കിളിമാനൂർ ചന്ദ്രൻ

ഇംഗ്ലീഷ് വിലാസം

https://ml.wikipedia.org/wiki/Kilimanoor_Chandran

കിളിമാനൂർ ചന്ദ്രൻ
ജനനം	(1950-02-09) ഫെബ്രുവരി 9, 1950 കിളിമാനൂർ,
തൊഴിൽ	കവി , അദ്ധ്യാപകൻ

മലയാളത്തിലെ ഒരു എഴുത്തുകാരനും കവിയുമാണ് കിളിമാനൂർ ചന്ദ്രൻ 1950 ഫെബ്രുവരി 9-ന് കിളിമാനൂരിൽ എൻ. പരമേശ്വരൻ പിള്ളയുടെയും എൻ സരസ്വതി അമ്മയുടെയും മകനായി ജനിച്ചു.

നാടോടിസാഹിത്യരംഗത്തു കുറച്ചുകാലം പഠനങ്ങൾ നടത്തുകയും നാടൻപാട്ടുകൾ ശേഖരിക്കുകയും ചെയ്തിട്ടുണ്ട്.കേരള യുക്തി വാദി സംഘത്തിന്റെ പ്രവർത്തകനാണ്. 1987-ൽ അദ്ധ്യാപക കലാ സാഹിത്യ സമിതിയുടെ നോവൽ അവാർഡും, 1988-ൽ അധ്യാപക കലാവേദിയുടെ ചെറുകഥാ പുരസ്കാരവും ലഭിച്ചു. 1996-ൽ രാജാരവിവർമ്മയും ചിത്രകലയും എന്ന ഗ്രന്ഥത്തിനു ഏറ്റവും നല്ല ജീവ ചരിത്രത്തിനുള്ള പി. കെ പരമേശ്വരൻ നായർ ട്രസ്റ്റ് അവാർഡും ലഭിച്ചിരുന്നു. വാളകം ആർ. വി സ്കൂൾ അദ്ധ്യാപകൻ ആയിരുന്നു ഇദ്ദേഹം. 1995-ലിറങ്ങിയ സിംഹവാലൻ മേനോൻ എന്ന ചലച്ചിത്രത്തിന്റെ നിർമ്മാതാവായിട്ടുണ്ട്.

പ്രധാന കൃതികൾ

• ഹവിസ്സ് (നോവൽ)
• ദാഹം (നോവൽ)
• രാജാരവിവർമ്മയും ചിത്രകലയും
• നമ്മുടെ നാടൻപാട്ടുകൾ
• കേരളത്തിലെ നാടൻപാട്ടുകൾ
• മലയാളഭാഷാധ്യാപനം
• ചോരപ്പൂക്കൾ വിരിയിച്ച കല്ലറ-പാങ്ങോട്
• തെരെഞ്ഞെടുത്ത നാടൻ പാട്ടുകൾ
• രാജാരവിവർമ്മയുടെ നിഴലിൽ മാഞ്ഞുപോയ രാജരാജവർമ്മ

പുരസ്കാരങ്ങൾ

• 1987- അദ്ധ്യാപക കലാ സാഹിത്യ സമിതിയുടെ നോവൽ അവാർഡ്
• 1988- അധ്യാപക കലാവേദിയുടെ ചെറുകഥാ പുരസ്കാരം
• 1996- പി. കെ പരമേശ്വരൻ നായർ ട്രസ്റ്റ് അവാർഡ് ( രാജാരവിവർമ്മയും ചിത്രകലയും)
• 2010- അബുദാബി ശക്തി അവാർഡ് (രാജാരവിവർമ്മയുടെ നിഴലിൽ മാഞ്ഞുപോയ രാജരാജവർമ്മ)