കവാടം:ജ്യോതിഃശാസ്ത്രം

വിക്കിപീഡിയ, ഒരു സ്വതന്ത്ര വിജ്ഞാനകോശം.

ജ്യോതിഃശാസ്ത്രം

Crab Nebula.jpg


ഖഗോള വസ്തുക്കളായ ഗ്രഹങ്ങൾ, ധൂമകേതുക്കൾ, നക്ഷത്രങ്ങൾ, താരാപഥങ്ങൾ തുടങ്ങിയവയേയും ഭൂമിയുടെ അന്തരീക്ഷത്തിന് പുറത്ത് നടക്കുന്ന പ്രതിഭാസങ്ങളേയും കുറിച്ചു പഠിക്കുന്ന ശാസ്ത്രശാഖയാണ് ജ്യോതിഃശാസ്ത്രം. ഏറ്റവും പ്രാചീനമായ ശാസ്ത്രശാഖകളിൽ ഒന്നാണിത്. ദൂരദർശിനിയുടെ കണ്ടുപിടുത്തത്തോടെയാണ്‌ ജ്യോതിഃശാസ്ത്രം ഒരു ആധുനികശാസ്ത്രശാഖയായി വികസിച്ചത്. ഇരുപതാം നൂറ്റാണ്ടിൽ ജ്യോതിശാസ്ത്രം നിരീക്ഷണ ജ്യോതിഃശാസ്ത്രം, സൈദ്ധാന്തിക ജ്യോതിർഭൗതികം എന്നിങ്ങനെ രണ്ടായി വിഭജിക്കപ്പെട്ടു. ഭൗതികശാസ്ത്രത്തിലെ പല അടിസ്ഥാന സിദ്ധാന്തങ്ങളേയും പരീക്ഷിക്കാൻ നിരീക്ഷണ ജ്യോതിഃശാസ്ത്രം സഹായിക്കുന്നു.


തിരഞ്ഞെടുത്ത ലേഖനം

യമുന (നക്ഷത്രരാശി)

Constellation Eridanus.jpg

ദക്ഷിണാർദ്ധഖഗോളത്തിലെ ഒരു നക്ഷത്രരാശിയാണ്‌ യമുന (Eridanus). ഖഗോളമധ്യരേഖ ഇതിന്റെ വശത്തുകൂടെ കടന്നുപോകുന്നു. ഈ രാശിയുടെ വടക്കുഭാഗവും തെക്കുഭാഗവും തമ്മിൽ ഡെക്ലിനേഷനിൽ 60 ഡിഗ്രിയോളം അന്തരമുണ്ട്. ആധുനിക നക്ഷത്രരാശികളിൽ വലിപ്പത്തിന്റെ കാര്യത്തിൽ ആറാം സ്ഥാനമാണ്‌ ഇതിന്‌.

മുഴുവൻ കാണുക

നിങ്ങൾക്കറിയാമോ?

...ആദ്യത്തെ ബഹിരാകാശ സഞ്ചാരി യൂറി ഗഗാറിൻ യാത്രനടത്തിയത്‌ വോസ്റ്റൊക്ക് - 1 ലായിരുന്നു.

...ആദ്യമായി ബഹിരാകാശത്ത് നടന്ന വ്യക്തിയാണ് അലക്സി ലിയനോവ്

...ഏറ്റവും കൂടുതൽ ബഹിരാകാശ യാത്ര നടത്തിയ റെക്കോർഡ് സോയൂസ് വാഹനങ്ങൾക്കാണ്

...മൂന്നുപേർക്ക്‌ കയറാവുന്ന ബഹിരാകാശ വാഹനങ്ങളാണ് അപ്പോളോ‍

...അപ്പോളോ 13 ബഹിരാകാശ വാഹനം അപകടത്തിൽ പെട്ടപ്പോൾ യാത്രികർ ജീവൻ നിലനിർത്തിയത് അതിലെ ഈഗിൾ ഉപവാഹനം ഉപയോഗിച്ചാണ്.

