കവാടം:ജ്യോതിഃശാസ്ത്രം

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search

ജ്യോതിഃശാസ്ത്രം

Crab Nebula.jpg

ഖഗോള വസ്തുക്കളായ ഗ്രഹങ്ങൾ, ധൂമകേതുക്കൾ, നക്ഷത്രങ്ങൾ, താരാപഥങ്ങൾ തുടങ്ങിയവയേയും ഭൂമിയുടെ അന്തരീക്ഷത്തിന് പുറത്ത് നടക്കുന്ന പ്രതിഭാസങ്ങളേയും കുറിച്ചു പഠിക്കുന്ന ശാസ്ത്രശാഖയാണ് ജ്യോതിഃശാസ്ത്രം. ഏറ്റവും പ്രാചീനമായ ശാസ്ത്രശാഖകളിൽ ഒന്നാണിത്. ദൂരദർശിനിയുടെ കണ്ടുപിടുത്തത്തോടെയാണ്‌ ജ്യോതിഃശാസ്ത്രം ഒരു ആധുനികശാസ്ത്രശാഖയായി വികസിച്ചത്. ഇരുപതാം നൂറ്റാണ്ടിൽ ജ്യോതിശാസ്ത്രം നിരീക്ഷണ ജ്യോതിഃശാസ്ത്രം, സൈദ്ധാന്തിക ജ്യോതിർഭൗതികം എന്നിങ്ങനെ രണ്ടായി വിഭജിക്കപ്പെട്ടു. ഭൗതികശാസ്ത്രത്തിലെ പല അടിസ്ഥാന സിദ്ധാന്തങ്ങളേയും പരീക്ഷിക്കാൻ നിരീക്ഷണ ജ്യോതിഃശാസ്ത്രം സഹായിക്കുന്നു.


തിരഞ്ഞെടുത്ത ലേഖനം

ജായര

Cygnus.png

ഉത്തരാർദ്ധഖഗോളത്തിലെ ഒരു നക്ഷത്രരാശിയാണ് ജായര (Cygnus). ഇത് വടക്കൻ കുരിശ് എന്നും അറിയപ്പെടുന്നു. പാശ്ചാത്യലോകത്ത് ഇതിന്‌ ഒരു അരയന്നത്തിന്റെ ആകൃതി കല്പിക്കപ്പെടുന്നു. എളുപ്പത്തിൽ തിരിച്ചറിയപ്പെടുന്ന ഒരു നക്ഷത്രരാശിയാണ്‌ ഇത്. ആകാശഗംഗ ഇതിലൂടെ കടന്നുപോകുന്നു. ആകാശഗംഗയുടെ അതേ തലത്തിൽ തന്നെയാണ് ഇതും സ്ഥിതി ചെയ്യുന്നത്. രണ്ടാം നൂറ്റാണ്ടിലെ ജ്യോതിശാസ്ത്രജ്ഞനായ ടോളമി ലിസ്റ്റ് ചെയ്യപ്പെട്ട 48 നക്ഷത്രസമൂഹങ്ങളിലൊന്നാണ് ജായര, അത് 88 ആധുനിക നക്ഷത്രരാശികളിലൊന്ന് ആയി അവശേഷിക്കുന്നു.

മുഴുവൻ കാണുക

നിങ്ങൾക്കറിയാമോ?

...ഹൈഡ്രജനാണ് വ്യാഴത്തിന്റെ മുഖ്യ ഘടകമെങ്കിലും കാൽഭാഗത്തോളം ഹീലിയമുണ്ട്

...യൂറോപ്പയിലെ ഹിമത്താൽ ആവരണം ചെയ്യപ്പെട്ടിരിക്കുന്ന ദ്രാവക സമുദ്രം ഭാവിയിൽ നടത്താനിരിക്കുന്ന പര്യവേഷണങ്ങളിലെ പ്രധാന ലക്ഷ്യങ്ങളിലൊന്നാണ്‌

...സൗരയൂഥത്തിലെ മറ്റെല്ലാ ഗ്രഹങ്ങളുടേയും മൊത്തം പിണ്ഡത്തിന്റെ 2.5 ഇരട്ടി ഭാരമുണ്ട് വ്യാഴത്തിന്‌

