കന്നുകാലി ഗവേഷണകേന്ദ്രം, തിരുവിഴാംകുന്ന്

വിക്കിപീഡിയ, ഒരു സ്വതന്ത്ര വിജ്ഞാനകോശം.
തിരുവിഴാംകുന്ന് കാലിഫാം
Research Station
ഫാമിന്റെ ഭൂപടം
ഫാമിന്റെ ഭൂപടം
Country India

കേരളത്തിലെ പാലക്കാട് ജില്ലയിലെ തിരുവിഴാംകുന്ന് എന്ന സ്ഥലത്ത് സ്ഥിതി ചെയ്യുന്ന സ്ഥാപനമാണ് കന്നുകാലി ഗവേഷണകേന്ദ്രം, തിരുവിഴാംകുന്ന്. വേൾഡ് വൈഡ് യൂണിവേഴ്സിറ്റി നെറ്റ് വർക്കിന് കീഴിലെ ഏഷ്യയിലെ ഏറ്റവും വലിയ കന്നുകാലി ഗവേഷണകേന്ദ്രമാണിത്. സംഘടനയുടെ ആറ് അന്താരാഷ്ട്ര ഗവേഷണസ്ഥാപനങ്ങളിലൊന്നായി ഇത് അംഗീകാരം നേടി.[1] വയനാട്ടിലെ പൂക്കോട് സ്ഥിതി ചെയ്യുന്ന കേരള വെറ്ററിനറി ആന്റ് അനിമൽ സയൻസ് സർവകലാശാലക്ക് കീഴിലെ കേരളത്തിലെ മികച്ച കന്നുകാലി ഗവേഷണ കേന്ദ്രം കൂടിയാണിത്. കേരള സർക്കാറിന്റെ കാർഷിക വകുപ്പിന് കീഴിലുള്ള ഗവേഷണ സ്ഥാപനം കൂടിയാണ് ഈ കേന്ദ്രം.[2] പാലക്കാട് ജില്ലയിൽ മണ്ണാർക്കാട് താലൂക്കിലെ തിരുവിഴാംകുന്ന് എന്ന പ്രദേശത്ത് സ്ഥിതി ചെയ്യുന്നു. 500 ഓളം ഹെക്ടർ വരുന്ന സർക്കാറധീന വനമേഖലയ്ക്കകത്താണ് കന്നുകാലി ഗവേഷണ കേന്ദ്രം സ്ഥിതിചെയ്യുന്നത്. ഒരു കിലോമീറ്റർ നീളത്തിൽ വെള്ളിയാർ പുഴ ഇതിനകത്തുകൂടെ ഒഴുകുന്നു. വിവിധവകുപ്പുകളിലായി എട്ട്പേരും എരുമ നെറ്റ്‌വർക്ക് പദ്ധതിയുടെ ഭാഗമായ രണ്ട് പേരും ഉൾപ്പെടെ പത്ത് ശാസ്ത്രജ്ഞർ സേവനമനുഷ്ടിക്കുന്നു. 1972 മുതൽ കേരള കാർഷിക സർവ്വകലാശാലക്ക് കീഴിലെ പ്രധാന കന്നുകാലി ഗവേഷണ കേന്ദ്രമായിരുന്നു. ഇന്ത്യയിലെ ആദ്യത്തെ കോഴി വളർത്തൽ ഗവേഷണ വിഭാഗം(poultry science faculty)കേരള വെറ്ററിനറി ആന്റ് അനിമൽ സയൻസ് സർവകലാശാലക്ക് കീഴിലെ ഈ സ്ഥാപനത്തില് ആരംഭിക്കുകയാണ്. കോഴിവളർത്തലുമായി ബന്ധപ്പെട്ട എല്ലാ ഗവേഷണങ്ങളും ഇവിടെ നടക്കുന്നു[3]

ചരിത്രം[തിരുത്തുക]