താങ്കൾക്ക് സഹായിക്കാനാകുന്നവ

മലയാളം വിക്കിപീഡിയയിലെ ജ്യോതിശാസ്ത്രലേഖനങ്ങളെ കുറിച്ചു് കൂടുതൽ അറിയാനും, ലേഖനങ്ങൾ മെച്ചപ്പെടുത്താൻ സഹായിക്കാനും ജ്യോതിശാസ്ത്രം വിക്കിപദ്ധതിയിൽ അംഗമാകൂ

ചരിത്രരേഖ: ഫെബ്രുവരി

2003 ഫെബ്രുവരി 1 : നാസയുടെ ബഹിരാകാശ വാഹനം കൊളംബിയ തകർന്ന് ഇന്ത്യൻ വംശജ കൽ‌പനാ ചൌള ഉൾപ്പെടെ ഏഴു ഗവേഷകർ കൊല്ലപ്പെട്ടു
1957 ഫെബ്രുവരി 17 : മേഘപാളികളുടെ വിതരണം അളക്കുന്നതിനായി ആദ്യ കാലാവസ്ഥാനിരീക്ഷണോപഗ്രഹമായ വാൻ‌ഗ്വാർഡ്-2 വിക്ഷേപണം നടത്തി.
1997 ഫെബ്രുവരി 23 : റഷ്യൻ ശൂന്യാകാശനിലയമായ മിറിൽ ഒരു വൻ തീപിടുത്തം സംഭവിച്ചു.
2007 ഫെബ്രുവരി 23 : ജപ്പാൻ തങ്ങളുടെ നാലാമത് ചാരഉപഗ്രഹം വിക്ഷേപിച്ചു.
2007 ഫെബ്രുവരി 23 : ട്രാപിസ്റ്റ്-1 എന്ന അതിശീതകുള്ളൻ നക്ഷത്രത്തിന് ഏഴ് ഭൂസമാന ശിലാഗ്രഹങ്ങളെ കണ്ടെത്തിയതായി 22ന് നാസ പ്രഖ്യാപിച്ചു

പുതിയ താളുകൾ...

തിരഞ്ഞെടുത്ത വാക്ക്

തമോദ്വാരം

ഉയർന്ന ഗുരുത്വാകർഷണം മൂലം പ്രകാശത്തിനുപോലും പുറത്തുകടക്കാനാകാത്ത മേഖലയാണ്‌ തമോദ്വാരം അല്ലെങ്കിൽ തമോഗർത്തം (Black hole). തമോദ്വാരത്തിന്റെ സീമയായ സംഭവചക്രവാളത്തിനകത്തേക്ക് വസ്തുക്കൾക്ക് പ്രവേശിക്കാമെന്നല്ലാതെ പ്രകാശം ഉൾപ്പെടെ യാതൊന്നിനും ഗുരുത്വാകർഷണം മറികടന്ന് ഈ പരിധിക്ക് പുറത്തുകടക്കാനാകില്ല. പ്രകാശം പ്രതിഫലിപ്പിക്കുകയോ പുറത്തുവിടുകയോ ചെയ്യാത്തതിനാൽ തമോദ്വാരം പുറംലോകത്തിന്‌ അദൃശ്യമായിരിക്കും.

