൂഹിക-സാമൂഹിക-വിദ്യാഭ്യാസ മേഖലയിൽ പിന്നോക്കം നിൽക്കുന്ന ജനവിഭാഗങ്ങളുടെ പുരോഗമനത്തിനായി പ്രവർത്തിക്കുന്ന അനേകം പ്രൊജക്ടുകൾക്ക് നേതൃത്വം നൽകി വരുന്നു[4].ഹ്യൂമൻ വെൽഫെയർ ഫൗണ്ടേഷൻ, ഹ്യൂമൻ വെൽഫെയർ ട്രസ്റ്റ്, എ.പി.സി.ആർ, സൊസൈറ്റി ഫോർ ബ്രൈറ്റ് ഫ്യൂച്ചർ, മെഡിക്കൽ സർവിസ് സൊസൈറ്റി എന്നിവയുടെ ജനറൽ സെക്രട്ടറിയാണ്.

ജീവിതരേഖ[തിരുത്തുക]

കെ.എം അബ്ദുല്ല മൗലവിയുടേയും പി.എ. ഖദീജയുടേയും മകനായി 1945 മെയ് 5 ന്‌ തൃശൂർ ജില്ലയിലെ കൊടുങ്ങല്ലൂരിനടുത്ത എറിയാട്ടിൽ ജനനം. ഫറൂഖ് റൗദത്തുൽ ഉലൂം അറബിക് കോളേജ്, ശാന്തപുരം ഇസ്‌ലാമിയ കോളേജ് എന്നിവിടങ്ങളിൽ നിന്നായി അഫ്ദലുൽ ഉലമയും എം.എ (അറബിക്) യും കരസ്ഥമാക്കി.[5][പ്രവർത്തിക്കാത്ത കണ്ണി] സർക്കാർ കോളേജിൽ അദ്ധ്യാപകനായി ജോലിചെയ്തു.[6][പ്രവർത്തിക്കാത്ത കണ്ണി]

കേരള ജമാഅത്തെ ഇസ്‌ലാമിയുടെ സംസ്ഥാന അദ്ധ്യക്ഷനായിരുന്ന സിദ്ദീഖ് ഹസ്സൻ,മാധ്യമം ദിനപത്രം-വാരിക നിലകൊള്ളുന്ന ഐഡിയൽ പബ്ലിക്കേഷൻ ട്രസ്റ്റിന്റെ സ്ഥാപക സെക്രട്ടറിയായിരുന്നു.[7] തുടരന്ന് ഐഡിയൽ പബ്ലിക്കേഷൻ ട്രസ്റ്റിന്റെ ചെയർമാനായും, അൽട്രനേറ്റീവ് ഇൻ‌വെസ്റ്റ്മെന്റ് ആന്റ് ക്രഡിറ്റ് ലിമിറ്റഡിന്റെ അദ്ധ്യക്ഷനായും, ബൈത്തുസ്സകാത്ത് കേരളയുടെ സ്ഥാപക അദ്ധ്യക്ഷനായും പ്രബോധനം വാരികയുടെ മുഖ്യപത്രാധിപരായും സേവനമനുഷ്ഠിച്ചിട്ടുണ്ട്.

സഊദി അറേബ്യ, കുവൈത്ത്, ബഹറൈൻ, ഒമാൻ, യു.എ.ഇ എന്നിവിടങ്ങളിൽ സന്ദർശനം നടത്തിയിട്ടുണ്ട്[8].

ബഹുമതി[തിരുത്തുക]

