കടമറ്റത്ത് കത്തനാർ

വിക്കിപീഡിയ, ഒരു സ്വതന്ത്ര വിജ്ഞാനകോശം.
കടമറ്റം പള്ളി

പതിനാറാം നൂറ്റാണ്ടിൽ ജീവിച്ചിരുന്നു എന്ന് കരുതപ്പെടുന്ന ഒരു മാന്ത്രികനായ വൈദികനായിരുന്നു കടമറ്റത്ത് കത്തനാർ. [1] ഇദ്ദേഹത്തെക്കുറിച്ചുള്ള ഐതിഹ്യങ്ങളെപ്പറ്റി അറിവുതരുന്ന പ്രമുഖ ഗ്രന്ഥമാണ് കൊട്ടാരത്തിൽ ശങ്കുണ്ണിയുടെ ഐതിഹ്യമാല[2] .

ജീവിതരേഖ[തിരുത്തുക]

തിരുവിതാംകൂറിലുള്ള കുന്നത്തു നാടു താലൂക്കിലെ കടമറ്റം എന്ന ദേശത്താണ്‌ അദ്ദേഹം ജനിച്ചത്. യഥാർത്ഥ പേര് പൗലോസ് എന്നായിരുന്നു. [3] മാതാപിതാക്കൾ മരിച്ചു പോകുകയും സഹോദന്മാരാരും ഇല്ലാതെ വരികയും ചെയ്തതിനാൽ ചെറുപ്പത്തിൽ തന്നെ അനാഥനായ അദ്ദേഹത്തെ കടമറ്റം പള്ളിയിലെ അച്ചൻ എടുത്ത് വളർത്തി. അദ്ദേഹത്തിന്‌ നല്ല വിദ്യാഭ്യസം നൽകുകയും സുറിയാനി തുടങ്ങി ഭാഷകൾ പഠിപ്പിക്കുകയും ചെയ്തു. വൈദികപാഠങ്ങൾ എല്ലാം അദ്ദേഹം തന്നത്താൻ പഠിക്കുകയും ചെയ്തു. അഞ്ചാറ് വർഷങ്ങൾ കൊണ്ട് അദ്ദേഹം ഒരു വൈദികൻ അറിഞ്ഞിരിക്കേണ്ട എല്ലാ കാര്യങ്ങളിലും നിപുണനായിത്തീർന്നു. കത്തനാരച്ചൻ അദ്ദേഹത്തെ ഒരു ശെമ്മാശൻ ആയി വാഴിച്ചു.[3]

മന്ത്രപഠനം[തിരുത്തുക]

പോയേടം - കത്തനാർ മന്ത്രപഠനത്തിനായി ഈ കിണറിലൂടെയാണ് പാതാളത്തിലേക്ക് പോയതെന്നാണ് ഐതിഹ്യം. കടമറ്റം പള്ളിയിലാണ് ഈ കിണർ

മൂത്ത കത്തനാരച്ചന്‌ അക്കാലത്ത് നിരവധി പശുക്കൾ ഉണ്ടായിരുന്നു. അതിലൊന്ന് ഒരിക്കൽ മേയാൻ പോയശേഷം തിരികെ വന്നില്ല. അതിനെ അന്വേഷിക്കാനായി ശെമ്മാശ്ശനും(കത്തനാർ) കടമറ്റത്ത് അന്വേഷിച്ചെത്തുകയും അന്വേഷണത്തിനിടയിൽ മന്ത്രവാദികളായ കാട്ടുവാസികളുടെ ഇടയിൽ പെട്ടെന്നും അവരുടെ പക്കൽ നിന്ന് മന്ത്രവാദം പഠിച്ചെന്നുമാണ് ഐതിഹ്യം.[3]

അവലംബം[തിരുത്തുക]

  1. പുകടിയിൽ, ഇട്ടൂപ്പ് റൈറ്റർ. മലയാളത്തുള്ള സുറിയാനി ക്രിസ്ത്യാനികളുടെ സഭാചരിത്രം; മൂന്നാം പതിപ്പ് (ഭാഷ: മലയാളം) (2004 എഡി.). മോർ ആദായി സ്റ്റഡീ സെന്റർ. p. 142. 
  2. ശങ്കുണ്ണി മേനോൻ, പി (1994). തിരുവിതാംകൂർ ചരിത്രം. തിരുവനന്തപുരം, കേരള: കേരള ഭാഷാ ഇൻസ്റ്റിറ്റ്യൂട്ട്. 
  3. 3.0 3.1 3.2 കൃഷ്ണൻ നായർ, എൻ. (മാർച്ച് 2003). കടമറ്റത്തുകത്തനാർ (ഭാഷ: മലയാളം). H & C Publishing House, Thrissur.  തീയതിയ്ക്ക് നൽകിയ വില പരിശോധിക്കുക: |date= (സഹായം)
Wikisource-logo.svg
ഈ ലേഖനത്തിലെ വിഷയത്തെ സംബന്ധിക്കുന്ന കൃതി വിക്കിഗ്രന്ഥശാലയിലെ ഐതിഹ്യമാല/കടമറ്റത്ത്_കത്തനാർ എന്ന താളിലുണ്ട്.
"http://ml.wikipedia.org/w/index.php?title=കടമറ്റത്ത്_കത്തനാർ&oldid=1838216" എന്ന താളിൽനിന്നു ശേഖരിച്ചത്