ഉള്ളടക്കത്തിലേക്ക് പോവുക

കാൾ ബ്രൗൺ (ഒബ്സ്റ്റെട്രിഷ്യൻ)

വിക്കിപീഡിയ, ഒരു സ്വതന്ത്ര വിജ്ഞാനകോശം.
കാൾ ബ്രൗൺ (ഒബ്സ്റ്റെട്രിഷ്യൻ)
കാൾ റിട്ടർ വോൺ ഫെർൺവാൾഡ് ബ്രൗൺ, ഏകദേശം 1880
ജനനം22 മാർച്ച് 1822
സിസ്റ്റർഡോർഫ്, ലോവർ ഓസ്ട്രിയ, ഓസ്ട്രിയ
മരണം28 March 1891 (1891-03-29) (aged 69)
വിയന്ന, ഓസ്ട്രിയ

ചിലപ്പോൾ കാൾ റുഡോൾഫ് ബ്രൗൺ,[1] കാൾ വോൺ ബ്രൗൺ-ഫെർൺവാൾഡ് അല്ലെങ്കിൽ കാൾ റിട്ടർ വോൺ ഫെർൺവാൾഡ് ബ്രൗൺ എന്നീ പേരുകളിലും അറിയപ്പെട്ടിരുന്ന[2] കാൾ ബ്രൗൺ (22 മാർച്ച് 1822 - 28 മാർച്ച് 1891) ഒരു ഓസ്ട്രിയൻ ഒബ്സ്റ്റെട്രിഷ്യൻ ആയിരുന്നു. 1822 മാർച്ച് 22-ന് ഓസ്ട്രിയയിലെ സിസ്റ്റർഡോർഫിൽ ഡോക്ടറായിരുന്ന കാൾ ഓഗസ്റ്റ് ബ്രൗണിന്റെ മകനായി അദ്ദേഹം ജനിച്ചു.

ഔദ്യോഗിക ജീവിതം

[തിരുത്തുക]

1841 മുതൽ വിയന്നയിൽ പഠിച്ച ബ്രൗൺ 1847-ൽ വിയന്ന ജനറൽ ഹോസ്പിറ്റലിൽ സെകുന്ദരാർസ്റ്റ് (അസിസ്റ്റന്റ് ഡോക്ടർ) സ്ഥാനം ഏറ്റെടുത്തു. 1849-ൽ ഇഗ്നാസ് സെമ്മൽവീസിന്റെ പിൻഗാമിയായി ആശുപത്രിയിലെ ആദ്യത്തെ പ്രസവ ക്ലിനിക്കിൽ പ്രൊഫസർ ജോഹാൻ ക്ലീനിന്റെ സഹായിയായ അദ്ദേഹം 1853 വരെ ആ സ്ഥാനം വഹിച്ചു.

1853-ൽ, ബ്രൗൺ പ്രൈവറ്റ്ഡോസെന്റ് ആയതിനുശേഷം, ട്രയന്റിൽ പ്രസവചികിത്സയുടെ ഓർഡിനറി പ്രൊഫസറായും ടിറോളർ ലാൻഡസ്-ഗെബർ- ഉൻഡ് ഫൈൻഡലാൻസ്റ്റാൾട്ടിന്റെ വൈസ് ഡയറക്ടറായും അദ്ദേഹം നിയമിതനായി. 1856 നവംബറിൽ ജോഹാൻ ക്ലീനിന്റെ പിൻഗാമിയായി പ്രസവചികിത്സാ പ്രൊഫസറാകാൻ അദ്ദേഹത്തെ വിയന്നയിലേക്ക് ക്ഷണിച്ചു. ബ്രൗണിന്റെ ശുപാർശപ്രകാരം, ആശുപത്രിയിലെ ആദ്യത്തെ ഗൈനക്കോളജി ക്ലിനിക്ക് 1858-ൽ അദ്ദേഹത്തിന്റെ നേതൃത്വത്തിൽ സ്ഥാപിക്കപ്പെട്ടു.[3] ഗൈനക്കോളജി ഒരു സ്വതന്ത്ര പഠനശാഖയായി സ്ഥാപിച്ചതിന്റെ ബഹുമതി അദ്ദേഹത്തിനുള്ളതാണ്.[4]