...സൗരയൂഥത്തിൽ ഏറ്റവും വലിയ അന്തരീക്ഷമുള്ള ഗ്രഹം വ്യാഴമാണ്‌

...വ്യാഴം മാത്രമാണ് സൂര്യനുമായുള്ള പിണ്ഡകേന്ദ്രം സൗരോപരിതലത്തിന് പുറത്തുള്ള ഏക ഗ്രഹം

താങ്കൾക്ക് സഹായിക്കാനാകുന്നവ

മലയാളം വിക്കിപീഡിയയിലെ ജ്യോതിശാസ്ത്രലേഖനങ്ങളെ കുറിച്ചു് കൂടുതൽ അറിയാനും, ലേഖനങ്ങൾ മെച്ചപ്പെടുത്താൻ സഹായിക്കാനും ജ്യോതിശാസ്ത്രം വിക്കിപദ്ധതിയിൽ അംഗമാകൂ

ചരിത്രരേഖ: ഒക്ടോബർ

1958 ഒക്ടോബർ 1 : നാസ സ്ഥാപിതമായി.
1942 ഒക്ടോബർ 3 : ജർമ്മനി ആദ്യമായി ബഹിരാകാശത്തേക്ക് റോക്കറ്റ് വിക്ഷേപിക്കുന്നു.
1957 ഒക്ടോബർ 4 : ആദ്യ മനുഷ്യ നിർമ്മിത ഉപഗ്രഹമായ സ്പുട്നിക് റഷ്യ ഭ്രമണപഥത്തിലെത്തിച്ചു.
1995 ഒക്ടോബർ 6 : ബെല്ലറോഫോൺ എന്ന ഗ്രഹം കണ്ടെത്തപ്പെടുന്നു.
1604 ഒക്ടോബർ 9 : ക്ഷീരപഥത്തിലെ അടുത്തകാലത്ത് ദർശിച്ച അവസാന സൂപ്പർനോവ
1967 ഒക്ടോബർ 10 : അറുപത് രാജ്യങ്ങൾ ചേർന്ന് ജനുവരി 27-നു ഒപ്പുവെക്കപ്പെട്ട ശൂന്യാകാശ ഉടമ്പടി പ്രാബല്യത്തിൽ വന്നു.
1958 ഒക്ടോബർ 11 : നാസയുടെ പയനീർ 1 വിക്ഷേപിക്കപ്പെടുന്നു. ചന്ദ്രനിൽ എത്താനാകാതെ രണ്ട് ദിവസത്തിനകം അത് മടങ്ങുകയായിരുന്നു
1984 ഒക്ടോബർ 11 : ചലഞ്ചർ ബഹിരാകാശക്കപ്പലിലെ കാതറിന് ഡി സള്ളിവൻ ബഹിരാകാശ നടത്തം ചെയ്യുന്ന ആദ്യത്തെ വനിതാ ബഹിരാകാശസഞ്ചാരിയായി.
1994 ഒക്ടോബർ 12 : ശുക്രനിലേക്കുള്ള നാസയുടെ മാഗെല്ലൻ മിഷൻ പരാജയപ്പെടുന്നു, സ്പേസ്‌ക്രാഫ്റ്റ് കത്തി നശിക്കുന്നു.
1773 ഒക്ടോബർ 13 : ചാൾസ് മെസ്സിയെർ വേൾപൂൾ ഗാലക്സി കണ്ടെത്തി.
1968 ഒക്ടോബർ 22 : അപ്പോളോ 7 ഉപഗ്രഹം ഭൂമിയെ 163 പ്രാവശ്യം വലം വെച്ച് സുരക്ഷിതമായി അറ്റ്‌ലാന്റിൿ സമുദ്രത്തിൽ വീണു.
2008 ഒക്ടോബർ 22 : ചന്ദ്രയാൻ I വിക്ഷേപിച്ചു.
2005 ഒക്ടോബർ 27 : ഇറാൻ ആദ്യത്തെ ഉപഗ്രഹം സിന 1 വിക്ഷേപിക്കുന്നു.

