കരൺ ഥാപ്പർ
കരൺ ഥാപ്പർ | |
|---|---|
.jpg) ഥാപ്പർ 2019-ൽ | |
| ജനനം | 5 നവംബർ 1955 വയസ്സ്) |
| അൽമ മേറ്റർ | പെംബ്രോക്ക് കോളേജ്, കേംബ്രിഡ്ജ് സർവകലാശാല (BA) സെന്റ് ആന്റണീസ് കോളേജ്, ഓക്സ്ഫോർഡ് യൂണിവേഴ്സിറ്റി (PhD) |
| തൊഴിൽ(s) | പത്രപ്രവർത്തകൻ, വാർത്ത അവതാരകൻ |
| തൊഴിൽദാതാവ് | ദ വയർ |
| Notable credit(s) | ഡെവിൾസ് അഡ്വക്കേറ്റ്'' ഇന്ത്യ ടുനൈറ്റ് ദ ലാസ്റ്റ് വേഡ് ഫെസ് ടു ഫേസ് (BBC) ഹാർഡ്ടോക്ക് ഇന്ത്യ (BBC) ടു ദ പോയിന്റ്. |
| Father | പ്രാൺ നാഥ് ഥാപ്പർ |
| ബന്ധുക്കൾ | ദയാ റാം ഥാപ്പർ (അമ്മാവൻ) റൊമേഷ് ഥാപ്പർ (കസിൻ) റോമില ഥാപ്പർ (കസിൻ) |
ദി വയർ എന്ന വാർത്താ മാധ്യമത്തോടൊപ്പം പ്രവർത്തിക്കുന്ന ഇന്ത്യയിലെ ശ്രദ്ധിക്കപ്പെടുന്ന ടെലിവിഷൻ പ്രക്ഷേപകനും പംക്തി എഴുത്തുകാരനുമാണ് കരൺ ഥാപ്പർ (ജനനം:നവംബർ 5,1955). സിഎൻഎൻ-ഐബിഎന്നിൽ പ്രവർത്തിച്ചിരുന്ന ഥാപ്പർ ദി ഡെവിൾസ് അഡ്വക്കേറ്റ്, ദി ലാസ്റ്റ് വേഡ് എന്നീ പരിപാടികളുടെ അവതാരകനായിരുന്നു. ബുദ്ധദേബ് ഭട്ടാചാര്യ, നരേന്ദ്ര മോദി, ഷാരൂഖ് ഖാൻ എന്നിവരുൾപ്പെടെയുള്ള പ്രമുഖർ അദ്ദേഹം അഭിമുഖം നടത്തിയ ചില സെലിബ്രിറ്റികളാണ്. ഇന്ത്യാ ടുഡേയുമായും ബന്ധപ്പെട്ടിരുന്ന അദ്ദേഹം, ടു ദി പോയിന്റ്, നത്തിംഗ് ബട്ട് ദി ട്രൂത്ത് എന്നീ ഷോകളുടെ അവതാരകനും, ഇന്റർവ്യൂ വിത്ത് കരൺ ഥാപ്പർ എന്ന തന്റെ ഷോയിൽ ദി വയറുമായുള്ള അഭിമുഖങ്ങളുടെ ഒരു പ്രത്യേക പരമ്പരയും ചെയ്യുന്നു.[1][2] ജനറൽ പി.എൻ ഥാപ്പറിന്റെ ഏറ്റവും ഇളയ മകനായി ഇന്ത്യയിലെ ശ്രീനഗറിലാണ് അദ്ദേഹത്തിന്റെ ജനനം.