1867-1871 കാലയളവിൽ അദ്ദേഹത്തെ മെഡിക്കൽ ഫാക്കൽറ്റിയുടെ ഡീൻ ആയി നിയമിച്ചു, പിന്നീട് അദ്ദേഹം 1868/69 അധ്യയന വർഷത്തിൽ വിയന്ന സർവകലാശാലയുടെ റെക്ടറായി. 1872-ൽ അദ്ദേഹത്തിന് നൈറ്റ് പദവി ലഭിച്ചു (റിട്ടർ എന്ന പദവി കാണുക); 1877-ൽ, വളരെ പ്രഗത്ഭരായ പ്രൊഫസർമാർക്കു മാത്രം നൽകിവന്നിരുന്ന ഹോഫ്രാറ്റ് എന്ന സ്ഥാനവും അദ്ദേഹത്തിന് ലഭിച്ചു.[3]

"ബ്രൗൺ-ഫെർൺവാൾഡ് അടയാളം" എന്ന് വിളിക്കപ്പെടുന്ന ഗർഭാവസ്ഥയിലെ ഒരു തകരാറുമായി അദ്ദേഹത്തിന്റെ പേര് ബന്ധപ്പെട്ടിരിക്കുന്നു.[5] 4-5 ആഴ്ചയിൽ ഇംപ്ലാന്റേഷൻ നടക്കുന്ന ഭാഗത്ത് ഗർഭാശയ ഫണ്ടസിന് ഉണ്ടാകുന്ന അസമമായ വലുതാകലും മൃദുലതയുമായാണ് ഈ അടയാളം വിവരിക്കപ്പെടുന്നത്.

പ്രസവജ്വരത്തെക്കുറിച്ചുള്ള കാഴ്ചപ്പാടുകൾ

[തിരുത്തുക]

പ്രസവജ്വരത്തിന്റെ ഏക കാരണം 'കഡാവർ പോയിസണിങ്ങ് (ശവശരീര വിഷബാധ)' ആണെന്ന ഇഗ്നാസ് സെമ്മൽവീസിന്റെ പ്രബന്ധത്തെ എതിർത്തുകൊണ്ട്, തന്റെ സമകാലികരോട് പൂർണ്ണമായി യോജിച്ചുകൊണ്ട്, ബ്രൗൺ പ്രസവജ്വരത്തിന് 30 കാരണങ്ങൾ ചൂണ്ടിക്കാട്ടി.[6][7] ഈ അക്കാദമിക എതിർപ്പ് ഉണ്ടായിരുന്നിട്ടും, ബ്രൗൺ ഒന്നാം ഡിവിഷനിൽ താരതമ്യേന കുറഞ്ഞ മരണനിരക്ക് നിലനിർത്തി; 1849 ഏപ്രിൽ മുതൽ 1953 അവസാനം വരെയുള്ള കാലഘട്ടത്തിലെ പ്രസവജ്വര മരണനിരക്കുകൾ കാണിക്കുന്നത് ബ്രൗണിന്റെ മരണനിരക്ക് സെമ്മൽവീസ് തന്നെ നേടിയ നിരക്കുമായി ഏകദേശം പൊരുത്തപ്പെടുന്നു എന്നാണ്.[8] സ്ത്രീകളെ പരിചരിക്കുന്നതിനു മുമ്പ് കൈകൾ അണുവിമുക്തമാക്കണമെന്ന നിഷ്കർഷ ബ്രൗൺ ശ്രദ്ധാപൂർവ്വം തുടർന്നുവെന്നാണ് ഈ ഫലങ്ങൾ സൂചിപ്പിക്കുന്നത്. സെമ്മൽവീസ് ക്ലോറിൻ കഴുകൽ ഏർപ്പെടുത്തുന്നതിനു മുമ്പുണ്ടായിരുന്ന ഉയർന്ന നിലയിലേക്ക് മരണനിരക്ക് മടങ്ങിപ്പോകാൻ അദ്ദേഹം അനുവദിച്ചില്ല.