തിരഞ്ഞെടുത്ത വാക്ക്

വിഷുവം

സൂര്യൻ ഖഗോളമദ്ധ്യരേഖ കടന്നു പോകുന്ന ജ്യോതിശാസ്ത്ര സംബന്ധിയായ പ്രതിഭാസത്തിനെയാണ്‌ വിഷുവം (Equinox) എന്നു പറയുന്നത്. ഇതു മാർച്ച് 20നും സെപ്റ്റംബർ 23നും ആണ് സംഭവിക്കുന്നത്. സാങ്കേതികമായി പറഞ്ഞാൽ ക്രാന്തിവൃത്തവും (ecliptic) ഖഗോളമദ്ധ്യരേഖയും (ഘടികാമണ്ഡലം) (celestial equator) കൂട്ടി മുട്ടുന്ന ഇടത്തിലുള്ള ബിന്ദുക്കളെയാണ് ‍ വിഷുവങ്ങൾ എന്ന്‌ പറയുന്നത്‌. ഈ ദിവസങ്ങളിൽ പകലിനും രാത്രിക്കും ഏകദേശം തുല്യനീളമാണ്.

തിരഞ്ഞെടുത്ത ചിത്രം

Stars Brewing in Cygnus X.jpg

സിഗ്നസ് - എക്സ്. സൗരയൂഥത്തിനടുത്തുള്ള നക്ഷത്രരൂപീകരണമേഖല

ജ്യോതിശാസ്ത്ര വാർത്തകൾ

20 ഓക്ടോബർ 2021 ടൈറ്റനിലെ മീഥൈൻ നദികളുടെ ഭൂപടം പ്രസിദ്ധീകരിച്ചു.[1]
11 ഒക്ടോബർ 2021 ചൊവ്വയിൽ വെള്ളമുണ്ടായിരുന്നതിന്റെ പുതിയ തെളിവുകൾ ലഭിച്ചു.[2]
2 ഒക്ടോബർ 2021 ചൊവ്വാ പേടകങ്ങളുമായുള്ള ബന്ധം നിലച്ചു.[3]
27 സെപ്റ്റംബർ 2021 സൗരയൂഥേതരഗ്രഹങ്ങളിൽ മേഘങ്ങൾ കണ്ടെത്തി.[4]
14 സെപ്റ്റംബർ 2021 ബഹിരാകാശധൂളികളിൽ നിന്നും ഇഷ്ടിക നിർമ്മിക്കുന്നതിനുള്ള സാങ്കേതികവിദ്യ വികസിപ്പിച്ചു.[5]
7 സെപ്റ്റംബർ 2021 പെർസിവറൻസ് ചൊവ്വയിലെ പാറയുടെ സാമ്പിൾ ശേഖരിച്ചു.[6]
27 ഓഗസ്റ്റ് 2021 40 സൗരയൂഥേതരഗ്രഹങ്ങളെ കൂടി കണ്ടെത്തി.[7]
6 ഓഗസ്റ്റ് 2021 ചന്ദ്രന്റെ കാന്തിക കവചത്തിന്റെ കാരണം കണ്ടെത്തി.[8]
1 ഓഗസ്റ്റ് 2021 ഇൻസൈറ്റ് ചൊവ്വയുടെ ഉൾവശം മാപ്പ് ചെയ്തു.[9]
30 ജൂലൈ 2021 താരാപഥങ്ങൾക്കു നടുവിലുള്ള തമോഗർത്തങ്ങൾ എങ്ങനെയാണ് പോഷിപ്പിക്കപ്പെടുന്നതെന്ന് കണ്ടെത്തി.[10]
28ജൂലൈ 2021 തമോദ്വാരത്തിന്റെ പിന്നിൽ നിന്നും വരുന്ന എക്സ് രശ്മികൾ കണ്ടെത്തി.[11]
22 ജൂലൈ 2021 ചൈനയുടെ ടിയാൻവെൻ-1 ലാന്റർ ചൊവ്വയുടെ ചിത്രങ്ങൾ അയച്ചു തുടങ്ങി.[12]
10 ജൂലൈ 2021 വ്യാഴത്തിന്റെ എക്സ്-റേ ധ്രുവദീപ്തിയുടെ കാരണം കണ്ടെത്തി.[13]