ആദ്യകാലം
[തിരുത്തുക]മുൻ കരസേനാ മേധാവി ജനറൽ പ്രാൺ നാഥ് ഥാപ്പറിന്റെയും അദ്ദേഹത്തിന്റെ ഭാര്യ ബിമല ഥാപ്പറിന്റെയും ഇളയ മകനാണ് കരൺ ഥാപ്പർ. പരേതനായ പത്രപ്രവർത്തകൻ റോമേഷ് ഥാപ്പർ അദ്ദേഹത്തിന്റെ കസിൻ ആയിരുന്നു. ചരിത്രകാരിയായ റോമില ഥാപ്പറിന്റെ കസിൻ കൂടിയാണ് കരൺ ഥാപ്പർ.[3] പ്രധാനമന്ത്രി മുൻ പ്രധാനമന്ത്രി ജവഹർലാൽ നെഹ്റുവിന്റെ കുടുംബവുമായും ഥാപ്പർ അകന്ന ബന്ധമുള്ളയാളാണ്. നെഹ്റുവിന്റെ അനന്തരവളും എഴുത്തുകാരിയുമായിരുന്ന നയൻതാര സഹ്ഗാൾ, അദ്ദേഹത്തിന്റെ അമ്മ ബിമല ഥാപ്പറിന്റെ സഹോദരൻ ഗൗതം സഹ്ഗാളിനെയാണ് വിവാഹം കഴിച്ചിരുന്നത്.[4]
വിദ്യാഭ്യാസം
[തിരുത്തുക]ഡെറാഡൂണിലെ ഡൂൺ സ്കൂളിലെ പൂർവ്വവിദ്യാർത്ഥിയായ കരൺ സ്കൂൾ മാസികയായ ദി ഡൂൺ സ്കൂൾ വീക്കിലിയുടെ എഡിറ്റർ-ഇൻ-ചീഫ് ആയിരുന്നു.[5] 1977 ൽ കാംബ്രിഡ്ജിലെ പെംബ്രോക്ക് കോളേജിൽ നിന്നും സാമ്പത്തിക ശാസ്ത്രത്തിലും രാഷട്രീയ തത്ത്വശാസ്ത്രത്തിലും ബിരുദം കർസ്ഥമാക്കി.[6] അതേ വർഷം തന്നെ കേംബ്രിഡ്ജ് യൂണിയന്റെ പ്രസിഡന്റായും സേവനമനുഷ്ഠിച്ചു.[7] ഓക്സ്ഫോർഡിലെ സെന്റ് ആന്റണീസ് കോളേജിൽ നിന്ന് രാഷ്ട്രാന്തരീയ ബന്ധങ്ങളിൽ ഡോക്ട്രേറ്റും ഥാപ്പർ നേടി.[8]
മാധ്യമ രംഗത്ത്
[തിരുത്തുക]
ദ ടൈംസിലാണ് കരൺ ഥാപ്പറിന്റെ തുടക്കം. നൈജീരിയയിലെ ലാഗോസിലായിരുന്നു ആദ്യ നിയമനം. 1981ൽ ടൈംസിന്റെ തന്നെ ഇന്ത്യൻ ഉപഭൂഖണ്ഡത്തിലേക്കുള്ള ലീഡർ റൈറ്ററായി തിരഞെടുക്കപ്പെട്ടു. 1982 ൽ 'ലണ്ടൻ വീക്കെൻഡ് ടെലിവിഷനിൽ' ചേർന്നു. അവിടെ പതിനൊന്ന് വർഷത്തോളം ജോലിചെയ്യുകയുണ്ടായി. പിന്നീട് ഇന്ത്യയിലേക്ക് വന്ന അദ്ദേഹം 'ഹിന്ദുസ്ഥാൻ ടൈംസ് ടെലിവിഷൻ ഗ്രൂപ്പ്,'ഹോം ടിവി, 'യുനൈറ്റഡ് ടെലിവിഷൻ എന്നിവിടങ്ങളിൽ ജോലിചെയ്തു. 2001 ൽ കരൺ ഥാപ്പർ തന്റെ സ്വന്തം നിയന്ത്രണത്തിൽ 'ഇൻഫോടൈന്മെന്റ് ടെലിവിഷൻ' ആരംഭിച്ചു. ബി.ബി.സി, ദൂരദർശൻ, 'ചാനൽ ന്യൂസ് ഏഷ്യ' എന്നിവക്ക് പരിപാടികൾ നിർമ്മിക്കുന്ന ടെലിവിഷനാണ് ഇൻഫോടൈന്മെന്റ് ടെലിവിഷൻ'. ഇന്ത്യയിലെ പ്രമുഖരായ രാഷട്രീയക്കാരെയും പ്രശസ്തരായ വ്യക്തികളേയും തന്റെ സ്വതസ്സിദ്ധവും കടന്നാക്രമണ സ്വഭാവത്തോടെയമുള്ള ശൈലിയിലുടെ അഭിമുഖം നടത്തി ശ്രദ്ധിക്കപ്പെട്ട കരൺ ഥാപ്പർ കപിൽ ദേവ് (ആ അഭിമുഖത്തിൽ കപിലിന് കണ്ണുനീർ വന്നു), ജോർജ് ഫെർണാണ്ടസ്, ജയലളിത, മൻമോഹൻ സിംഗ്, ബേനസീർ ഭൂട്ടോ, പർവേസ് മുഷറഫ്, കോണ്ടലീസ റൈസ്, ദലൈ ലാമ, നരേന്ദ്ര മോദി (ഈ അഭിമുഖത്തിൽ ഗുജറാത്തു കലാപവുമായി ബന്ധപ്പെട്ട ചോദ്യം ചോദിച്ചതിന് മോദി ഇറങ്ങിപ്പോവുകയായിരുന്നു) എന്നിവരുമായി നടത്തിയ അഭിമുഖങ്ങൾ പ്രത്യേകം ഓർമ്മിക്കപ്പെടുന്നവയാണ്. രാം ജത്മലാനിയുമായി ഡെവിൽ അഡ്വക്കറ്റ് എന്ന പരിപാടിയിലെ അഭിമുഖവും ചർച്ച ചെയ്യപ്പെട്ട ഒന്നാണ്.
