കെ.എം. രാഘവൻ നമ്പ്യാർ

ഒരു മലയാള നാടകകൃത്തും, നടനും, സംവിധായകനുമാണ് കെ.എം. രാഘവൻ നമ്പ്യാർ. സംസ്ഥാന അടിസ്ഥാനത്തിലുള്ള പല അമേച്വർ നാടക മത്സരങ്ങളിലും നാടകകൃത്ത്, നടൻ, സംവിധായകൻ എന്നിവർക്കുള്ള സമ്മാനങ്ങൾ പലതവണ നേടിയിട്ടുണ്ട്. കേരള സംഗീതനാടക അക്കാദമി അവാർഡും കേരള സാഹിത്യ അക്കാദമി അവാർഡും, അബുദാബി ശക്തി അവാർഡും, ചെറുകാഡ് അവാർഡും അടക്കം പല അവാർഡുകളും ലഭിച്ചിട്ടുണ്ട്.

സ്കൂൾ ഏകാംഗങ്ങൾ, ദശാപുഷ്പം, 5 ഏകാംഗങ്ങൾ, ചിനാകുഞ്ഞുങ്ങൾ, എന്നീ ഏകംഗ സമാഹാരങ്ങളിൽ ഏതാണ്ട് 30 ഓളം ഏകാംഗങ്ങൾ ഉൾക്കൊള്ളിച്ചിട്ടുണ്ട്. ഇവയെല്ലാം സ്കൂൾ, കോളേജ് തലങ്ങളിൽ കലോത്സവങ്ങളിൽ സമ്മാനം നേടിയവയാണു്. ഇവയ്ക്ക് പുറമെ 40 ഓളം റേഡിയോ നാടകങ്ങൾ എഴുതിയിട്ടുണ്ട്. ആകാശവാണിയിലെ നാടക നടനമാൺ 1964 ൽ ആകാശവാണി നടത്തിയ ദേശഭക്തിഗാന മത്സരത്തിൽ രണ്ടാം സ്ഥാനം നേടി. 1985 ൽ ഇന്ത്യൻ പനോരമയിലേക്ക് തെരഞ്ഞെടുക്കപ്പെട്ട കിളിപ്പാട്ട് എന്ന സിനിമയുടെ കഥ, സംഭാഷണം, ഗാനങ്ങൾ, എന്നിവ രചിച്ചു. തിരുവനന്തപുരം ദൂരദർശനിൽ “ഒരു പൂവിടരുന്നു“ എന്ന ഒരു സീരിയലിനു വേണ്ടി തിരക്കഥ രചിച്ചു. യുനെസ്`ക്കൊവിന്റെ സഹായത്തോട് കൂടി നിർമ്മിച്ച സീരിയലാണിത്.

“രാജസൂയം“ കാലിക്കറ്റ് യൂണിവേഴ്സിറ്റിയിലും “സഞ്ജീവനി“ മഹത്മാഗന്ധി യൂണിവേഴ്സിറ്റിയിലും പാഠപുസ്തകമായിട്ടുണ്ട്.

കേരള സംഗീതനാടക അക്കാഡമി എക്സിക്യൂട്ടീവിൽ 3 തവണ അംഗമായിട്ടുണ്ട്. സംഗീതനാടക അക്കാഡമിയുടെ വൈസ് ചെയർമാനാണ്. ഇതിന് പുറമെ കേരള സാഹിത്യ അക്കാദമി ജനറൽ കൌൺസിലിൽ 2 തവണ അംഗമായിട്ടുണ്ട്. കൂടാതെ സർക്കാർ നിശ്ചയിക്കുന്ന നാടക സംബന്ധമായ പല ജൂറി കമ്മറ്റികളിലും അംഗമായിട്ടുണ്ട്.

എഴുതിയ നാടകങ്ങൾ

• വെളിച്ചം
• സ്നേഹം അനാഥമല്ല
• നിമിഷങ്ങൾ
• ചിതാപുഷ്പം
• സ്വർഗ്ഗാരോഹണം
• കീർത്തിമുദ്ര
• ചിറകടി
• കാലമേനി
• പടച്ചട്ട
• ശിലാലിഖിതം
• രാജസൂയം
• വജ്രമുഷ്ടി
• സഞ്ജീവനി
• താണ്ഢവം
• കർമഭൂമി
• ഉഷസന്ധ്യ
• സ്വാതന്ത്ര്യം തന്നെ ജീവിതം
• പുറങ്കാലൻ

എന്നിങ്ങനെ 60-തിലധികം നാടകങ്ങൾ രചിച്ചിട്ടുണ്ട്.

പുരസ്കാരങ്ങൾ

• കേരള സംഗീത നാടക അക്കാദമിയുടെ ഫെല്ലോഷിപ്പ്(2017)