കരിന്തലയൻ‌മീൻ‌കൊത്തി

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search

കരിന്തലയൻ‌മീൻ‌കൊത്തി
Halcyon pileata - Phra Non.jpg
Scientific classification
Kingdom: Animalia
Phylum: Chordata
Class: Aves
Order: Coraciiformes
Family: Halcyonidae
Genus: Halcyon
Species: H. pileata
Binomial name
Halcyon pileata
(Boddaert, 1783)

കരിന്തലയൻ മീൻകൊത്തി യുടെ ശാസ്ത്രീയ നാമം Halcyon pileata എന്നും ഇംഗ്ലീഷിലെ പേര് Black-capped Kingfisher എന്നുമാൺ. ഏഷ്യയുടെ ഭൂമദ്ധ്യരേഖയോടടുത്ത ഭാഗങ്ങളിൽ ഭാരതം മുതൽ ചൈന, കൊറിയ, തെക്കു കിഴക്കൻ ഏഷ്യ വരെ കാണപ്പെടുന്നു. അതതു സ്ഥലത്തെ സ്ഥിരതാമസക്കാരാൺ. എന്നാൽ വടക്കുഭാഗത്തുള്ളവർ തണുപ്പുകാലത്ത് ശ്രീലങ്ക, തായ്‌ലാന്റ്, ബൊർണിയോ, ജാവ എന്നിവിടങ്ങിലേക്കൊക്കെ ഇവ ദേശാടനം നടത്താറുണ്ട്.

രൂപവിവരണം[തിരുത്തുക]

ഇതൊരു 28 സെ.മീറ്റർ നീളമുള്ള വലിയ മീങ്കൊത്തിയാണ്. മുതിർന്നകവയ്ക്ക് വയലറ്റു കലർന്ന നീല നിറമുള്ള പുറകും കറുത്ത തലയും തോളും വെള്ളകഴുത്തുമുണ്ട്. അടിവശം ചെങ്കല്ലിന്റെ നിറമാൺ. നല്ല ചുവന്ന നിറത്തിലുള്ള വലിയ കൊക്കും കാലുകളുമുണ്ട്. പറക്കുമ്പോൾ നീലയും കറുപ്പും കലർന്ന ചിറകിൽ വെളുത്ത നിറം കാണാവുന്നതാണ്.

പൂവനും പിടയും ഒരേ പോലെയാൺ. എന്നാൽ പ്രായമായാത്തവയ്ക്ക് പ്രായപൂർത്തിയായവയുടേതിനേക്കാൾ മങ്ങിയ നിറമാണുള്ളത്.

ഭക്ഷണം[തിരുത്തുക]

സാധാരണ വലിയ പ്രാണികളാൺ ഭക്ഷണം. എന്നാൽ കടലിനോടടുത്ത് താമസിക്കുന്നവ മത്സ്യങ്ങളേയും തവളകളേയും ഭക്ഷിക്കും.

പ്രജനനം[തിരുത്തുക]

മണ്ണിലുള്ള തുരങ്കമായാണ് കൂടുണ്ടാക്കുന്നത്. ഉരുണ്ട വെളുത്ത 4-5 മുട്ടകളിടും.

ചിത്രശാല[തിരുത്തുക]

അവലംബം[തിരുത്തുക]

  • കേരളത്തിലെ പക്ഷികൾ - ഇന്ദുചൂഡൻ, കേരള സാഹിത്യ അക്കാദമി
  • Birds of periyar – ആർ. സുഗതൻ, കേരള വനം-വന്യജീവി വകുപ്പ്
"https://ml.wikipedia.org/w/index.php?title=കരിന്തലയൻ‌മീൻ‌കൊത്തി&oldid=2684195" എന്ന താളിൽനിന്നു ശേഖരിച്ചത്