ശ്രദ്ധിക്കപ്പെട്ട പരിപാടികൾ
[തിരുത്തുക]'ഹാർഡ് ടാക്ക് ഇന്ത്യ',ഐ വിറ്റ്നസ്(ദൂരദർശൻ), 'ഡെവിൽസ് അഡ്വക്കറ്റ്'(സി.എൻ.എൻ -ഐ.ബി.എൻ),'ടുനൈറ്റ് അറ്റ് ടെൻ'(സി.എൻ.ബി.സി).
പംക്തി എഴുത്ത്
[തിരുത്തുക]ഹിന്ദുസ്ഥാൻ ടൈംസിലെ കരൺ ഥാപ്പറിന്റെ പംക്തിയായ 'സൻഡെ സെന്റിമെന്റ്സ്' അനേകം വായനക്കാരുള്ള ഒരു പംക്തിയാണ്.
വിമർശനങ്ങൾ
[തിരുത്തുക]അഭിമുഖം നടത്തപ്പെടുന്ന വ്യക്തിക്ക് പറയാനുള്ള അവസരം നൽകാതെ ഇടക്ക് കയറി തടസ്സപെടുത്തുന്ന ആളാണ് കരൺ ഥാപ്പർ എന്ന് ചിലർ അദ്ദേഹത്തെ വിമർശിക്കാറുണ്ട്. ഹിന്ദുസ്ഥാൻ ടൈംസിൽ എഴുതിയ ഒരു ലേഖനത്തിലൂടെ നരേന്ദ്ര മോദിയെ ഉടനെ നീക്കം ചെയ്യണം എന്ന് ആവശ്യപ്പെട്ടതും വിമർശന വിധേയമായിട്ടുണ്ട്.
അതേ സമയം ശക്തമായ തെളിവുകളൊടെയും കാര്യങ്ങളെ ശരിക്കു പഠിച്ചുമാണ് ഥാപ്പർ അഭിമുഖം നടത്താറുള്ളത് എന്നും വിലയിരുത്തുന്നു.
അംഗീകാരങ്ങൾ
[തിരുത്തുക]പുറം കണ്ണികൾ
[തിരുത്തുക]- Karan Thapar interviews former Indian Minister of External Affairs on Peace with Pakistan
- Karan Thapar wins 'Best Current Affairs Presenter' in 2005
- Karan Thapar wins Two Asian Television Awards Archived 2013-12-09 at the Wayback Machine in The Hindu
- Karan Thapar talks to Outlook India
- Jayalalitha's Interview to BBC World's HARDtalk India
- Karan Thapar Interviewed by Karan Johar Archived 2008-06-07 at the Wayback Machine
- Karan Thapar Interviewed by Arun Jaitley Archived 2009-05-11 at the Wayback Machine
അവലംബം
[തിരുത്തുക]- ↑ "Karan Thapar". The Wire. Retrieved 2020-10-20.
- ↑ The two faces of Mr. Modi
- ↑ "When the Devil's Advocate has the Last Word". Retrieved 25 January 2016.
- ↑ Singh, Nandita (2 January 2019). "Why is Karan Thapar complaining? His dynasty holds a key to Lutyens' Delhi". The Print. Retrieved 2 April 2019.
- ↑ History of the Weekly, The Doon School publications (2009) p.41
- ↑ "The man who lived in interesting times". 25 August 2018.
- ↑ "'Cambridge: A place where I had a bloody good time!'".
- ↑ "Bombay - Talk by Karan Thapar".
- ↑ "Karan Thapar - Infotainment Television". Infotainment Television. Archived from the original on 2016-10-26. Retrieved 25 April 2014.
- ↑ "Karan Thapar wins journalism award". The Hindu. 7 October 2013. Retrieved 25 April 2014.