കീഴ്ത്താടിയെല്ല്
- ഈ താൾ മനുഷ്യന്റെ താടിയെല്ലിനെക്കുറിച്ചാണ്. മറ്റു താടിയെല്ലുകളെപ്പറ്റി വായിക്കാൻ മാൻഡിബിൾ കാണുക.
| Bone: മാൻഡിബിൾ | |
|---|---|
 | |
| മാൻഡിബിൾ, വെളിയിലെ പ്രതലത്തിന്റെ പുറത്തുനിന്നുള്ള കാഴ്ച്ച. | |
 | |
| മാൻഡിബിൾ, ഉള്ളിലെ പ്രതലത്തിന്റെ അകത്തുനിന്നുള്ള കാഴ്ച്ച | |
| Gray's | subject #44 172 |
| Precursor | ഒന്നാമത്തെ ബ്രാങ്കിയൽ ആർച്ച്[1] |
| MeSH | Mandible |
മാൻഡിബിൾ [2] ഉച്ചാരണം (ലാറ്റിൻ ഭാഷയിലെ മാൻഡിബുള എന്ന വാക്കിൽ നിന്ന് ഉത്പത്തി, "താടിയെല്ല്") അല്ലെങ്കിൽ ഇൻഫീരിയർ മാക്സില്ലറി അസ്ഥി കീഴ്ത്താടിക്ക് രൂപം നൽകുകയും കീഴ്ത്താടിയിലെ പല്ലുകളെ ഉറപ്പിച്ചു നിർത്തുകയും ചെയ്യുന്നു.
ഭാഗങ്ങൾ[തിരുത്തുക]
മാൻഡിബിളിന്റെ ഭാഗങ്ങൾ ഇവയാണ്:
- ബോഡി(ശരീരം) എന്നു വിളിക്കുന്ന വളഞ്ഞ തിരശ്ചീനമായുള്ള ഒരു ഭാഗം.
- റാമസുകൾ എന്നു വിളിക്കുന്ന ലംബമായുള്ള രണ്ടു ഭാഗങ്ങൾ. ഇവ ഏകദേശം ലംബകോണിലാണ് ബോഡിയോഡ് ചേരുന്നത്.
- ആൽവിയോളാർ പ്രോസസ്സുകളിലാണ് കീഴ്ത്താടിയിലെ പല്ലുകൾ കാണപ്പെടുന്നത്. ഇത് ബോഡിയുടെ മുകൾ ഭാഗത്തായാണ് കാണുക.
- കോൺഡൈലോയ്ഡ് പ്രോസസ്സ് റാമസിന്റെ മുകൾഭാഗത്തിന്റെ പിൻ പകുതിയിൽ നിന്ന് തള്ളിനിൽക്കുന്ന ഭാഗം. ടെമ്പറോമാൻഡിബുലാർ സന്ധി വഴി ടെമ്പറൽ അസ്ഥിയിലേക്ക് മാൻഡിബിൾ യോജിക്കുന്നത് റാമസിലൂടെയാണ്.
- കോറനോയ്ഡ് പ്രോസസ്സ് റാമസിന്റെ മുകൾഭാഗത്തിന്റെ മുൻ പകുതിയിൽ നിന്ന് തള്ളിനിൽക്കുന്ന ഭാഗമാണ്. ടെമ്പറാലിസ് പേശി മാൻഡിബിളിനോട് യോജിച്ചിരിക്കുന്നത് ഇവിടെയാണ്.
ഫൊറാമനുകൾ (ദ്വാരങ്ങൾ)[തിരുത്തുക]
- മാൻഡിബുളാർ ഫൊറാമൻ എന്ന് പേരുള്ള രണ്ട് ദ്വാരങ്ങൾ താടിയെല്ലിലുണ്ട്. മാൻഡിബിളിന്റെ റാമസ് എന്ന ഭാഗത്തിന്റെ ഉൾ (മീഡിയൽ) പ്രതലത്തിലായി കാണപ്പെടുന്നു. റാമസ് ബോഡിയോട് ചേരുന്ന കോണിന്റെ മുകളിലായാണ് ഇതിന്റെ സ്ഥാനം.
- മെന്റൽ ഫൊറാമൻ എന്നുപേരുള്ള രണ്ടു ദ്വാരങ്ങളുമുണ്ട്. ബോഡിയുടെ പിൻ വശത്തായി മെന്റൽ പ്രൊട്രൂബറൻസ് എന്ന തള്ളിച്ചയിൽ നിന്ന് ഇരുവശത്തേയ്ക്കും മാറിയാണ് ഇവയുടെ സ്ഥാനം.
