കവാടം:സാഹിത്യം/ആമുഖം

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
Books-aj.svg aj ashton 01.svg

അക്ഷരങ്ങളുമായി ഉള്ള പരിചയമാണ് സാഹിത്യം. ഇങ്ങനെയാണ് സാഹിത്യം എന്ന പദത്തെ ഓക്സ്ഫോർഡ് ഇംഗ്ലീഷ് നിഘണ്ടു നിർ‌വ്വചിച്ചു തുടങ്ങുന്നത്. (ലത്തീൻ ഭാഷയിലെ ലിറ്റെറാ എന്ന പദത്തിന്റെ അർത്ഥം എഴുതിയ അക്ഷരം എന്നാണ്, ഇതിൽ നിന്നാണ് ലിറ്ററേച്ചർ എന്ന ഇംഗ്ലീഷ് പദം രൂപംകൊണ്ടത്.) പ്രസ്തുത പദം കാലാനന്തരം ലിഖിതങ്ങളുടെ ഒരു ശേഖരത്തെ അല്ലെങ്കിൽ ഒരു കലാസൃഷ്ടിയെ സൂചിപ്പിക്കാൻ ഉപയോഗിക്കപ്പെട്ടു. പടിഞ്ഞാറൻ സംസ്കാരത്തിൽ പ്രധാനമായും ഇത് ഗദ്യത്തെ, പ്രത്യേകിച്ച് കാല്പനികസാഹിത്യം, കാല്പനികേതരസാഹിത്യം, നാടകം, കവിത എന്നിവയെ സൂചിപ്പിച്ചുപോ‍ന്നു. ലോകത്തിന്റെ വളരെ ഭാഗങ്ങളിൽ, എല്ലായിടത്തുമല്ലങ്കിലും, സാഹിത്യസൃഷ്ടികൾ വാച്യരൂപത്തിലും നിലനിന്നിരുന്നു, പ്രത്യേകിച്ച് ഇതിഹാസം‍, ഐതിഹ്യം, പരമ്പരാഗതവിശ്വാസം , ബാലെ മുതലായ വിവിധ തരം പദ്യ രൂപങ്ങളും, നാടോടിക്കഥകളും. “സാഹിത്യം” എന്ന പദം നാമരൂപത്തിൽ പൊതുവേ ഏതു തരം ലിഖിതത്തെയും വിവക്ഷിക്കാൻ ഉപയോഗിക്കാം, ഉദാ‍:ഉപന്യാസം; സംജ്ഞാനാമരൂപത്തിൽ ഇത് ഒരു സാഹിത്യസൃഷ്ടിയെ അതിന്റെ പൂർണ്ണതയിൽ‍ സൂചിപ്പിക്കാൻ ഉപയോഗിക്കുന്നു.

സാഹിത്യത്തിന്റെ ചരിത്രം വെങ്കലയുഗത്തിൽ മെസൊപ്പൊട്ടേമിയയിലും പുരാതന ഈജിപ്തിലും ആരംഭിച്ച അക്ഷരങ്ങളുടെ ചരിത്രത്തിൽ ആരംഭിക്കുന്നു. എന്നാൽ അറിയപ്പെടുന്ന ഏറ്റവും പഴയ സാഹിത്യ കൃതികൾ അക്ഷരങ്ങളുടെ കണ്ടുപിടിത്തത്തിനും ഒരു സഹസ്രാബ്ദത്തിനു ശേഷം ക്രി.മു. മൂന്നാം സഹസ്രാബ്ദത്തിന്റെ അവസാനപാദത്തിൽ ആയിരുന്നു എഴുതപ്പെട്ടത്. ലോകത്തെ ആദ്യത്തെ അറിയപ്പെടുന്ന സാഹിത്യകാരന്മാർ ക്രിസ്തുവിനു മുമ്പ് 24ഉം 23ഉം നൂറ്റാണ്ടിൽ ജീവിച്ചിരുന്ന പ്റ്റാ‌ഓറ്റെപും എൻ‌ഹെഡുഅന്നയും ആയിരുന്നു.

സാഹിത്യത്തെക്കുറിച്ച് കൂടുതൽ...
"https://ml.wikipedia.org/w/index.php?title=കവാടം:സാഹിത്യം/ആമുഖം&oldid=1038435" എന്ന താളിൽനിന്ന് ശേഖരിച്ചത്