ഒക്ടോബർ 2021ലെ ജ്യോതിശാസ്ത്രസംഭവങ്ങൾ

എല്ലാ സമയങ്ങളും GMT യിൽ

ഒക്ടോബർ 6 : അമാവാസി
ഒക്ടോബർ 8 : ‍ഡ്രാക്കോണീഡ് ഉൽക്കാവർഷം
ഒക്ടോബർ 9 : ശുക്രന്റെയും ചന്ദ്രന്റെയും സംയോഗം
ഒക്ടോബർ 10 : ചിത്ര ഞാറ്റുവേല തുടങ്ങും
ഒക്ടോബർ 14 : ചന്ദ്രൻ, ശനി എന്നിവയുടെ സംയോഗം
ഒക്ടോബർ 15 : ചന്ദ്രൻ, വ്യാഴം എന്നിവയുടെ സംയോഗം
ഒക്ടോബർ 16 : നാസയുടെ ലൂസി വിക്ഷേപിക്കുന്നു
ഒക്ടോബർ 17 : തുലാസംക്രമം
ഒക്ടോബർ 20 : പൗർണ്ണമി
ഒക്ടോബർ 21 : ഒറിയോണിഡ് ഉൽക്കാവർഷം
ഒക്ടോബർ 23 : ചോതി ഞാറ്റുവേല തുടങ്ങുന്നു
ഒക്ടോബർ 24 : ബുധൻ ഏറ്റവും കൂടിയ പടിഞ്ഞാറൻ ആയതിയിൽ. സൂര്യോദയത്തിനു മുമ്പായി കിഴക്കൻ ചക്രവാളത്തിൽ ബുധനെ കാണാം.

വർഗ്ഗങ്ങൾ

പുതിയ താളുകൾ...

മദ്ധ്യകേരളത്തിൽ ഈ മാസം 15ന് രാത്രി 8മണിക്കുള്ള ഗ്രഹസ്ഥാനങ്ങൾ

ഗ്രഹം ഖഗോളരേഖാംശം അവനമനം ദിഗംശം ഉന്നതി ഭൂമിയിൽ നിന്നുള്ള ദൂരം കാന്തിമാനം ഉദയം അസ്തമയം രാശി
ബുധൻ 13മ.7മി.51സെ. -10°14'27" 260°11മി.25സെ. -3°-16'19" 0.94 AU 0.10 8 am 7.48 pm കന്നി
ശുക്രൻ 14മ.11മി.2സെ. -14°24'54" 252°50മി.27സെ. 10°56'8" 1.00 AU -4.13 9.06 am 8.49 pm തുലാം
ചൊവ്വ 12മ.2മി.42സെ. 0°35'35" 274°2മി.2സെ. -17°-15'-12" 2.64 AU 1.74 6.46 am 6.51 pm കന്നി
വ്യാഴം 21മ.47മി.1സെ. -14°38'22" 123°1മി.29സെ. 44°13'50" 4.11 AU -2.80 4.38 pm 4.23 am മകരം
ശനി 20മ.40മി.8സെ. -19°12'26" 144°26മി.51സെ. 53°9'48" 9.21 AU 0.38 3.36 pm 3.13 am മകരം
യുറാനസ് 2മ.48മി.42സെ. +15°47'13" 68°52മി.45സെ. -19°-17'-53" 19.10 AU 5.69 9.20 pm 9.48 am മേടം
നെപ്റ്റ്യൂൺ 23മ.31മി.33സെ. -4°20'48" 99°45മി.56സെ. 24°1'28" 28.92 AU 7.82 6.15 pm 6.15 am കുംഭം

കേരളത്തിലെ ഈ മാസത്തെ ആകാശം

<centr>

Skymap 2021 oct.svg

2021 ഒക്ടോബർ 15ന് രാത്രി 8 മണിക്ക് മദ്ധ്യകേരളത്തിൽ കാണാൻ കഴിയുന്ന ആകാശദൃശ്യം.

Purge server cache

"https://ml.wikipedia.org/w/index.php?title=കവാടം:ജ്യോതിഃശാസ്ത്രം&oldid=2719613" എന്ന താളിൽനിന്ന് ശേഖരിച്ചത്