തിരഞ്ഞെടുത്ത ചിത്രം

ജ്യോതിശാസ്ത്ര വാർത്തകൾ

01 ജനുവരി 2023 ചന്ദ്രനിൽ ഒരു സ്ഥിരം ഗവേഷണകേന്ദ്രം നിർമ്മിക്കാൻ ചൈന പദ്ധതിയിടുന്നു.[1]
13 ഡിസംബർ 2022 സൂര്യന്റെ മദ്ധ്യ കൊറോണയുടെ ആദ്യ അൾട്രാവയലറ്റ് ഇമേജ് ലഭ്യമായി[2]
1 ഡിസംബർ 2022 ഉൽക്കാശിലയിൽ നിന്നും രണ്ടു പുതിയ ധാതുക്കൾ കണ്ടെത്തി. [3]
19 നവംബർ 2022 ഇന്ത്യ ആദ്യത്തെ സ്വകാര്യ റോക്കറ്റ് വിക്ഷേപിച്ചു.
28 സെപ്റ്റംബർ 2022 ചൈനയുടെ ഷുറോങ് റോവർ ചൊവ്വയിൽ വെള്ളപ്പൊക്കത്തിന്റെ തെളിവുകൾ കണ്ടെത്തി. [4]
26 ഓഗസ്റ്റ് 2022 ജയിംസ് വെബ് ദൂരദർശിനി സൗരയൂഥേതരഗ്രഹത്തിൽ കാർബൺ ഡൈ ഓക്സൈഡ് കണ്ടെത്തി.[5]
3 മെയ് 2022 ആകാശഗംഗയിൽ പുതിയ എട്ട് തമോദ്വാരങ്ങൾ കൂടി കണ്ടെത്തി.[6]
26 ഏപ്രിൽ 2022 ഗ്രീലന്റിലേയും യൂറോപ്പയിലേയും മഞ്ഞുപാളിക്ക് സമാനതകൾ.[7]
12 ഏപ്രിൽ 2022 നെപ്റ്റ്യൂൺ ഇതുവരെ കണക്കാക്കിയിരുന്നതിലും കൂടുതൽ തണുത്തതാണെന്ന് പുതിയ പഠനം.[8]
10 ഏപ്രിൽ 2022 ബഹിരാകാശനിലയത്തിലേക്ക് ആദ്യമായി ഒരു സ്വകാര്യദൗത്യം.[9]
28 മാർച്ച് 2022 മരിച്ച നക്ഷത്രം പുനർജനിക്കുന്നത് ആദ്യമായി ചിത്രീകരിച്ചു. [10]
17 മാർച്ച് 2022 ഉക്രൈൻ യുദ്ധത്തിന്റെ പശ്ചാത്തലത്തിൽ എക്സോ മാർസ് ദൗത്യം താൽകാലികമായി നിർത്തിവെച്ചു.[11]
16 മാർച് 2022 ജയിംസ് വെബ് ബഹിരാകാശ ദൂരദർശിനിയുടെ ഫൈൻ ഫേസിങ് വിന്യാസം പൂർത്തിയായി.[12]
25 ഫെബ്രുവരി 2022 പ്രോക്സിമ സെന്റൗറിക്ക് മൂന്നാമതൊരു ഗ്രഹം കൂടി കണ്ടെത്തി.[13]
19 ഫെബ്രുവരി 2022 കോടിക്കണക്കിന് വർഷങ്ങൾക്ക് മുമ്പ് ക്ഷീരപഥവുമായുള്ള കൂട്ടിയിടിയിൽ തകർന്ന ഒരു കുള്ളൻ ഗാലക്സിയുടെ യഥാർത്ഥ പിണ്ഡവും വലുപ്പവും ജ്യോതിശാസ്ത്രജ്ഞർ ആദ്യമായി കണക്കാക്കി.[14]
7 ഫെബ്രുവരി 2022 സ്റ്റാൻന്റേഡ് മോഡൽ അനുസരിച്ച് കണക്കാക്കാൻ കഴിയുന്നതിനേക്കാൾ കൂടുതൽ ഡിസ്ക്ഗാലക്സികൾ ഉള്ളതായി പുതിയ പഠനം.[15]
25 ജനുവരി 2022 നെപ്റ്റ്യൂണിന്റെ വലിപ്പമുള്ള സൗരയൂഥേര ചന്ദ്രനെ കണ്ടെത്തി.[16]
9 ജനുവരി 2022 ജയിംസ് വെബ് ബഹിരാകാശ ദൂരദർശിനിയിലെ പ്രാഥമിക ദർപ്പണത്തിന്റെ വിന്യാസം പൂർത്തിയായി.[17]
7 ജനുവരി 2022 നക്ഷത്രരൂപീകരണം മുൻപു കരുതിയിരുന്നതിനേക്കാൾ വേഗത്തിൽ നടക്കുന്നതായി സൂചന.[18]

