കാട്ടുകള്ളൻ

കാട്ടുകള്ളൻ
സംവിധാനം	പി. ചന്ദ്രകുമാർ
കഥ	ടി.കെ. ബാലചന്ദ്രൻ
തിരക്കഥ	ജഗതി എൻ.കെ. ആചാരി
നിർമ്മാണം	ടി.കെ. ബാലചന്ദ്രൻ
അഭിനേതാക്കൾ	പ്രേം നസീർ സുകുമാരൻ സീമ ജഗതി ശ്രീകുമാർ
ഛായാഗ്രഹണം	ആനന്ദക്കുട്ടൻ
ചിത്രസംയോജനം	കെ. നാരായണൻ
സംഗീതം	എ.റ്റി. ഉമ്മർ
നിർമ്മാണ കമ്പനി	Teakebees
വിതരണം	Teakebees
റിലീസ് തീയതി	10 April 1981 (1981-04-10)
രാജ്യം	India
ഭാഷ	Malayalam

പി. ചന്ദ്രകുമാർ സംവിധാനം ചെയ്ത് ടി.കെ. ബാലചന്ദ്രൻ നിർമ്മിച്ച് 1981-ൽ പുറത്തിറങ്ങിയ ഇന്ത്യൻ മലയാളം ചിത്രമാണ് കാട്ടുകള്ളൻ. പ്രേം നസീർ, സുകുമാരൻ, സീമ, ജഗതി ശ്രീകുമാർ എന്നിവരാണ് ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നത്. മങ്കൊമ്പിന്റെ വരികൾക്ക് ഈ ചിത്രത്തിൽ സംഗീതം നൽകിയിരിക്കുന്നത് എ.ടി. ഉമ്മർ ആണ്.

താരനിര

ക്ര.നം.	താരം	വേഷം
1	പ്രേം നസീർ	ഫോറസ്റ്റ് വിജിലൻസ് ഓഫീസർ ബൽറാം
2	സുകുമാരൻ	രവീന്ദ്രൻ
3	സീമ	ജലജ, വനജ (ഇരട്ടവേഷം)
4	പ്രതാപചന്ദ്രൻ	പഞ്ചായത്ത് പ്രസിഡന്റ് ഈശ്വരപ്പിള്ള
5	പൂജപ്പുര രവി	കിട്ടുപ്പിള്ള
6	ജഗതി ശ്രീകുമാർ	മല്ലൻ
7	വഞ്ചിയൂർ മാധവൻ നായർ	രാഘവക്കുറുപ്പ്
8	വി ടി അരവിന്ദാക്ഷമേനോൻ	പോലീസ് മേധാവി
9	അച്ചൻ‌കുഞ്ഞ്	സുന്ദരേശൻ
10	തുറവൂർ ചന്ദ്രൻ
11	ഹരിപ്പാട് സോമൻ	കാട്ടിൽ കൊല്ലപ്പെടുന്നയാൾ
12	കനകദുർഗ്ഗ	മേരിക്കുട്ടി
13	ധന്യ	മാധവി
14	വെമ്പായം തമ്പി	കാട്ടിലെ നൃത്തം കാണാനെത്തുന്നയാൾ
15	പോൾസൺ
16	ബേബി ജിനു	ജലജ, വനജ എന്നിവരുടെ ബാല്യം
17	ജഗ്ഗു	ബൽറാമിനെ ആക്രമിക്കുന്നയാൾ
18	രാഗിണി
19	കൃഷ്ണൻ നായർ

ഇതിവൃത്തം

കാര്യക്ഷമതയുള്ള പോലീസ് ഉദ്യോഗസ്ഥനാണ് ബൽറാം. "കാട്ടുകള്ളൻ" എന്ന പേരിൽ അറിയപ്പെടുന്നയാൾ നയിക്കുന്ന ഒരു സംഘം വിലയേറിയ വനവിഭവങ്ങൾ കടത്തുന്നത് തടയാൻ മുതിർന്ന ഉദ്യോഗസ്ഥൻ അദ്ദേഹത്തെ ചുമതലപ്പെടുത്തുന്നു. വിനോദയാത്രയ്‌ക്കായി എത്തുന്ന വിനോദസഞ്ചാരികളുടെ വേഷത്തിൽ രണ്ട് സഹായികളുമായി ബൽറാം ആ സ്ഥലത്തെത്തുന്നു. താമസസ്ഥലം അന്വേഷിക്കുന്നതിനിടെ, ഒരു വൃദ്ധൻ തന്റെ ഇളയ മകളോടൊപ്പം കഴിയുന്ന ഒരു കുടിൽ അവർ കണ്ടെത്തുന്നു. ബൽറാം അവിടെ താമസിക്കുന്നു. രാത്രിയിൽ ഏതാനും ഗുണ്ടകൾ മകളെ ആക്രമിക്കുകയും ബൽറാം അവളെ രക്ഷിക്കുകയും ചെയ്യുന്നു. എന്നാൽ അവളുടെ പിതാവിനെ ബൽറാമിന്റെ മുന്നിൽവച്ച് അവർ വെടിവച്ചുകൊല്ലുന്നു. ബൽറാം ഇക്കാര്യം പോലീസിനെ അറിയിക്കുന്നു. നിർഭാഗ്യവശാൽ മരിച്ചയാളുടെ മൃതദേഹം കണ്ടെത്താൻ പോലീസിന് കഴിയുന്നില്ല; മകളെയും കാണാതാകുന്നു. ബൽറാം കാട്ടുകള്ളനുവേണ്ടിയുള്ള അന്വേഷണം തുടരുന്നു; രവീന്ദ്രൻ എന്ന യുവാവാണ് കാട്ടുകള്ളൻ എന്ന് അദ്ദേഹത്തിന് വിവരം ലഭിക്കുന്നു.