കൃതികൾ

[തിരുത്തുക]
ജീവചരിത്രത്തിൽ നിന്നുള്ള ഫോട്ടോ
  • ക്ലിനിക് ഡെർ ഗെബർട്‌ഷിൽഫ് ഉൻഡ് ഗൈനക്കോളജി (im Verein mit Chiari und Spaeth, Erlangen 1855) ([ദി] പ്രസവചികിത്സാ, ഗൈനക്കോളജി ക്ലിനിക്ക്, ചിയാരി, സ്‌പേത്ത് എന്നിവരോടൊപ്പം, എർലാംഗൻ 1855)
  • Lehrbuch der Geburtshilfe mit Berücksichtigung der Puerperalprocesse und der Operationstechnik (Wien 1857) (പ്രസവശാസ്ത്രത്തിന്റെ പാഠപുസ്തകം [കൂടാതെ] പ്രസവ പ്രക്രിയയെയും ശസ്ത്രക്രിയാ സാങ്കേതികതയെയും കുറിച്ച്). ഗൂഗിൾ ബുക്ക് തിരയൽ https://books.google.com/books?id=3OOCGAAACAAJ .
  • ലെഹർബുച്ച് ഡെർ ഗെസാംറ്റൻ ഗൈനക്കോളജി (2. Aufl., Ib. 1881) (ഗൈനക്കോളജിയുടെ പാഠപുസ്തകം, 2nd ed. 1881).[9] വേൾഡ്കാറ്റ് എൻട്രി: http://www.worldcat.org/oclc/8179918
  • Über 12 Fälle von Kaiserschnitt und Hysterectomie bei engem Becken (mit achtmaligem günstigem Ausgang) (ഇടുങ്ങിയ പെൽവിസുള്ള 12 സിസേറിയൻ, ഹിസ്റ്റെരെക്ടമി കേസുകളെക്കുറിച്ച് (എട്ട് വിജയകരമായ ഫലങ്ങളോടെ))

അവലംബം

[തിരുത്തുക]
  1. ↑ for example in Bedenek 1983:107, in Swedish bibl. reference and Karl (with K and not C) also in Austrian bibl ref
  2. ↑ or Carl Rudolf Braun, Ritter von Fernwald
  3. 1 2 This section almost entirely from Biographisches Lexikon ...
  4. ↑ Encyclopedia of Austria. http://aeiou.iicm.tugraz.at/aeiou.encyclop.b/b717161.htm;internal&action=_setlanguage.action?LANGUAGE=en[പ്രവർത്തിക്കാത്ത കണ്ണി], retrieved 28 August 2008
  5. ↑ A Dictionary of the History of Medicine, Definition of eponym
  6. ↑ Chiari JB, Braun C, Spaeth J. Klinik der Geburtshilfe und Gynaekologie [Internet]. Ferdinand Enke; 1855 [cited 23 August 2016]. 738p (https://books.google.com/books?id=F8REAAAAcAAJ&pgis=1).
  7. ↑ Semmelweis IF. Die Aetiologie, der Begriff und die Prophylaxis des Kindbettfiebers [Internet]. 1861 [cited 23 August 2016] (https://books.google.com/books?id= O2haAAAAcAAJ&pgis=1)
  8. ↑ Jadraque, P. P.; Carter, K. C. (July 2017). "What happened at Vienna's Allgemeines Krankenhaus after Semmelweis's contract as Assistant in the First Maternity Division was terminated?". Epidemiology and Infection. 145 (10): 2144–2151. doi:10.1017/S0950268817000875. PMC 9203449. PMID 28462740. ProQuest 1914446281.
  9. ↑ ref Biographisches Lexikon ...
"https://ml.wikipedia.org/w/index.php?title=കാൾ_ബ്രൗൺ_(ഒബ്സ്റ്റെട്രിഷ്യൻ)&oldid=4662776" എന്ന താളിൽനിന്ന് ശേഖരിച്ചത്