കമല നെഹ്രു

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
കമല നെഹ്രു
കമല നെഹ്രു
ജനനം(1899-08-01)1 ഓഗസ്റ്റ് 1899
Delhi
മരണം28 ഫെബ്രുവരി 1936(1936-02-28) (aged 36)
Lausanne, Switzerland
ദേശീയതIndian
ജീവിത പങ്കാളി(കൾ)ജവഹർലാൽ നെഹ്രു
കുട്ടി(കൾ)ഇന്ദിരാ ഗാന്ധി

കമല കൗൾ നെഹ്രു (कमला कौल नेहरू About this soundpronunciation ; ഓഗസ്റ്റ് 1 1899 – ഫെബ്രുവരി 28 1936) സ്വാതന്ത്ര്യസമരസേനാനിയും ജവഹർലാൽ നെഹ്രുവിന്റെ പത്നിയുമായിരുന്നു. ഏക മകൾ ഇന്ദിരാ ഗാന്ധിയും ചെറുമകൻ രാജീവ്‌ ഗാന്ധിയും പിന്നീട്‌ ഇന്ത്യയുടെ പ്രധാനമന്ത്രിസ്ഥാനം വഹിച്ചിട്ടുണ്ട്‌.

1899 ഓഗസ്റ്റ് 1-ന് ദില്ലിയിലെ കാശ്മീരി ബ്രാഹ്മണകുടുംബത്തിൽ ജവഹർലാൽമൽ -രാജ്പതി കൗൾ ദമ്പതികളുടെ മൂത്തമകളായി ജനിച്ചു. ചാന്ദ് ബഹാദൂർ കൗൾ, കൈലാസ് നാഥ് കൗൾ( കേന്ദ്ര വിദ്യാഭ്യാസവകുപ്പുമന്ത്രിയായിരുന്ന ഷീലാ കൗളിന്റെ ഭർത്താവ്) എന്നിവർ സഹോദരരും സ്വരൂപ് കട്ജു സഹോദരിയും ആയിരുന്നു. പതിനേഴാമത്തെ വയസിൽ ജവഹർലാൽ നെഹ്രുവിനെ വിവാഹം കഴിച്ചു. [1] അവർ 1917 നവംബർ 17-ന് ഇന്ദിരാ പ്രിയദർശിനിക്ക് ജന്മം നൽകി. 1924 നവംബറിൽ ഒരു ആൺകുഞ്ഞും ജനിച്ചുവെങ്കിലും ആ കുഞ്ഞു് ഒരാഴ്ചയേ ജീവിച്ചിരുന്നുള്ളൂ[1]

1918-ൽ നെഹ്രു, കമലയോടും ഇന്ദിരാ പ്രിയദർശിനിയോടുമൊപ്പം

സ്വാതന്ത്ര്യ സമരം[തിരുത്തുക]

1921-ൽ നിസ്സഹകരണപ്രസ്ഥാനത്തിന്റെ ഭാഗമായി ഒരു സംഘം സ്ത്രീകളുമൊത്ത് അലഹബാദിലെ വിദേശ തുണിത്തരങ്ങളും വിദേശമദ്യവും വിൽക്കുന്ന കടകൾ ഉപരോധിച്ചു. സ്വാതന്ത്ര്യ സമരത്തിൽ പങ്കെടുത്തതിന് രണ്ട് പ്രാവശ്യം അറസ്റ്റ് ചെയ്യപെട്ടിട്ടുണ്ട്.

കമലാ നെഹറുവിന്റെ സ്മരണാത്ഥം കേരളത്തിലുള്ള സ്ഥാപനങ്ങൾ[തിരുത്തുക]

കേരളത്തിലെ തൃശൂർ ജില്ലയിൽ വാടാനപ്പള്ളി പഞ്ചായത്തിൽ തൃത്തല്ലൂർ പ്രദേശത്ത് സ്ഥിതി ചെയ്യുന്ന കമലാ നെഹറു മെമ്മോറിയൽ വൊക്കേഷണൽ ഹയർ സെക്കൻഡറി സ്ക്കൂൾ കമലാ നെഹറുവിന്റെ സ്മരണാർത്ഥം 1955 ൽ ആരംഭിച്ചിട്ടുള്ളതാണ് .ഈ വിദ്യാലയത്തിന് തറക്കകല്ലിട്ടത് ശ്രീ്മതി ഇന്ദിരാ ഗാന്ധിയാണ് .ഈ വിദ്യായാലത്തിന്റെ ഉദ്ഘാടനം നിർവഹിച്ചത് കേരളത്തിന്റെ ആദ്യത്തെ ഗവർണ്ണർ ആയ ബി രാമകൃഷ്ണ്ണ റാവു ആണ്

മരണം[തിരുത്തുക]

ക്ഷയരോഗബാധിതയായിരുന്ന കമല 1936 ഫിബ്രുവരി 28-ന് സ്വിറ്റ്സർലാന്റിലെ ലൂസാനിൽ നിര്യാതയായി. .

അവലംബം[തിരുത്തുക]

  1. 1.0 1.1 "From years 1916 to 1964...The man and the times". The Windsor Star. 27 May 1964. ശേഖരിച്ചത്: 19 January 2013.
"https://ml.wikipedia.org/w/index.php?title=കമല_നെഹ്രു&oldid=2743245" എന്ന താളിൽനിന്ന് ശേഖരിച്ചത്