കിയോമിസ് ദേറ
| കിയോമിസ് ദേറ | |
|---|---|
 | |
| പേരുകൾ | |
| മറ്റു പേരുകൾ: | 清水寺 |
| സ്ഥാനം | |
| രാജ്യം: | ജപ്പാൻ |
| പ്രദേശം: | ക്യോത്തോ |
| വാസ്തുശൈലി, സംസ്കാരം | |
| പ്രധാന പ്രതിഷ്ഠ: | കാനൊൺ (സഹസ്രഭുജ ആര്യ അവലോകിതേശ്വരൻ) |
| ചരിത്രം | |
| നിർമ്മിച്ചത്: (നിലവിലുള്ള രൂപം) | എ.ഡി. 798 (പുനഃനിർമ്മാണം 1633) |
ജപ്പാനിലെ ക്യോത്തോയുടെ കിഴക്ക് ഭാഗത്തുള്ള ഹിഗാഷിയാമയിൽ സ്ഥിതിചെയ്യുന്ന ഒരു ബൗദ്ധക്ഷേത്രമാണ് കിയോമിസ് ദേറ (清水寺). യുനസ്‌കോയുടെ (UNESCO) ലോകപൈതൃകസ്ഥാനമായ "പുരാതന ക്യോത്തോയിലെ ചരിത്രപ്രധാനമായ സ്മാരകങ്ങളിൽ" ഒന്നാണ് ഇത്.[1] തെളിഞ്ഞ വെള്ളം എന്ന് അർത്ഥം വരുന്ന കിയോമിസ് എന്ന പേര് വന്നത് ക്ഷേത്രവളപ്പിലെ ഓതോവ വെള്ളച്ചാട്ടത്തിൽ നിന്നാണ്.
ഹെയ്യാൻ കാലഘട്ടത്തിൽ 798-ൽ സ്ഥാപിക്കപെട്ട ഈ ക്ഷേത്രം പലപ്പോഴായി ഭൂമികുലുക്കത്തിലും തീപിടിത്തതിലും നശിച്ചിരുന്നു. ഇന്നത്തെ നിലയിൽ നിർമ്മിച്ചത് 1633-ൽ തോക്കുഗാവ ഇയെമാത്സുവിന്റെ ശ്രമഫലമായിട്ടാണ്.[2]
ഇവിടുത്തെ പ്രധാന പ്രതിഷ്ഠ ഭാരതത്തിൽ അവലോകിതേശ്വരനെന്ന് അറിയപെടുന്ന കാരുണ്യത്തിന്റെ മൂർത്തിമദ്ഭാവമായ കാനൊൺ (観音) ബോധിസത്ത്വമാണ്. മൂർത്തി പ്രതിഷ്ഠിച്ച പ്രധാന അറക്ക്(ഹോന്തോ) പുറത്തുള്ള വിശാലമായ വരാന്തയിൽ നിന്ന് ക്യോത്തോ നഗരം വ്യക്തമായി കാണാൻ കഴിയും. ആണിയൊന്നും ഉപയോഗിക്കാതെയാണ് നിർമ്മിച്ചതെന്നത് ഈ വരാന്തയുടെ പ്രത്യേകതയാണ്. ഇവക്കു പുറമേ ദേവ വാതിൽ, പടിഞ്ഞാറെ വാതിൽ, മണി ഗോപുരം, മൂന്നു നിലയുള്ള പഗോഡ എന്നിവയും പ്രസിദ്ധമാണ്.
ചിത്രങ്ങൾ[തിരുത്തുക]
-
കിയോമിസ് ദേറയിലെ മൂന്നുനിലയുള്ള പഗോഡ
അവലംബം[തിരുത്തുക]
- ↑ "Historic Monuments of Ancient Kyoto (Kyoto, Uji and Otsu Cities)". Retrieved 2012-12-21.
- ↑ "音羽山清水寺". Archived from the original on 2011-06-13. Retrieved 2012-12-21.
|
ബുദ്ധമതവുമായി ബന്ധപ്പെട്ട ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക. |
|
കെട്ടിടങ്ങളെയും നിർമ്മിതികളെയും കുറിച്ചുള്ള ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക. |