കന്നുകാലി ഗവേഷണകേന്ദ്രം കവാടം

മദിരാശി സർക്കാർ 1950 ആരംഭിച്ചതാണ് ഈ കേന്ദ്രം. പെരിന്തൽമണ്ണ കേന്ദ്രീകരിച്ചുള്ള മൃഗസംരക്ഷണ വികസനപദ്ധതിക്കു കീഴിലായിരുന്നു ഈ സ്ഥാപനം തുടങ്ങിയത്.1950ൽ ജില്ലാ കന്നുകാലി ഫാമായി പെരിന്തൽമണ്ണയിൽ ആയിരുന്നു പ്രവർത്തനം. 1956 ജൂണിൽ ൽ പെരിന്തൽമണ്ണയിൽനിന്ന് ആസ്ഥാനം സൈലന്റ്വാലിയോട് ചേർന്നുള്ള പ്രകൃതി രമണീയമായ തിരുവിഴാംകുന്നിലേക്ക് മാറ്റുകയും കേരള സർക്കാറിന് കീഴിലെ മൃഗസംരക്ഷണ വകുപ്പിന് കീഴിലാക്കുകയും ചെയ്തു. 1972 ഫെബ്രുവരിയിൽ മണ്ണുത്തി കേരള കാർഷിക സർവ്വകാലാശാലക്ക് കൈമാറി. 1978 ജൂലൈ 14 ന് ഗവേഷണ കേന്ദ്രം പുന:സംവിധാനിച്ചു. 1983 മുതൽ AICRP (All India Coordinated Research Projects)[4] ന്റെ കീഴിലെ കാർഷിക വനമേഖലയാണ്. അപൂർയിനം സസ്യങ്ങളുടെയും മരങ്ങളുടെയും സജീവസാന്നിദ്ധ്യമുള്ള കാർഷിക വനഭൂമിയായി ഈ പ്രദേശത്തെ അംഗീകരിക്കുകയും ഗവേഷണപ്രവർത്തനങ്ങൾ നടന്നു വരികയും ചെയ്യുന്നു. കൂടുതൽ കാര്യക്ഷമമായ ഭാവി പ്രവർത്തനങ്ങൾക്കായി നബാർഡിന് വേണ്ടി വെറ്റിനറി വകുപ്പ് തയ്യാറാക്കിയ നിർദ്ദേശങ്ങളിലും ഈ പ്രൊജക്ട് പരാമർശിക്കുന്നു.[5]. 2011 മെയ് ഒന്നിന് തിരുവിഴാകുന്ന് കന്നുകാലി ഗവേഷണ കേന്ദ്രം വെറ്ററിനറി ആന്റ് അനിമൽ സയൻസ് സർവകലാശാലക്ക് കീഴിലേക്ക് മാറ്റിയതായി സർക്കാർ വിജ്ഞാപനം ചെയ്തു.[6].

2013 ൽ വേൾഡ് വൈഡ് യൂണിവേഴ്സിറ്റി നെറ്റ് വർക്കിൻറെ അന്താരാഷ്ട്ര ഗേവഷണസ്ഥാപനമായി അംഗീകരിച്ചു. . 2013 മെയ് 30 ഉന്നതതല സംഘം കേന്ദ്രം സന്ദർശിക്കുകയും ഭാവിപദ്ധതികൾ ആസൂത്രണം നടത്തുകയും ചെയ്തു. നെറ്റ്‌വർക്കിൽ അംഗമായ യൂണിവേഴ്‌സിറ്റി ഓഫ് ഓസ്‌ത്രേലിയ പ്രതിനിധി ഡോ.ഡ്രാമെ മാർട്ടിൻ, ബ്രിസ്റ്റൾ യൂണിവേഴ്‌സിറ്റി പ്രതിനിധികളായ ഡോ.ഡിക്കൽ ലീ, ഡോ.ജോൺ ടാൾഡൻ, ലീഡ്‌സ് യൂണിവേഴ്‌സിറ്റി പ്രതിനിധി ഡോ.ഹെൻഡ്രിഗ്രേറ്റ്‌ഹെഡ്, ഐ.സി.എ.ആർ. പ്രതിനിധി ഡോ.സൈജൻ, എന്റർപ്രണർഷിപ്പ് ഡയറക്ടർ ഡോ.എസ്.രാംകുമാർ, സി.എ.ആർ. പ്രതിനിധി ഡോ.ശശീന്ദ്രനാഥ് എന്നിവരാണ് സംഘത്തിലുണ്ടായിരുന്നത്.