നാഡികൾ[തിരുത്തുക]
ഇൻഫീരിയർ ആൽവിയോളാർ നാഡി, ട്രൈജമിനൽ നാഡിയുടെ (അഞ്ചാമത് കപാല നാഡി) ശാഘയാണ്. ഇത് മാൻഡിബുളാർ ഫൊറാമനിലൂടെ പ്രവേശിച്ച് പല്ലുകളിലെത്തുന്നു. പല്ലുകൾക്ക് സംവേദനശേഷി നൽകുന്നത് ഇവയാണ്. മെന്റൽ ഫൊറാമനിൽ വച്ച് ഈ നാഡി ഇൻസിസീവ് നാഡി, മെന്റൽ നാഡി എന്നിങ്ങനെ രണ്ടായി വിഭജിക്കുന്നു. ഇൻസിസീവ് നാഡി മുന്നിലുള്ള പല്ലുകളിലെത്തുന്നു. മെന്റൽ നാഡി ഫൊറാമൻ മാഗ്നത്തിലൂടെ പുറത്തുകടന്ന് കീഴ്ച്ചുണ്ടിന് ഇന്ദ്രിയ സംവേദനം പ്രദാനം ചെയ്യുന്നു.
സന്ധികൾ[തിരുത്തുക]
മാൻഡിബിൾ ഇരുവശത്തെയും ടെമ്പറൽ അസ്ഥികളുമായി ടെമ്പറോ മാൻഡിബുലാർ സന്ധി വഴി യോജിക്കുന്നു.
രോഗാവസ്ഥകൾ[തിരുത്തുക]
മുഖത്തിനേൽക്കുന്ന അഞ്ചിലൊന്ന് പരിക്കുകളും മാൻഡിബിളിന് ഒടിവുണ്ടാക്കും.[3] മാൻഡിബിളിന്റെ ഒടിവുകൾ സാധാരണയായി ഇരുവശത്തുമായി ഇരട്ടപ്പൊട്ടലായാണ് കാണപ്പെടുന്നത്.
കാരണങ്ങൽ[തിരുത്തുക]
- വാഹനാപകടങ്ങൾ – 40%
- ആക്രമണം – 40%
- വീഴ്ച്ച – 10%
- കായിക വിനോദങ്ങൾ – 5%
- മറ്റുള്ളവ – 5%
സ്ഥാനം[തിരുത്തുക]
- കോണ്ടൈൽ – 30%
- കോൺ – 25%
- ബോഡി – 25%
- ബോഡിയുടെ മദ്ധ്യത്തുള്ള സിംഫൈസിസ് – 15%
- റാമസ് – 3%
- കോറനോയ്ഡ് പ്രോസസ് – 2%
സന്ധിയിലെ ഡിസ്-ലൊക്കേഷൻ മൂലം മുന്നിലേക്കോ താഴേയ്ക്കോ മാൻഡിബിളിന് സ്ഥാനചലനം സംഭവിക്കാം. പക്ഷേ പിന്നിലേക്ക് സ്ഥാനചലനം അപൂർവ്വമായേ സംഭവിക്കാറുള്ളൂ.
ചിത്രശാല[തിരുത്തുക]
-
മാൻഡിബിൾ -
വലതു വശത്തുനിന്നുള്ള കാഴ്ച്ച -
മുൻഭാഗം -
മാൻഡിബിൾ -
Gray181.png -
മുഖത്തിലെ അസ്ഥികൾ -
കപാലത്തിന്റെ വശത്തുനിന്നുള്ള കാഴ്ച്ച. -
കപാലത്തിന്റെ മുന്നിൽ നിന്നുള്ള കാഴ്ച്ച. -
കഴുത്തിലെ സിരകൾ, മുന്നിൽ നിന്നുള്ള കാഴ്ച്ച. -
മാൻഡിബിളിന്റെ ഇടതുവശത്തുനിന്നുള്ള കാഴ്ച്ച -
മാൻഡിബിൾ ടെമ്പറൽ അസ്ഥിയുമായി ചേരുന്ന സന്ധി.
ഇവയും കാണുക[തിരുത്തുക]
- Bone terminology
- Terms for anatomical location
- Changes produced in the mandible by age
- Ossification of the mandible
- Oral and maxillofacial surgery
- Simian shelf
അവലംബം[തിരുത്തുക]
- ↑ hednk-023 — Embryo Images at University of North Carolina
- ↑ "Mandible on www.merriam-webster.com". Archived from the original on 2015-04-02. Retrieved 2012-05-21.
- ↑ Levin L, Zadik Y, Peleg K, Bigman G, Givon A, Lin S (2008). "Incidence and severity of maxillofacial injuries during the Second Lebanon War among Israeli soldiers and civilians". J Oral Maxillofac Surg. 66 (8): 1630–3. doi:10.1016/j.joms.2007.11.028. PMID 18634951. Retrieved 2008-07-16.
{{cite journal}}: Unknown parameter|month=ignored (help)CS1 maint: multiple names: authors list (link)
പുറത്തേയ്ക്കുള്ള കണ്ണികൾ[തിരുത്തുക]
- Anatomy photo:34:st-0203 at the SUNY Downstate Medical Center – "Oral Cavity: Bones"
- Diagram at uni-mainz.de Archived 2009-02-20 at the Wayback Machine.
This article was originally based on an entry from a public domain edition of Gray's Anatomy. As such, some of the information contained within it may be outdated.