മറുവശത്ത്, തന്റെ രക്ഷാധികാരിയായ പഞ്ചായത്ത് പ്രസിഡന്റ് ഈശ്വരപ്പിള്ളയുടെ മകളും തന്റെ മുറപ്പെണ്ണുമായ ജലജയുമായി രവീന്ദ്രൻ പ്രണയത്തിലാണ്. ഈശ്വരപ്പിള്ളയ്ക്ക് കാടിന്റെ മധ്യത്തിൽ ഒരു എസ്റ്റേറ്റ് ഉണ്ട്. അദ്ദേഹത്തിന്റെ ഭാര്യ മാനസികാസ്വാസ്ഥ്യമുള്ള ആളാണ്. കാട്ടുകള്ളനെക്കുറിച്ച് മുന്നറിയിപ്പ് നൽകാൻ രവീന്ദ്രൻ ബൽറാമിനെ സന്ദർശിക്കുന്നു. കാട്ടിൽ നിന്നുള്ള മോഷണം തുടരുന്നതിനാൽ ബൽറാമിന്റെ സേവനം അവസാനിപ്പിച്ച് അദ്ദേഹത്തെ തിരികെ വിളിക്കാൻ നിർബന്ധിതനാകുമെന്ന് മുതിർന്ന ഉദ്യോഗസ്ഥൻ വിളിച്ച് മുന്നറിയിപ്പ് നൽകുന്നു. എന്നാൽ താൻ കാട്ടുകള്ളനെ പിടികൂടുമെന്ന് ബൽറാം ഉറപ്പുനൽകുന്നു. രവീന്ദ്രന്റെ കുഴപ്പങ്ങളെക്കുറിച്ച് ബൽറാം ഈശ്വരപ്പിള്ളയ്ക്ക് മുന്നറിയിപ്പ് നൽകുന്നു. ഈശ്വരപ്പിള്ളയുടെ രണ്ടാമത്തെ മകളായ വനജയെയും ബൽറാം ദുരൂഹസാഹചര്യത്തിൽ കാണുന്നു.

വനജയെ ഈശ്വരപ്പിള്ള ക്രൂരമായി മർദ്ദിക്കുന്നു. മർദ്ദനമേറ്റ് അവശനിലയിൽ തന്റെ ഡ്രൈവറെ കണ്ടെത്തിയ ബൽറാമിന്, അയാൾ കാട്ടുകള്ളന്റെ ചാരനാണെന്ന് മനസ്സിലാകുന്നു. ആരോ വനജയെ രക്ഷപ്പെടുത്തി ബൽറാമിന്റെ വീട്ടിൽ എത്തിക്കുന്നു. ബൽറാം അവൾക്ക് അഭയം നൽകുന്നു. വനജയുമായുള്ള സംസാരത്തിൽ, പോലീസ് ഉദ്യോഗസ്ഥനായിരുന്ന തന്റെ പിതാവിനെ അന്ന് അദ്ദേഹത്തിന്റെ കീഴുദ്യോഗസ്ഥനായിരുന്ന ഈശ്വരപ്പിള്ള എങ്ങനെ കൊലപ്പെടുത്തി എന്ന് വനജ വെളിപ്പെടുത്തുന്നു.

ഈശ്വരപ്പിള്ള നൽകിയ, മകളെ കാണാനില്ലെന്ന ഹേബിയസ് കോർപ്പസ് കേസിന്റെ ഭാഗമായി പോലീസ് വനജയെ പിടികൂടുന്നു. വനജയെ പിടികൂടിയത് വ്യാജ പോലീസാണെന്ന് മനസ്സിലാക്കിയ ബൽറാം അവരെ പിന്തുടരുന്നു. ഒടുവിൽ അയാൾ വനജയെ രക്ഷിക്കുന്നു; എന്നാൽ അപ്പോഴേക്കും അവൾക്ക് വെടിയേൽക്കുന്നു. ബൽറാമിന്റെ പ്രവർത്തനങ്ങൾ നിരീക്ഷിക്കാൻ നിയോഗിക്കപ്പെട്ട ഉദ്യോഗസ്ഥനാണ് താനെന്ന് രവീന്ദ്രൻ വെളിപ്പെടുത്തുന്നു. ഈശ്വരപ്പിള്ള കാട്ടുകള്ളന്റെ സഹായിയാണെന്നും വെളിപ്പെടുന്നു. ബൽറാമിന്റെ മുതിർന്ന ഉദ്യോഗസ്ഥനാണ് കാട്ടുകള്ളൻ എന്ന് അവസാനം വ്യക്തമാകുന്നു.

ഗാനങ്ങൾ

ചിത്രത്തിന് സംഗീതം നൽകിയത് എ.ടി. ഉമ്മറും വരികൾ രചിച്ചത് മങ്കൊമ്പ് ഗോപാലകൃഷ്ണനുമാണ്.

ക്ര.നം.	ഗാനം	ഗായകർ	വരികൾ	ദൈർഘ്യം (മി:സെ)
1	"കാർത്തിക പൂർണമി"	ബി. വസന്ത, കോറസ്	മങ്കൊമ്പ് ഗോപാലകൃഷ്ണൻ
2	"ശ്രിംഗാരം"	വാണി ജയറാം	മങ്കൊമ്പ് ഗോപാലകൃഷ്ണൻ
3	"സുരുമ വരാചോരു"	പി. ജയചന്ദ്രൻ	മങ്കൊമ്പ് ഗോപാലകൃഷ്ണൻ
4	"വസന്ത മാലിക"	കെ.ജെ. യേശുദാസ്	മങ്കൊമ്പ് ഗോപാലകൃഷ്ണൻ