ലക്ഷ്യം[തിരുത്തുക]

പശ്ചിമഘട്ട മല നിരകൾ ഫാമിൽ നിന്നുള്ള ദൃശ്യം
  • ശാസ്ത്രീയമായ രീതിയിലുള്ള മൃഗസംരക്ഷണം, പരിപാലനം, ശാസ്ത്രീയ ഗവേഷണപ്രവർത്തനങ്ങൾ നടത്തുകയും അവ പ്രായോഗികമായി പരീക്ഷിക്കുക,
  • കന്നുകാലികൾക്കാവശ്യമായ കാലിത്തീറ്റകളും മറ്റു പോഷക ഭക്ഷണങ്ങളും ശാസ്ത്രീയവും പ്രകൃതിപരവുമായി തയ്യാറാക്കുക.വിദ്യാർഥികൾക്കായി പ്രത്യേകം ക്ലാസുകളും നടത്തുക.
  • പാലുൽപാദനത്തിനും മറ്റുമായി കൂടുതൽ കാര്യക്ഷമതയുള്ള ഇനങ്ങളെ ഇവിടെ സംരക്ഷിക്കുന്നു.Holstein. ജേഴ്സി, സ്വിസ് ബ്രൗൺ തുടങ്ങിയ അനേകം മേത്തരം ഇനങ്ങളിലായി 274കന്നുകാലികൾ ഇവിടെയുണ്ട്.
  • അന്താരാഷ്ട്രനിലവാരം കൈവരിക്കുന്നതോടെ കൂടുതൽ ലക്ഷ്യങ്ങൾ കൈവരിക്കാനിരിക്കുകയാണ്. 2050 ഓടെ മാതൃക കന്നുകാലി ഫാം സാക്ഷാൽകരിക്കുക എന്ന ലക്ഷ്യത്തോടെയാണ് സ്ഥാനത്തെ അംഗീകരിച്ചിരിക്കുന്നത്.
  • മൃഗസംരക്ഷണമേഖലയെ ശക്തമാക്കി ഭാവിയിൽ ഭക്ഷ്യസുരക്ഷ ഉറപ്പുവരുത്താനുള്ള അന്താരാനഷ്ര്ട പഠനങ്ങളാണ് ഗവേഷണ കേന്ദ്രത്തിൽ നടക്കുകയെന്ന് കേന്ദ്രം മേധാവി പ്രൊഫ. ഡോ.സ്റ്റീഫൻമാത്യു അറിയിച്ചു. കാലാവസ്ഥാവ്യതിയാനങ്ങളുടെ അതിജീവനം, ഓർഗാനിക്ഫാമിങ് എന്നിവരുടെ പ്രചാരണത്തിനും നേതൃത്വം നൽകും. ഭാവിയിലെ മൃഗസംരക്ഷണമേഖലയെ രൂപപ്പെടുത്തിയെടുക്കാനുള്ള തിരുവിഴാംകുന്ന് കന്നുകാലിഗവേഷണകേന്ദ്രത്തിന്റെ പഠനങ്ങൾക്ക് റോത്താംസ്റ്റെഡ് ഗവേഷണകേന്ദ്രം, വെസ്റ്റൈൻ ഓസ്‌ത്രേലിയ യൂണിവേഴ്‌സിറ്റി എന്നിവയുടെ സഹകരണവുമുണ്ട്.

ഗവേഷണങ്ങളും പഠനങ്ങളും[തിരുത്തുക]

കന്നുകാലികൾക്കാവശ്യമായ പുല്ലുകൾ നട്ടുപിടിപ്പിച്ചിരിക്കുന്നു

വെറ്ററിനറി, ഡയറി സയൻസ്, ബിരുദ-ബിരുദാനന്തര വിദ്യാർഥികൾക്ക് ഇന്റേണൽ ഷിപ്പ് ട്രെയിനിങ്, വൊക്കേഷണൽ ഹയർ സെക്കൻഡറി സ്കൂൾ വിദ്യാർഥികൾക്ക് പരിശീലനം എന്നിവ കേന്ദ്രത്തിൽ ഇപ്പോൾ നടക്കുന്നുണ്ട്. കേരള വെറ്ററിനറി ആൻഡ് സയൻസ് യൂണിവേഴ്സിറ്റിയുടെ കീഴിൽ പ്രഥമ ഡയറി സയൻസ് കോളേജായി ഉയർത്താനുള്ള ശ്രമം നടന്നു വരുന്നുണ്ട്. അലനല്ലൂർ ഗവ. വൊക്കേഷണൽ ഹയർ സെക്കൻഡറി, മലപ്പുറം കീഴുപ്പറമ്പ് ഗവ. വൊക്കേഷണൽ ഹയർ സെക്കൻഡറി എന്നീ സ്കൂളിലെ വിദ്യാർഥികളുടെ ട്രെയിനിങ് കേന്ദ്രം കൂടിയാണിത്. ഇന്ത്യൻകാർഷിക ഗവേഷണ കൗൺസിലിന്റെ സഹകരണത്തോടെ, എരുമകളിലെ വർഗോദ്ധാരണം ലക്ഷ്യമാക്കിയളള നെറ്റ്വർക്ക് പദ്ധതി വിജയകരമായി നടപ്പാക്കി. തുടർന്നു ഒട്ടേറെ പദ്ധതികൾ ഏറ്റെടുത്തു. ഇന്ന് സംസ്ഥാനത്തെ മികച്ച കന്നുകാലി ഗവേഷണ കേന്ദ്രമാണിത്. [7]