  • മുസ്‌ലിം സമുദായക്ഷേമ പ്രവർത്തനത്തിനുള്ള ഇസ്‌ലാം ഓൺലൈൻ ഏർപ്പെടുത്തിയ 2010 ലെ ഇസ്‌ലാമിക് ഓൺലൈൻ സ്റ്റാർ അവാർഡ്[9][പ്രവർത്തിക്കാത്ത കണ്ണി]
  • പ്രൊഫ.സിദ്ദീഖ് ഹസൻറെ പേരിൽ മേഘാലയയിലെ ശാസ്ത്രസാങ്കേതിക സർവകലാശാലയിൽ കെട്ടിടം നിർമ്മിക്കപ്പെട്ടു[10].
  • 2015ലെ ഇമാം ഹദ്ദാദ് എക്സലൻസ് അവാർഡ് വിദ്യാഭ്യാസം, ജനസേവനം, മനുഷ്യാവകാശ പോരാട്ടം, ഇസ്ലാമിക പ്രസ്ഥാനം എന്നീ മേഖലകളിൽ ശ്രദ്ധേയ പ്രവർത്തനങ്ങൾഇന്ത്യയിലെ മുസ്ലിം ന്യൂനപക്ഷ സമുദ്ധാരണത്തിനുവേണ്ടിയുള്ള പ്രവര്ത്തനങ്ങള് മുതലായവ പരിഗണിച്ച് 2015ലെ ഇമാം ഹദ്ദാദ് എക്സലൻസ് അവാർഡ് ലഭിച്ചു.[11]
  • ഇബ്രാഹിം സുലൈമാൻ സേട്ട് സാഹിബ് ഫൗണ്ടേഷൻെറ പ്രഥമ പുരസ്കാരം ഡൽഹി ആസ്ഥാനമായി പ്രവർത്തിക്കുന്ന ഹ്യൂമൻ വെൽഫെയർ ഫൗണ്ടേഷൻെറ ‘വിഷൻ 2016’ പദ്ധതിയുടെ ഭാഗമായി രാജ്യത്തെ അധ$സ്ഥിത, പിന്നാക്ക വിഭാഗങ്ങളുടെ ഉന്നമനത്തിന് നടപ്പാക്കിവരുന്ന ക്ഷേമപദ്ധതികളെ മുൻനിർത്തിയാണ് ഫൗണ്ടേഷൻെറ ജനറൽ സെക്രട്ടറിയായ സിദ്ദീഖ് ഹസനെ പുരസ്കാരത്തിന് തെരഞ്ഞെടുത്തത്.[12]


വിവർത്തന കൃതികൾ[തിരുത്തുക]

  • പ്രവാചക കഥകൾ
  • ഇസ്‌ലാം ഇന്നലെ ഇന്ന് നാളെ
  • തെറ്റിദ്ധരിക്കപ്പെട്ട മതം
  • ഇസ്‌ലാമിന്റെ രാഷ്ട്രീയ വ്യവസ്ഥ

ചിത്രശാല[തിരുത്തുക]


അവലംബം[തിരുത്തുക]

  1. http://www.twocircles.net/2009aug02/islamic_way_micro_credit_best_way_help_poor_basix_chief.html
  2. "Indian professor strives for socio-economic upliftment". ഒമാൻ ടൈംസ്. 2010-09-18. ശേഖരിച്ചത് 2010-09-21.
  3. ജമാഅത്തെ ഇസ്‌ലാമി ദേശീയ സൈറ്റിലെ പ്രൊഫൈൽ പേജ്
  4. http://www.thehindu.com/news/cities/Hyderabad/article2984272.ece
  5. സിദ്ദീഖ് ഹസ്സന്റെ പ്രൊഫൈൽ കേരള ജമാഅത്തെ ഇസ്‌ലാമി ഔദ്യോഗിക വെബ്സൈറ്റിൽ
  6. http://www.jamaateislamihind.org/index.php?do=category&id=52&blockid=31&pageid=95
  7. http://www.madhyamam.com/aboutus/history
  8. http://jamaateislamihind.org/eng/advertisements/leaders/resumes/K-A-Siddique-Hassan.html
  9. "പ്രൊഫ. സിദ്ദീഖ് ഹസ്സന് അന്താരാഷ്ട്ര ബഹുമതി" - മാതൃഭൂമി ഓൺലൈൻ ജനുവരി 20,2010
  10. "മേഘാലയ സർവകലാശാലക്ക് സിദ്ദീഖ് ഹസൻ ബ്ളോക്"
  11. http://www.madhyamam.com/archives/news/340645/150213
  12. http://www.madhyamam.com/archives/news/351582/150427
"https://ml.wikipedia.org/w/index.php?title=കെ.എ._സിദ്ദീഖ്_ഹസ്സൻ&oldid=3090255" എന്ന താളിൽനിന്ന് ശേഖരിച്ചത്