ഫെബ്രുവരി 2023ലെ ജ്യോതിശാസ്ത്രസംഭവങ്ങൾ

എല്ലാ സമയങ്ങളും GMT യിൽ

2023 ഫെബ്രുവരി 1 : സ്‌പേസ് എക്‌സ് ഫാൽക്കൺ 9 റോക്കറ്റ് കെന്നഡി സ്‌പേസ് സെന്ററിൽ നിന്ന് സ്റ്റാർലിങ്ക് ഉപഗ്രഹങ്ങളുടെ പുതിയൊരു ബാച്ച് വിക്ഷേപിക്കും.
2023 ഫെബ്രുവരി 2 : ധൂമകേതു C/2022 E3 (ZTF) ഭൂമിയുടെ 420 ലക്ഷം കി.മീ സമീപത്തുകൂടി കടന്നുപോകും.
2023 ഫെബ്രുവരി 6 : അമാവാസി
അവിട്ടം ഞാറ്റുവേല തുടങ്ങും
2023 ഫെബ്രുവരി 13 : കുംഭസംക്രമം
2023 ഫെബ്രുവരി 19 : ചതയം ഞാറ്റുവേല തുടങ്ങും
2023 ഫെബ്രുവരി 21 : അമാവാസി

വർഗ്ഗങ്ങൾ

മദ്ധ്യകേരളത്തിൽ ഈ മാസം 15ന് രാത്രി 8മണിക്കുള്ള ഗ്രഹസ്ഥാനങ്ങൾ

ഗ്രഹം ഖഗോളരേഖാംശം അവനമനം ദിഗംശം ഉന്നതി ഭൂമിയിൽ നിന്നുള്ള ദൂരം കാന്തിമാനം ഉദയം അസ്തമയം രാശി
ബുധൻ 20മ.34മി.7സെ. -20°2'32" 252°43മി.46സെ. -41°-29'-5" 1.23 AU -0.18 5.32 am 5.07 pm കുംഭം
ശുക്രൻ 23മ.40മി.29സെ. -3°23'47" 265°29മി.8സെ. 5°25'17" 1.44 AU -3.89 8.25 am 8.25 pm കുംഭം
ചൊവ്വ 4മ.50മി.18സെ. +25°3'1" 337°53മി.10സെ. 74°32'11" 1.01 AU 0.12 1.10 pm 1.57 am ഇടവം
വ്യാഴം 0മ.34മി.44സെ. +2°30'22" 268°45മി.35സെ. 19°51'34" 5.64 AU -2.13 9.13 am 9.24 pm മീനം
ശനി 22മ.0മി.57സെ. -13°29'8" 259°30മി.28സെ. -20°-29'-2" 10.81 AU 0.79 6.51 am 6.34 pm കുംഭം
യുറാനസ് 2മ.51മി.17സെ. -16°41'1" 252°33മി.52സെ. 54°31'48" 19.84 AU 5.77 11.18 am 11.51 pm മേടം
നെപ്റ്റ്യൂൺ 23മ.40മി.5സെ. -3°25'44" 265°28മി.22സെ. 5°19'10" 30.78 AU 7.95 8.23 am 8.24 pm മീനം

കേരളത്തിലെ ഈ മാസത്തെ ആകാശം

Sky map 2023 february.svg

2023 ഫെബ്രുവരി 15ന് രാത്രി 8 മണിക്ക് മദ്ധ്യകേരളത്തിൽ കാണാൻ കഴിയുന്ന ആകാശം

Purge server cache

"https://ml.wikipedia.org/w/index.php?title=കവാടം:ജ്യോതിഃശാസ്ത്രം&oldid=3695045" എന്ന താളിൽനിന്ന് ശേഖരിച്ചത്