പ്രധാന പ്രവർത്തനങ്ങൾ[തിരുത്തുക]

കന്നുകാലി ഫാമീന്റെ ഉൾഭാഗം

പശു, എരുമ, ആട് എന്നീ ഇനങ്ങളിൽ നൂറ് കണക്കിന് കന്നുകാലികൾ ഗവേഷണത്തിനും മറ്റുമായി ഇവിടെയുണ്ട്. പാലുൽപാദനവും സങ്കരയിനം കന്നുകാലികളുടെ സംരക്ഷണവും ഇവിടെ നടക്കുന്നു.[8]. പാലിനും പാലുത്പന്നങ്ങൾക്കും പുറമെ നല്ലയിനം ഇറച്ചിക്കാളകളെയും ആടുകളെയും വളർത്തി വിപണിയിലെത്തിച്ച് ശ്രദ്ധേയമായിക്കൊണ്ടിരിക്കുന്നു. തീറ്റപ്പുൽകൃഷി, മാതൃകാഡയറിഫാം തുടങ്ങി വിവിധ മേഖലകളിലേക്കുകൂടി പ്രവർത്തനം വ്യാപിപ്പിക്കുകയാണെന്ന് അധികൃതർ അറിയിക്കുന്നു. [9]. ആയിരം ലിറ്ററോളം പശുവിൽ പാലും കേന്ദ്രത്തിൽ ഉൽപ്പാദിപ്പിക്കുന്നു. വൈവിധ്യവൽക്കരണത്തിന്റെ ഭാഗമായി താലൂക്കിന് വേണ്ട മുഴുവൻ പാലും തൈരും ഉൽപ്പാദിപ്പിക്കാനുള്ള ഒരുക്കത്തിലാണ്. കേരളത്തിന്റെ കാലാവസ്ഥക്ക് അനുയോജ്യമായി സുസ്ഥിര സങ്കരവർഗ കന്നുകാലി പ്രജന പരിപാടി രൂപപ്പെടുത്തുക, വളർത്തു മൃഗങ്ങളുടെ പ്രജനം, പോഷണം, പരിപാലനം എന്നിവയിൽ ഗവേഷണം മുതലായവയും നടത്തിക്കൊണ്ടിരിക്കുന്നു. ഇന്ത്യൻകാർഷിക ഗവേഷണ കൗൺസിലിന്റെ സഹകരണത്തോടെ, എരുമകളിലെ വർഗോദ്ധാരണം ലക്ഷ്യമാക്കിയളള നെറ്റ്വർക്ക് പദ്ധതി വിജയകരമായി നടപ്പാക്കി. തുടർന്നു ഒട്ടേറെ പദ്ധതികൾ ഏറ്റെടുത്തു. ഇന്ന് സംസ്ഥാനത്തെ മികച്ച കന്നുകാലി ഗവേഷണ കേന്ദ്രമാണിത്. ദൈനംദിനപ്രവർത്തനത്തിന് 61 സ്ഥിരം തൊഴിലാളികളാണുള്ളത്്. ബാക്കിയുളള പ്രവൃത്തികൾക്ക് കരാർത്തൊഴിലാളികളെയാണ് ആശ്രയിക്കുന്നത്. എന്നാൽ വേണ്ടത്രരീതിയിൽ തൊഴിലാളികളെ നിയമിക്കുന്നില്ല എന്ന ആക്ഷേപവും നിലനിൽക്കുന്നുണ്ട്.[10]

ഭാവി സ്വപ്നങ്ങൾ[തിരുത്തുക]

ഫാമിനകത്തെ വനംമേഖല
  • തിരുവിഴാംകുന്ന് കന്നുകാലിഗവേഷണകേന്ദ്രം വേൾഡ്‌വൈഡ് യൂണിവേഴ്‌സിറ്റി നെറ്റ്‌വർക്കിന്റെ (ഡബ്ല്യു.യു.എൻ.) അന്താരാനഷ്ര്ട ഗവേഷണശൃംഖലയുടെ ഭാഗമായി അംഗീകരിച്ചു. വിദേശസർവകലാശാലാപ്രതിനിധികൾ ഉൾപ്പെട്ട ഉന്നതതല സംഘം സന്ദർശിച്ചു. കൂടുതൽ ഗവേഷണ സംവിധാനങ്ങളെത്തുന്നതോടെ അന്താരാഷ്ട്ര ശ്രദ്ധയിലേക്ക് ഗവേഷണ കേന്ദ്രം ഉയരുകയാണ്.[11]
  • തിരുവിഴാംകുന്ന് കന്നുകാലി ഗവേഷണകേന്ദ്രം ഡയറി സയൻസ് കോളേജാക്കി ഉയർത്തണമെന്ന ആവശ്യത്തിന് ശക്തിയേറുന്നു. കേരള വെറ്ററിനറി ആൻഡ് സയൻസ് യൂണിവേഴ്സിറ്റിയുടെ കീഴിൽ പ്രഥമ ഡയറി സയൻസ് കോളേജായി ഉയർത്താനുള്ള ശ്രമം നടന്നിരുന്നു.ആയിരം ലിറ്ററോളം പശുവിൽ പാലും കേന്ദ്രത്തിൽ ഉൽപ്പാദിപ്പിക്കുന്നു.വൈവിധ്യവൽക്കരണത്തിന്റെ ഭാഗമായി താലൂക്കിന് വേണ്ട മുഴുവൻ പാലും തൈരും ഉൽപ്പാദിപ്പിക്കാനുള്ള ഒരുക്കത്തിലാണ് .[12]

അംഗീകാരം[തിരുത്തുക]

മുറ എന്ന പേരിലറിയപ്പെടുന്ന സങ്കരയിനം എരുമൾ
  • വേൾഡ് വൈഡ് യൂണിവേഴ്സിറ്റി നെറ്റ് വർക്കിൻറെ കീഴിലെ ഏഷ്യയിലെ ഏറ്റവും വലിയ കന്നുകാലി ഗവേഷണകേന്ദ്രമായി സ്ഥാപനത്തെ അംഗീകരിച്ചു. പെൻസിൽവാനിയ സ്‌റ്റേറ്റ് യൂണിവേഴ്‌സിറ്റി, യൂണിവേഴ്‌സിറ്റി ഓഫ് ബ്രിസ്റ്റൾ, യൂണിവേഴ്‌സിറ്റി ഓഫ് ലീഡ്‌സ്, യൂണിവേഴ്‌സിറ്റി ഓഫ് വെസ്‌റ്റേൻ ഓസ്‌ട്രേലിയ, സീജിയാങ് യൂണിവേഴ്‌സിറ്റി എന്നിവയ്‌ക്കൊപ്പമാണ് കേരള വെറ്ററിനറി ആൻഡ് അനിമൽസയൻസ് സർവകലാശാലയും അംഗമാകുന്നത്.

[13]

അവലംബം[തിരുത്തുക]

  1. http://www.deccanchronicle.com/130601/news-current-affairs/article/livestock-centre-alanallur-achieves-rare-feat[പ്രവർത്തിക്കാത്ത കണ്ണി]
  2. http://www.kerala.gov.in/index.php?option=com_content&view=category&layout=blog&id=44&Itemid=2844
  3. http://www.thehindu.com/todays-paper/tp-national/tp-kerala/vet-varsity-to-launch-poultry-science-faculty/article5772323.ece
  4. http://www.icar.org.in/node/612
  5. http://kvasu.ac.in/uploads/downloads/download_11.pdf
  6. http://www.janayugomonline.com/php/mailnews.php?nid=1003166[പ്രവർത്തിക്കാത്ത കണ്ണി]
  7. http://www.deshabhimani.com/newscontent.php?id=215943
  8. "ആർക്കൈവ് പകർപ്പ്". Archived from the original on 2011-06-09. Retrieved 2011-07-20.
  9. "ആർക്കൈവ് പകർപ്പ്". Archived from the original on 2012-11-30. Retrieved 2013-04-16.
  10. http://enewskerala.com/index.php?menu=keralam&id=15592&view=full&article=Palakkad&news=Palakkad%20News
  11. "മാതൃഭൂമി വാർത്ത ശേഖരിച്ചത്:2013 മെയ് 30". Archived from the original on 2013-05-30. Retrieved 2013-06-11.
  12. http://www.deshabhimani.com/newscontent.php?id=215943
  13. "ആർക്കൈവ് പകർപ്പ്". Archived from the original on 2014-04-27. Retrieved 2013-06-11.

ചിത്രശാല[തിരുത്തുക]